Vikolwa 16:13 - KITABU KITAKATIFU

¹³ Ku lidiku lie Lisabato kwatula ichova wi lidaala, nikuzia ku lujinga lwu mugera, ha kwaganagana ni havundu hu kusaala. Kwikala nikomoloma na avakali avavugana ho.

Vikolwa 16:13 Iomraidhean Croise

Matayo 13:2

Viduma vinene viamukumbiriza nivamumina kuduuka naniina mu liato, ni yikala mu. Avandu yavo vosi vasingira ku lujinga.

Marko 16:15

Yavavolera, “Muzie mu lirova liosi kandi mwilwaze Ivangeri ku avandu vosi.

Luka 13:10

Yeso yaali niyigiza mu lisinagogi lilala lidiku lie Lisabato.

Yohana 8:2

Mugambazuri mumavwevwe, Yeso yirana mu Litembeli. Avandu vosi vazia kuye, nivamukumbiriza naye yikala hasi naavigiza.

Vikolwa 13:14

Navuzwa yavo vazizagilira nologendo kutura Periga, nivaduuka mu lidaala lia Andiokia mu kivala cha Pisidia. Lidiku lie Lisabato vingira mu lisinagogi nivikara.

Vikolwa 13:42

Lwa Paolo na Baranaba vaali nivakaturaa mu lisinagogi, avandu vi zihiiri vavagoonya viirane lidiku lie Lisabato lialonda ku, vavavoolere kandi amakuva yaga.

Vikolwa 16:16

Lidiku lilala, lwa kwaali nikuzizaa havundu hu kusaala, mukaana mulala uwaali ni lidemoni liu kulagula, yagana ni kunyi. Mukaana oyo yaleeteranga avatugi veve mabese manyingi ku vulaguli vwivwe.

Vikolwa 16:6

Vavitira muvivala via Furija na Galatia, kigira Roho Mutakatifu siyavavugilira vilwaze likuva yilio mu kivala cha Asia mba.

Vikolwa 17:2

Paolo yingira mu, kuli gwaali mwima gwigwe, na avoolerana navo ku madiku gavaga gi Lisabato galondekani, natumikira Mang'oda Matakatifu.

Vikolwa 18:4

Yamoloma nizinguru mu lisinagogi Masabato goosi, nageriza kokora Avayuda na Avaguriki vandu Vasuuvira.

Vikolwa 20:7

Ku lidiku lia Jumamosi hamugorova, kwavugana harara komeganyia mugadi. Kigira Paolo yaali niyenyaa kuzia mugamba golonda ku, yiilwazira avandu, nazizagilira kwilwaza kuduuka vudiku hagati.

Vikolwa 21:5

Navuzwa madiku giitu lwa gaafwa, kwatula nikuzia kologendo lwiitu. Vosi harara vakali na vana vaavo, vakohereka kuduuka ichova wi lidaala. Lwa kwaduka ku lujinga, lwinyanza kwosi kwasigama nikusaala, ma nikusivulana;

Vikolwa 9:20

Yaatanga kwilwaza mu masinagogi ndi Yeso aveeye Mwana wa Nyasaye.

Vagalatia 3:28

Kulwayago, sihaveeyeho kandi ni liavukana hagati ha Avayuda na vandu vizihiiri, mutugwa nu muvoholore anoho musaza nu mukali kandi mba. Vosi muveeye kindu kilala mu lihambanywa na Kristo Yeso.

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.