Vikolwa 16:31 - KITABU KITAKATIFU

³¹ Navo vaamutivulira, “Usuuviri Mwami Yeso, na ivi ulahonywa harara navinyumba yooyo vosi.”

Vikolwa 16:31 Iomraidhean Croise

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

Isaya 45:22

“O, munyi avandu vi lirova liosi, mwirane ku inzi kalunu ndi, na mulanyola lihona! Inzi mbeeye Yahova Nyasaye wengine oveeye ho.

Jeremia 32:39

Ndavaha mwoyo mulala, kandi liiva lilala, vaduuki kutia inzi mihiga ni mihiga, ku vulahi vwavo aveene, kandi ku vulahi vwi visukululwi vaavo.

Habakuk 2:4

Yaga nigo makuva zana: ‘Yavo avaveeye vadamanu, sivalakahononoke mba; navuzwa yavo avaveeye avalungi valakave mwoyo kigira vaveeye avasuuvirifu ku Nyasaye.’ ”

Marko 16:16

Ku vosi usuviraa na abatizwi alahonywa. Ku vosi uvula kusuuvira, alakalagirwa.

Yohana 1:12

Navuzwa ku yavo vosi avamuvugilira kandi avaasuuvira muye, yavaha uvunyali kuva avana va Nyasaye.

Yohana 20:31

Navuzwa yivi viang'odwa kunangwa munyi muduuki kusuuvira ndi Yeso ni Mesia. Mwana wa Nyasaye; na mu lisuuvira lienyu muye, mulava ni livamwoyo mu zie lieta lilie.

Yohana 3:36

Uyu usuviraa Mwana wa Nyasaye, aveeye ni livamwoyo litahera mba. Navuzwa uyu utatiza Mwana wa Nyasaye, sialilola livamwoyo kigira amaduywa ga Nyasaye galamenya kuye.

Yohana 6:40

Icha Baba wange yenya keveeye ndi, vosi avalolaa Mwana na vaduuki kumusuuvira valava ni livamwoyo litahera mba. Kandi inzi ndavasimugukiza kandi ku lidiku liu kumaliriza.”

Yohana 6:47

Muvooleraa agiligali, uyu usuviraa, aveeye ni livamwoyo litahera mba.

Vikolwa 15:11

Gatava ndio! Kunyi kusuuvira kandi kuhonywaa ku zimbavasi ziu Mwami Yeso, kuli yava navo kandi vasuuvira.”

Vikolwa 16:15

Inyima wu mukali oyo harara navinyumba yeye vaali nivakabatizwa, yakwingiriza navoora, “Hambi mumenye munyumba yange niiva mumali kolola ndi mbeeye musuuviri wiligali mu Mwami. Yakogoonya kuzie naye.”

Vikolwa 16:32

Maku, vaamwilwazira likuva liu Mwami harara na avinyumba yeeye vosi.

Vikolwa 18:8

Krisipo, munene wi lisinagogi, yasuuvira mu Mwami, oyo harara na avinyumba yeeye vosi. Avandu va Korinzo avanyingi avahulira likuva lia Paolo vasuuvira, kandi nivabatizwa.

Vikolwa 4:12

Ovohonyi vulanyoleka kuvitira muye yenyine, kigira mu lirova liosi, siali ho nu mundu wundi woosi wa Nyasaye yahaana unyala kukuhonyia mba. ”

Vikolwa 8:36

Lwa vaali ni vakizizagilira no logendo, vaduuka havundu ha amazi gaali. Kiziri oyo yavoola, “Henza amazi ngaga yaaha, ni kindu ki ikinzigalira mburi kubatizwa?” [

Varumi 11:16

Niiva kedonye chu kutanga chu mugadi kihanwa ku Nyasaye, kunangwa mugadi gwosi goveeye gwa Nyasaye, kandi niiva imiliju musaala jihaanwa ku Nyasaye, iziisia nazio ni zia Nyasaye.

Vagalatia 3:14

Kristo yakola likuva yili kunangwa, uvugasu vwa Nyasaye yasuuviriza Aburahamu vuduuki kohevwa vandu vizihiiri kuvitira mu Kristo Yeso. Kunangwa kuvitira mu lisuuvira kunyi kuduuki konyoora Roho wa Nyasaye yakusuuviriza.

Vagalatia 3:22

Navuzwa Mang'oda Matakatifu gavoora ndi, lirova liosi liveeye hasi hi zinguru ziu uvwoni, na ndio, kihanwa ichasuuvirizwa kigira lisuuvira mu Yeso Kristo, kihaanwaa ku yavo vosi avasuuviraa.

Vagalatia 3:26

Munyi vosi muveeye avana va Nyasaye kuvitira mu lisuuvira mu lihambanywa na Kristo Yeso.