Vikolwa 17:2 - KITABU KITAKATIFU

² Paolo yingira mu, kuli gwaali mwima gwigwe, na avoolerana navo ku madiku gavaga gi Lisabato galondekani, natumikira Mang'oda Matakatifu.

Vikolwa 17:2 Iomraidhean Croise

Isaya 1:18

Yahova avoora, “Kalunu, hambi kuhulirizane mu makuva yaga. Kali uvwoni vwinyu nivoveeye vwakanyu ligali ndamwogiza mulave kuli likonza; kali nivoveeye vwakanyu ligali kuli masahi, mulava avalavu kuli ipamba.

Matayo 26:24

Yee, Umwana wa Adamu alakuza kuli gang'odwa kuye, mu Mang'oda Matakatifu, navuzwa, kilaamo keveeye ku oyo uzamaa Umwana wa Adamu! Vwali vwakaveeye vulahi musaza uyu alavula kwivulwa!”

Luka 4:16

Kunangwa Yeso yazia Nazareti wa yavirukira ku lidiku lie Lisabato, yingira mu Lisinagogi kuli gwaali mwima gwigwe. 17 Yasingira Kosooma Mang'oda Matakatifu.

Yohana 18:20

Yeso yamutivulira, “Inzi ndaamoloma havulavu kazozo ku avandu vumukivala vosi. Vuli ing'inga ndigiza mu Masinagogi kandi mu Litembeli, havundu ha Avayuda vosi vavugana harara; na ngikiri kovora ku kindu choosi mu vwivisu mba.

Vikolwa 13:14

Navuzwa yavo vazizagilira nologendo kutura Periga, nivaduuka mu lidaala lia Andiokia mu kivala cha Pisidia. Lidiku lie Lisabato vingira mu lisinagogi nivikara.

Vikolwa 13:5

Lwa vaduuka ha Salami, vilwaza likuva lia Nyasaye mu masinagogi ga Vayuda. Yohana walangwa Mariko yaali mutumikiri wavo.

Vikolwa 14:1

Kuli kazozo, Paolo na Baranaba vingira mu lisinagogi lia Vayuda ha Ikoniamu vilwaza nu vuluviliri kuduuka kiduma kenene cha Avayuda na Vaguriki nivasuuvira.

Vikolwa 17:10

Nonoho vudiku yivwo, avaamitu yavo vatuma Paolo na Sila vazie Berea. Lwa vamala kuduuka yo, vazia mu lisinagogi lia Vayuda.

Vikolwa 17:17

Yahangalizana na Vayuda na avandu vandi vi zihiiri avasigamiraa Nyasaye wa Isiraeli; na kazozo yalange ni lihangalizana mu chiitu na avandu vosi ava yavugana navo.

Vikolwa 18:4

Yamoloma nizinguru mu lisinagogi Masabato goosi, nageriza kokora Avayuda na Avaguriki vandu Vasuuvira.

Vikolwa 19:8

Ku ing'inga yi mieli jivaga Paolo yazizaa mu lisinagogi, na amolomaa nu vuluviliri nokogoonya avandu vavugiliri amakuva gu Vwami vwa Nyasaye.

Vikolwa 24:25

Navuzwa lwa Paolo yaatanga kwivaala ku uvulungi, uvwilindi kandi likalaga lizaa, Felikisi yizula uvuti vunyingi, kandi yativura navoora, “Tanga uzie kulwa kalunu. Lwa nanyoole vwiyangu, naangulange.”

Vikolwa 28:23

Kunangwa valagana naye lidiku liu kuvugana, na avandu avanyingi ligali vaduuka kuye aha yamenya. Kutura mugamba kuduuka mugolova, Paolo yavivaalira nu kuvavuulira amakuva gu Vwami vwa Nyasaye, nageriza kuvakola vavugiliri amakuva ga Yeso ku litumikira Lilaga lia Musa na amang'oda ga avaporofeti.

Vikolwa 8:35

Maku Filipo yatangila ku zimbaso zia Mang'oda Matakatifu yizio, namwilwaazira amakuva malahi ga Yeso.

Vikolwa 9:20

Yaatanga kwilwaza mu masinagogi ndi Yeso aveeye Mwana wa Nyasaye.

1 Vakorintho 15:3

Inzi ndaahana ku munyi makuva gandanyoola gaali manene kandi madukiru ligali, ndi Kristo yakuzira vwoni vwitu kuli gang'odwa mu Mang'oda Matakatifu;

1 Samweli 12:7

Kalunu singiri aha muveeye, na inzi ndamuyaala imbiri wa Yahova ku limwizuliza vindu vilungi viezingulu viosi via Yahova yakola kohonyia munyi na vaguuga vinyu.