Vikolwa 17:24 - KITABU KITAKATIFU

²⁴ “Nyasaye uyu, Mulombi wi lirova ni vindu viosi viveeye mu, aveeye Mwami wi ligulu ni lirova; si amenyaa mu matemberi gumbakwa na avandu.

Vikolwa 17:24 Iomraidhean Croise

Litanga 1:1

Mu litanga, Nyasaye yalomba ligulu ni lirova.

Litanga 14:19

Yamugasiza kandi navoora, “Nyasaye oveeye igulu ligali, uwa lomba ligulu kandi lirova ayaanze agaasizi Aburamu!

Litanga 14:22

Aburamu yativulira mwami wa Sodoma ndi, “Inzi nzisuha ku Yahova, Nyasaye oveeye igulu ligali, mulombi wiligulu nilirova,

1 Avami 8:27

“Navuzwa, ukaveeye unyala O, Yahova Nyasaye, komenya ligali mu lirova? Kali ligulu liosi siliveeye linene linyala kuduuka ivi omenye mulio, kunangwa Litembeli yili lia inzi mali kwumbaka linyala kuva linene likuduuka?

2 Avami 19:15

nasaara, “O, Yahova, Nyasaye wa Isiraeli, wikaye ku endeve yu vwami igulu wi vilombe vivio vie zimbaha, Ivi weng'ine oveeye Nyasaye, wamihaa uvwami vwosi vwi lirova. Walomba ligulu ni lirova.

2 Kyetsinyinga 2:6

Navuzwa nivwaha unyala ligali kumwumbakira Litembeli, kigira ligulu, kali niiva igulu ligali wu mwigulu sivanyala kumuduuka? Kunangwa mbeeye vwaha nduuki kumwumbakira Litembeli, niilitali vuzwa havundu hukusamba kimuli imbiri weve?

2 Kyetsinyinga 6:18

“Navuzwa ivi O, Nyasaye, oveeye unyala komenya ligali mu lirova harara na vandu? Kali ligulu liosi siliveeye linene linyala kuduuka ivi omenye mu mba. Kunangwa Litembeli yili lia inzi mali kwumbaka linyala kuva linene liduka ivi?

Zaburi 115:16

Ligulu liveeye lia Yahova yeng'ine, navuzwa yahaana lirova ku vandu.

Zaburi 146:5

Aveeye nuvugasu umundu wa Nyasaye wa Yakobo akoonyaa, kandi weleedaa ku Yahova Nyasaye wavo,

Zaburi 148:13

Leka vosi vizominye Yahova! Lieta lilie liveeye linene kuvita gandi goosi; uvukumi vwivwe voveeye igulu wi lirova ni ligulu.

Zaburi 24:1

Lirova harara na viosi viveeye mulio viveeye via Yahova; kivala harara na vandu vosi avamenyi mu viveeye via Yahova.

Isaya 40:12

Mundu anyala kogera amazi gi inyanza ku luhi lwumukono gwigwe, anoho kogera ligulu namakono geege? Mundu anyala kogera amalova gi kivala mu kekombe, anoho kubima vigulu kandi tugulu mu zikilo?

Isaya 40:28

Munyi mukikiri kuhulira? Kandi mukikiri kumanya? Yahova aveeye Nyasaye wi mihiga ni mihiga; uwalomba ligulu ni lirova. Sialuhaa anoho siakuzaa umwoyo mba. Siaveeye ho mundu umanya zing'anagani zizie mba.

Isaya 42:5

Nyasaye yalomba ligulu kandi nalivambula kuli lihema; kandi yalomba lirova kandi viosi vimenyi mulio. Yahaana mwika gwi livamwoyo ku vandu vosi avamenyi mu lirova. Kalunu Yahova Nyasaye avoora ku vatumikiri veve ndi,

Isaya 45:18

Yahova yalomba iligulu, aveeye Yahova Nyasaye! Yalomba lirova, yalilomba kuva lidinyu kandi liu kuhindira. Siyalilomba kuva liere mba, navuzwa live havundu ha avandu komenya. Yahova mwene avoora, “Inzi mbeeye Yahova, siaveeye ho nu munyasaye wundi mba.

