Vikolwa 16:22 - KITABU KITAKATIFU

²² Kiduma chahambana harara mu lingilira Paolo na Sila. Avakalagi yavo vatandulira Paolo na Sila zinguvu ziavo, nivahaana malago vakuywi ni zimbimbu.

Vikolwa 16:22 Iomraidhean Croise

Matayo 10:17

Mugerihi ku avandu, kigira valamuhira mu viina, na valamukuyila mu masinagogi gaavo.

Matayo 27:26

Hene yaho Pilato yaavoholora Baraba kutura mu vuhambe. Maku yalaga vasikari veve vakuyi Yeso, ma avambwe.

Luka 12:11

“Lwa valimuhila imbiri wamasinagogi ni imbiri wa avami vanene, mutava nilihenda mwoyo kuganagana icha mulitivula, anoho icha mulivoola mba.

Vikolwa 16:37

Navuzwa Paolo yavoola, “Vamali kukukuya imbiri wa avandu kandi vakuviiki muvuhambe nikukikiri kuyaalizwa na kunyi na vandu va Rumi. Ku kalunu vakukunga mbuvisi! Si ganyalika mba! Kuduuka vaze aveene vakovoholole.”

Vikolwa 17:5

Navuzwa Avayuda vakendeka; vavungiza harara avandu vadamanu, avaguunza mu chiitu, nivavungiza kiduma, nivakora kivihiri mu lidaala liosi. Vingira munyumba ya Jasoni, nivasuuvira ndi, valanyora mu Paolo na Sila, vavaleete ichova imbiri wa avandu.

Vikolwa 18:12

Navuzwa ing'inga ya Galio yaali mwamihi wa Akaya, Avayuda vingilira Paolo nu mwoyo mulala nivamuhila mu kiyaalo chi likalaga.

Vikolwa 5:40

Valanga avatumwa viirane mu kiyaalo ni vahaana amalago vakuywi, ni vaviganihiza vatigiza kandi ku lieta lia Yeso mba. Maku vavaleka vazie.

2 Vakorintho 6:5

Kwamala kukuywa, kwavofwa mu vuhambe; kwavihilirwa no kosekerizwa, kandi ividuma viakokolera kehenyahenye, kwayinzilizwa vudinyu vugira lisosa; sikwanyoola ligona zindoolo kali hakuzu, kandi kwaali ninzara.

1 Vatesalonike 2:2

Munyi mumanya kuli kwaali ni kusaliriziywi kandi ni konyegeywi mu Filipi nikukiri kuuza ku munyi mu resalonike. Kali niiva vuhing'ani vonene vwali ho, Nyasaye wiitu yakuha uvuluviliri kumuvolera Ivangeri yeeye.

Vahebraina 11:36

Avalala vakolerwa kehenyahenye kandi nivakuywa, na vandi vavofa niminyororo kandi nivaviikwa mu vuhambe;

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.