Vikolwa 14:19 - KITABU KITAKATIFU

¹⁹ Navuzwa Avayuda valala vaza kutura Andiokia ya Pisidia na Ikoniamu. Vagoonya avandu nivavaleeta kolovega lwavo, ma nivalasa Paolo magina, nivamukulula nivamuluguta ichova wi lidaala, nivaganagana ndi umali kukuza.

Vikolwa 14:19 Iomraidhean Croise

Jeremia 22:19

Kuli isukiri iyavilwa, mundu uyu alayavilwa ndio, alasiuvwa ichova wi virivwa via Jerusalemi.”

Vikolwa 13:14

Navuzwa yavo vazizagilira nologendo kutura Periga, nivaduuka mu lidaala lia Andiokia mu kivala cha Pisidia. Lidiku lie Lisabato vingira mu lisinagogi nivikara.

Vikolwa 13:45

Navuzwa Avayuda lwa valora viduma via avandu, vizura embodoka, nivahangaliza makuva ga Paolo yavoola, nivamunyega.

Vikolwa 14:1

Kuli kazozo, Paolo na Baranaba vingira mu lisinagogi lia Vayuda ha Ikoniamu vilwaza nu vuluviliri kuduuka kiduma kenene cha Avayuda na Vaguriki nivasuuvira.

Vikolwa 14:18

Kali niiva vavoola amakuva yaga, sivwaali vodoto kwigalira avandu yavo vavuli kuvahaanira visiuviliru mba.

Vikolwa 14:2

Navuzwa Avayuda vandi avavura kusuuvira vagemehiza nivakora mioyo ja avandu vi Zihiiri jivihilirwi nu kuhingira avaamitu yavo.

Vikolwa 14:21

Lwa vamala kwilwaza Ivangeri mu lidaala lia Deribe, vanyoola vandu avasuuviraa avanyingi, ni vatanga logendo kwirana Andiokia ya Pisidia, kuvitira Lusitura na Ikoniamu.

Vikolwa 14:26

Kutura yo vanina mu liato nivirana Andiokia ya, wa Siria vaviikwa mu vulindi vwi zimbavasi zia Nyasaye ku miyinzi ja vaali nivamaliyi.

Vikolwa 14:4

Navuzwa avandu vi lidaala yilio vavukana: avalala vaali kolovega lwa Avayuda, na avandi nivava kolovega lwa avatumwa.

Vikolwa 14:5

Kunangwa avalala ku avandu vi Zihiiri na Vayuda harara na avanene vaavo, vatovora kokora uvudamanu ku avatumwa, nukuvalasa amagina.

Vikolwa 15:26

Avandu yava vihaana kogotiza livamwoyo liavo kuvitira mu vudinyu vwosi kigira lieta liu Mwami wiitu Yeso Kristo.

Vikolwa 17:13

Navuzwa lwa Avayuda va Tesalonike, vamanya Paolo yilwaza likuva lia Nyasaye mu Berea, vazia yo kandi, nivatanga kogoyanyia no kogemehiza viduma via avandu.

Vikolwa 22:20

Lwa masahi ga Sitefano, mulolekizi woovo gasundulwa, inzi mwene ndaasingira ho, nimbugiliraa kekolwa yicho; kandi ndaalinda zinguvu zia yavo avaari nivamwita.’

Vikolwa 7:58

nivamuzoma ichova wi lidaala linene, nivamulasa na amagina. Avaloli vatuliza makoti gaavo nivagaviika mu vulindi vwu musoleri mulala, walangwa Saolo.

Vikolwa 9:16

Inzi mwene ndamumanyia goosi agamuduukira kusalira kigira lieta liange.”

1 Vakorintho 15:31

Avaamitu vange, Inzi ndolaa likuza vuli lidiku! Uvwelori vwambeeye navwo kigira munyi mu limenya lietu mu vuhambani vwitu na Kristo Yeso Umwami wiitu, voonombaa kovora yaga.

2 Vakorintho 11:23

Yavo vaveeye avatumikiri va Kristo? Inzi mbeeye mutumikiri mulahi wa Kristo ligali kuvavita; mboraa yaga kuli umulalu. Mali kuyinzira vudinyu ligali mali kuvikwa mu vuhambe haali kanyingi. Mali kukuywa haali kanyingi ligali, kandi mali kuva ahimbi ku likuza vuli ing'inga.

2 Vakorintho 11:25

Ndakuywa ni zimbimbu haali kavaga na Varoma; ndalaswa na magina lulala; iliato liavunika haali kavaga munyanza; ndaali munyanza mu vudiku vwosi nu mbasu gwosi.

2 Vakorintho 11:26

Haali kanyingi mu zing'endo ziange, ndanyoora uvudinyu vwu kwambuka migera nijizuyi, vudinyu vwa vanuuri, vudinyu kutura ku Vayuda vudinyu kutura ku vandu vi Zihiiri zindi, vudinyu kutura mu madaala, vudinyu vwu mwigendanyama, kandi vudinyu kutura ku vaamitu vovovehi!

1 Vatesalonike 2:14

Avaamitu viitu, vindu vilala viele viekoleka ku munyi kuli viekoleka ku makanisa ga Nyasaye agaveeye mu Vuyuda, ku avandu vaveeye yo avaveeye va Kristo Yeso. Munyi kandi mwadambizwa lidambizwa lilala liere kutura ku vandu vi kivala chiinyu aveene, kuli vadambizwa kutura ku Vayuda;