Vikolwa 15:3 - KITABU KITAKATIFU

³ Kunangwa likanisa liavasivula nivavatuma vazie ku logendo lwavo. Vaali nivavitira mu Foenisia nu mu Samaria, nivivalira vandu avasuuviraa kuli avizihiiri zindi viganira kuuza ku Nyasaye. Amakuva yaga gayaanziza avaamitu yavo vosi ligali.

Vikolwa 15:3 Iomraidhean Croise

Luka 15:32

Gaduukani kolombe lilia kandi kusangale, kigira amwavo woovo uyu yaali niyakuza, navuzwa kalunu aveeye mwoyo; yaali niyagota, navuzwa kalunu anyoleki.’ ”

Vikolwa 1:15

Inyima wa madiku makekeeke, liali ho livugana lia vandu avasuuviraa, vaduuka ahimbi mia moja na sirini. Petero yasingira hagati haavo,

Vikolwa 13:48

Avandu vi Zihiiri lwa vahulira amakuva yaga vayaanza, nivizominya likuva lia Nyasaye; yavo avaari nivatovolwa konyoora livamwoyo litahera mba, vasuuvira.

Vikolwa 13:52

Navuzwa avalondi vizura uvuyanzi na Roho Mutakatifu.

Vikolwa 14:27

Lwa vaduuka Andiokia vavuganyia likanisa lia ahene yaho, nivavavoolera amakuva gi vindu viosi via Nyasaye yakola harara navo, kandi kuli yigulira avandu vi Zihiiri zindi kiliango chu kwingira mu lisuuvira.

Vikolwa 15:1

Avandu valala vaza Andiokia kutura Ivuyuda nivatanga kwigiza avaamitu, nivavoora ndi: “Nimutakevwa kolondekana ni miima ji Lilaga lia Musa, simunyala kohonywa mba.”

Vikolwa 15:12

Kiduma choosi chakiring'ana; nivahuliriza Baranaba na Paolo nivivalanga vilolekizu ni viokogenyia via Nyasaye yakola kuvitira muvo na amakono gaavo mu avandu vi Zihiiri.

Vikolwa 15:22

Maku, Avatumwa, avakulundu, harara ni likanisa liosi, vayanzizwa kotovola avandu valala kuvo nukuvatuma kuzia Andiokia, harara na Paolo na Baranaba. Vamanya vatovole Yuda, uwalangwa kandi Barisaba, na Sila; vosi vaali avandu vamanyikana ligali hagati ha avaamitu.

Vikolwa 15:32

Yuda na Sila, avaari avaporofeti vamoloma na avaamitu yavo ku ing'inga indambi nivavaleminya mioyo nu kuvadinyiriza.

Vikolwa 15:4

Lwa vaduuka Jerusalemi vingirizwa vulahi ni likanisa na avatumwa kandi navakulundu. Vavavolera kandi havulavu amakuva goosi agi ivindu via Nyasaye yaali naakori kuvitira muvo.

Vikolwa 17:15

Avaamitu yavo avahereka Paolo vazia kumuduukiza Azene. Maku virana na malago kutura ku Paolo ndi Sila na Timateo vamulondelere vwangu kuli ganyalika.

Vikolwa 20:38

Kindu chavavereriza ligali mbitilira chaali likuva lia yavoola ndi sivalimulola kandi mba. Kunangwa, vamuhereka kuduuka mu liato.

Vikolwa 21:5

Navuzwa madiku giitu lwa gaafwa, kwatula nikuzia kologendo lwiitu. Vosi harara vakali na vana vaavo, vakohereka kuduuka ichova wi lidaala. Lwa kwaduka ku lujinga, lwinyanza kwosi kwasigama nikusaala, ma nikusivulana;

Vikolwa 28:15

Avakristayo va Rumi lwa vahulira amakuva giitu, vaza kukwaganira ha Chiitu cha Apia ha Zihoteli Zivaga. Paolo lwa yavalola yasandiza Nyasaye, kandi alema mwoyo.

Vikolwa 8:14

Kunangwa lwa avatumwa vaali ni vaveeye Jerusalemi vanyoola amakuva ndi avandu va Samaria navo vavugiliyi likuva lia Nyasaye. Vavatumira Petero na Yohana.

Varumi 15:24

ndohizaa kokora ndio kalunu lwa nambe ninziza mu kivala cha Sipeini. Suuviraa ndakamugenihi lwa naambitili yaho, kandi nyenya mungonye ku logendo lwene yilwo nduhi nduuki Sipeini nindakamara kusangara ni munyi ku ing'inga ngekeeke yene yeyo.

1 Vakorintho 16:11

Kugene yago, umundu woosi atamulegiliza mba, navuzwa mumukonye azizagiliri no logendo lwilwe mu mirembe, aduuki kwirana ku inzi; kigira mulindiliraa yaaze harara na vaamitu vandi.

1 Vakorintho 16:6

Niganyalika ndakamenye ni munyi yaho ku ing'inga idukanaa; anoho niganyalika ndakamenye harara ni munyi mu ing'inga yoosi yuvukindu, kunangwa muduuki kongonya nzizagiliri no logendo lwange havundu hoosi handiva ninziizaa.

2 Vakorintho 1:16

Ndaalohiza kumuluuta mu logendo lwange lwu kuzia Makedonia, na lwanzirana nduuki konyoora limanulwa kutura ku munyi kigira logendo lwange lwu kuzia Ivuyuda.

Tito 3:13

Kola izingulu okonye Zena, mwigizi wi lilaga na Apolo vatange logendo lwavo vwangu, kandi olole ndi vaveeye ni kindu choosi ichaveenya.