Isaya 66:1

Yahova avoora, “Ligulu liveeye endeve yange yu vwami na lirova liveeye endeve yukuviika ku virenge viange. Kunangwa mulanyumbakira inyumba ya lugano ki; havundu hange hokomenya halava ha lugano ki?

Jeremia 10:11

Kunangwa muvavoolere: “Avanyasaye yava avavura kolomba ligulu ni lirova navadivi kutura mu lirova kandi isi wiligulu.”

Jeremia 23:24

Siaveeyeho nu umundu unyala kwivisa hanyala kuvula kumulora mba. Simumanyi inzi mbeeye havundu hoosi mwigulu kandi kulirova?

Jeremia 32:17

“Mwami munene Yahova, ivi walomba ligulu ni lirova kuzinguru zizio zinene kandi ku vunyali vuvwo. Si keveeyeho kindu kinyala kutama ivi mba.

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Zekaria 12:1

Yili ni likuva kutura ku Yahova kigira Isiraeli, Yahova walomba ligulu ni lirova, kandi wahaana livamwoyo ku mundu avoora,

Malaki 2:10

Kunyi kwosi sikoveeye na baba mulala? Siaveeye Nyasaye mulala mwene walomba kunyi kwosi? Maku kigira ki kuvunagaa lilagana lietu lia kwalomba mulala nu wache, kigira ki kolegelizaa lilagana lia Nyasaye yalomba navaaguuga viitu?

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Matayo 5:34

Navuzwa kalunu inzi muvooleraa ndi mutisuuha lwa mulomba lilagana mba. Mutisuuha ku ligulu, kigira liveeye endeve yu vwami vwa Nyasaye;

Luka 10:21

Ing'inga zana yeyo, Yeso yizula uvusangari mu Roho Mutakatifu, niyizominya Nyasaye, navoora, “Baba, Mwami wi ligulu nilirova. Ngusandizaa ligali kigira ivi umali kuvisa ivindu yivi kuvageri kandi ku avilimanya, navuzwa uvuuliyi vihanzahanza. Yee, Baba, nindio wayanza yaga gakolwi kuli vulaliri vuvwo.

Yohana 1:1

Lirova nilikikiri kolombwa, liali ho Likuva, kandi likuva zana liali harara na Nyasaye, kandi likuva liali Nyasaye.

Vikolwa 14:15

“Avandu munyi, kigira ki mukoraa vindu yivi? Kunyi kandi koveeye avandu kuli munyi. Koveeye hano kumwilwaazira Ivangeri ya Nyasaye, kunangwa muduuki koleka visiuvililu via vuzwa yivi, mwirane ku Nyasaye oveeye mwoyo, Nyasaye walomba ligulu ni lirova, kandi inyanza, nivindu viosi viveeye mu.

Vikolwa 4:24

Lwa vandu vasuuvira vahulira makuva yaga, vosi vaza harara, vasaala Nyasaye nu mwoyo mulala, ni vavoola, “ O, Mwami, kandi Mulombi wi ligulu ni lirova, inyanza ni vindu viosi iviveeye mu!

Vikolwa 7:48

“Kali ndio, Nyasaye Oveeye igulu Ligali kuvita viosi, siamenyaa mu zinyumba ziumbakwa na avandu mba; kuli muporofeti avoora;

Varumi 1:19

Nyasaye avaheezaa amageri goosi aganyala kumanyikana kigira gaveeye havulavu kuvo, kigira Nyasaye mwene yaagamanyia havulavu.

Kwidzulitsa 10:14

“Henza, Ligulu, kali ligulu liu mwigulu ligali, viveeye via Yahova; lirova ni vindu viveeyemu, viosi iviveeye vivie.

Vahebraina 1:2

Navuzwa mu madiku gu kumaliriza yaga umali kovolerana ni kunyi kuvitira mu Mwana weve wayatovola kuva mwene vindu viosi mu limalirika, kandi kuvitira muye yalomba ligulu ni lirova.

Vahebraina 3:4

Vuli inyumba yumbakwa nu mwumbaki, na Nyasaye niyie umali kwumbaka vindu viosi.

Likunula 20:11

Ndaalora Nyasaye niyikaye kondeve enene indavu yu vwami. Ligulu ni lirova viagota imbiri weve; sivialoleka kandi mba.