Vikolwa 17:16 - KITABU KITAKATIFU

¹⁶ Lwa Paolo yaali naalindaa Sila na Timateo mu Azene, mwoyo gwigwe gwavihilirwa ligali lwa yalora kuli lidaala yilio liali nilizula vifananyi via avanyasaye.

Vikolwa 17:16 Iomraidhean Croise

1 Avami 19:10

Elija yativura navoora, “Yahova Nyasaye Wuvunyali; Inzi ngutumikiraa ivi weng'ine kazozo nuvugulu vwosi. Navuzwa vandu va Isiraeli vamala kuvunayia lilagana liavo niivi, kozooma hasi vwali vuvwo vwosi, nukwita vaporofeti vovo vosi. Inzi niyie utigaye zieng'ine; na vageriza kunzita!”

1 Avami 19:14

Elija yativura navoora, “Yahova Nyasaye uvunyali, inzi ngutumikiraa ivi weng'ine kazozo nuvugulu vwosi. Navuzwa avandu va Isiraeli vamala kuvunayia lilagana liavo niivi, vaazooma hasi vwali vuvwo vwosi, nukwita avaporofeti vovo vosi. Inzi niyie utigaye zieng'ine na vageriza kunzita.”

Zaburi 119:136

Zimoni ziange zidorokaa amaliga kuli migera ja amazi, kigira avandu si vahuliraa amalago googo mba.

Zaburi 119:158

Lwa ndolaa avazami yavo, mbihirirwa ligali, kigira si valinda amalago googo mba.

Zaburi 69:9

Uvuha vwange vwu kuyaanza Litembeli liilio vwaduuka mu mwoyo gwange kuli umuliru; amanyego ga yavo avanyegaa ivi, gamali kuduuka kali ku inzi.

Jeremia 20:9

Navuzwa lwa mboraa, “Ndivilira Yahova kandi si ndamoloma mu lieta lilie mba,” maku likuva liilio liveeye kuli muliru gusambanga mu inzi. Ngelizanga kwikuzira, navuzwa sinyalizanga mba.

Mika 3:8

Navuzwa, ku lwa inzi, Yahova yizuliza mu inzi Roho weve kandi zinguru zizie, kandi yambeza likalaga liu vulungi nuvuluviliri ukwilwazira avandu va Isiraeli vwoni vwavo.

Marko 3:5

Yeso yavahenza zimbega ziosi navihilirwa, kandi navavererera kigira uvudinyu vwi mioyo jaavo. Yavolera umundu oyo, “Nyira mukono gugwo!” Naye yanyira umukono gwigwe, nagwo gwahona ligali.

Yohana 2:13

Lisavo lia Vayuda lilangangwa Lipasaka liali ahimbi, kunangwa Yeso yazia Jerusalemi.

Vikolwa 17:15

Avaamitu yavo avahereka Paolo vazia kumuduukiza Azene. Maku virana na malago kutura ku Paolo ndi Sila na Timateo vamulondelere vwangu kuli ganyalika.

Vikolwa 17:21

Avandu va Azene na avageni vandi avamenya mu lidaala yilio vatumikira vwiyangu vwavo vwosi kovolerana nu kuhuliriza amakuva mageni.

Vikolwa 17:23

Lwa ndavita mu lidaala lienyu linene nimbenza ahukusigamira hinyu, ndanyoora uvwali vwang'odwa ku amakuva yaga, ‘Ku Nyasaye utamanyikani’ uyu wa musigamiraa vugira kumumanya niyie wa inzi nzilwazira munyi.

Vikolwa 18:1

Inyima wa yaga, Paolo yatura Azene, nazia Korinzo.

Vikolwa 20:22

Kalunu, huliri! Mulitia Roho Mutakatifu, nziza Jerusalemi vugira kumanya agalingwira yo.

1 Vatesalonike 3:1

Kunangwa, lwa kwaali sikunyala kwikuzira kali hakuzu kwatovola ndi ni vulahi kunyi kutigale inyima kwenyine mu Azene.

2 Petro 2:7

Yahonyia Loti mundu mulungi wavererizwa ligali ku limenya lie kifavwi cho voheyi lia vandu vachamu.