Vikolwa 17:14 - KITABU KITAKATIFU

¹⁴ Avaamitu vamuhereka vwangu kuzia kunyanza; navuzwa Sila na Timateo vatigara Berea.

Vikolwa 17:14 Iomraidhean Croise

Matayo 10:23

“Navuzwa avandu ni vamudambiza mu lidaala lilala, mwirukiri mu lidaala lindi. Agiligali muvooleraa, si mulimala ligenda lienyu mu madaala goosi aga Isiraeli, Umwana wa Adamu nakikiri kuuza mba.

Vikolwa 1:15

Inyima wa madiku makekeeke, liali ho livugana lia vandu avasuuviraa, vaduuka ahimbi mia moja na sirini. Petero yasingira hagati haavo,

Vikolwa 15:22

Maku, Avatumwa, avakulundu, harara ni likanisa liosi, vayanzizwa kotovola avandu valala kuvo nukuvatuma kuzia Andiokia, harara na Paolo na Baranaba. Vamanya vatovole Yuda, uwalangwa kandi Barisaba, na Sila; vosi vaali avandu vamanyikana ligali hagati ha avaamitu.

Vikolwa 16:1

Kandi Paolo yaduuka ha Deribe na Lusitura. Yaali yo mwigizwi uwalangwa Timateo. Mama weve yaali Muyuda Mukristayo navuzwa baba weve yaali Muguriki.

Vikolwa 17:10

Nonoho vudiku yivwo, avaamitu yavo vatuma Paolo na Sila vazie Berea. Lwa vamala kuduuka yo, vazia mu lisinagogi lia Vayuda.

Vikolwa 17:15

Avaamitu yavo avahereka Paolo vazia kumuduukiza Azene. Maku virana na malago kutura ku Paolo ndi Sila na Timateo vamulondelere vwangu kuli ganyalika.

Vikolwa 17:4

Avalala kuvo vavugilira, nivahambana na Paolo na Sila. Avanyingi ku Vaguriki vaatia Nyasaye, na avakali vanene vanyingi vigulu, vahambana navo.

Vikolwa 17:6

Navuzwa sivavanyoola mu mba. Nivakweesa Jasoni harara na avaamitu vandi nivavahila ku avanene vi lidaala, nivakora liyoga, nivavoora, “Avandu yavo vagoyanyia lirova liosi, na kalunu vaduuki mu lidaala yili kandi.

Vikolwa 18:5

Lwa Sila na Timateo virana kutura Makedonia, Paolo yatumikira vwiyangu vwivwe vwosi ku lilwaza, niyivaalira Avayuda ndi Yeso niyie Mesia.

Vikolwa 19:22

Kunangwa avandu vaviri kuvo avaari avatumikiri veve, Timateo na Erasito, yavatuma kuzia Makedonia, naye mwene yaatigara na amenyaa Asia ku ing'inga idukanaa.

Vikolwa 20:3

wa yamenya mieli jivaga. Lwa yaali niyetegeka kuzia Siria, yahulira ndi Avayuda vaali nivamugoneki vamwiti; ku lwa yago yamanya niyiirana navitira Makedonia.

Vikolwa 9:25

Navuzwa mu ing'inga yu vudiku aviigi veve vamuvugura ni vamuvitilizira kwidigi, ni vamwikizira mu kihinda.

Vikolwa 9:30

Lwa vandu avasuuviraa vamanya amakuva yago, vavugura Saolo, nivamuhila Kaisaria, ni vamuleka azie Tariso.

Tito 1:5

Kivuni chagira ningoleka mu Kerete, keveeye ndi ivi uduuki kulungikiza vindu viosi via gehera, nu kuviika avakulundu vi likanisa mu madaala goosi kuli nda kulaga.

Joshua 2:16

Yavavolera, “Muzie mu kivala chi vigulu, gase avasaza valondeleri vu mwami yatuma valamunyoola. Mwivisi yo ku madiku gavaga kuduuka lwa viranaa. Lwinyima munyala kuzia wamwenyaa.”