Vikolwa 14:1 - KITABU KITAKATIFU

¹ Kuli kazozo, Paolo na Baranaba vingira mu lisinagogi lia Vayuda ha Ikoniamu vilwaza nu vuluviliri kuduuka kiduma kenene cha Avayuda na Vaguriki nivasuuvira.

Vikolwa 14:1 Iomraidhean Croise

Marko 7:26

Mukali zana oyo yaali Muguriki, wivulwa mu losoma lwa Foenisia mu Siria. Yagoonya Yeso akungi ilidemoni kutura mu mukaana weve.

Yohana 12:20

Avaguriki valala avaari harara na avandu vazia Jerusalemi kusigamira Nyasaye mu ing'inga yilisavo yili.

Yohana 7:35

Avanene va Avayuda vavolerana aveene naveene, “Mundu uyu aveeye ahimbi kuzia hayi aha kulivula kumunyoola? Anyala kuzia ku Avayuda vasalana hagati ha Avaguriki, yigizi Avaguriki?

Vikolwa 11:21

Zinguru ziu Mwami Nyasaye ziali harara navo, na avandu vanyingi vasuuvira nivagirung'ana kuzia ku Mwami Yeso.

Vikolwa 13:43

Lwi livugana liafwa, Avayuda vanyingi na avandu vi Zihiiri avaari nivavugura lisuuvira lia Vayuda valonda Paolo na Baranaba. Avatumwa yavo vavolerana navo, nivavadinyiriza vazizagiliri komenya mu zimbavasi zia Nyasaye.

Vikolwa 13:46

Navuzwa Paolo na Baranaba vamoloma nu vuluviliri vonene, nivavoora, “Liali linigwa likuva lia Nyasaye litange kuduuka ku munyi; navuzwa, kigira mulisuuyi, nu kwelola simuduukana ni livamwoyo litahera mba, heenzi, kunyi koleka munyi nu kuzia ku avandu vi Zihiiri zindi.

Vikolwa 13:5

Lwa vaduuka ha Salami, vilwaza likuva lia Nyasaye mu masinagogi ga Vayuda. Yohana walangwa Mariko yaali mutumikiri wavo.

Vikolwa 13:51

Navuzwa avatumwa vavungulura luguchi lwali mu virenge viavo love kelolero chi likalaga kuvo, ma nivazia Ikoniamu.

Vikolwa 14:19

Navuzwa Avayuda valala vaza kutura Andiokia ya Pisidia na Ikoniamu. Vagoonya avandu nivavaleeta kolovega lwavo, ma nivalasa Paolo magina, nivamukulula nivamuluguta ichova wi lidaala, nivaganagana ndi umali kukuza.

Vikolwa 14:2

Navuzwa Avayuda vandi avavura kusuuvira vagemehiza nivakora mioyo ja avandu vi Zihiiri jivihilirwi nu kuhingira avaamitu yavo.

Vikolwa 14:21

Lwa vamala kwilwaza Ivangeri mu lidaala lia Deribe, vanyoola vandu avasuuviraa avanyingi, ni vatanga logendo kwirana Andiokia ya Pisidia, kuvitira Lusitura na Ikoniamu.

Vikolwa 16:1

Kandi Paolo yaduuka ha Deribe na Lusitura. Yaali yo mwigizwi uwalangwa Timateo. Mama weve yaali Muyuda Mukristayo navuzwa baba weve yaali Muguriki.

Vikolwa 16:2

Timateo yaali ni lizominywa lilahi hagati ha avaamitu va Lusitura na Ikoniamu.

Vikolwa 17:12

Avanyingi kuvo vasuuvira; kandi avakali avi igulu va Vaguriki na avasaza kandi.

Vikolwa 17:17

Yahangalizana na Vayuda na avandu vandi vi zihiiri avasigamiraa Nyasaye wa Isiraeli; na kazozo yalange ni lihangalizana mu chiitu na avandu vosi ava yavugana navo.

Vikolwa 17:4

Avalala kuvo vavugilira, nivahambana na Paolo na Sila. Avanyingi ku Vaguriki vaatia Nyasaye, na avakali vanene vanyingi vigulu, vahambana navo.

Vikolwa 18:4

Yamoloma nizinguru mu lisinagogi Masabato goosi, nageriza kokora Avayuda na Avaguriki vandu Vasuuvira.

Vikolwa 18:8

Krisipo, munene wi lisinagogi, yasuuvira mu Mwami, oyo harara na avinyumba yeeye vosi. Avandu va Korinzo avanyingi avahulira likuva lia Paolo vasuuvira, kandi nivabatizwa.

Vikolwa 19:10

Yaazizagilira kokora yaga ku ing'inga yi mihiga giviri; kuduuka vandu vosi ku avamenyaa Asia, vombi Avayuda na Avaguriki, vahulira likuva liu Mwami.

Vikolwa 19:17

Avandu vosi va Efeso, Avayuda na Avaguriki, vamanya makuva yaga. Vosi vaali nu vuti, nivakuminya Mwami Yeso.

Vikolwa 19:8

Ku ing'inga yi mieli jivaga Paolo yazizaa mu lisinagogi, na amolomaa nu vuluviliri nokogoonya avandu vavugiliri amakuva gu Vwami vwa Nyasaye.

Vikolwa 2:47

Vizominya Nyasaye, na vandu vosi vavyaanza. Vuli lidiku Mwami yavameedaa ku muganda yigu vandu vandi vahonywa.

Vikolwa 20:21

Ndiganihiza avandu vosi Vayuda, na vandu vi zihiiri, viganiri ma viirane ku Nyasaye, nu kusuuvira Mwami wiitu Yeso Kristo.

Vikolwa 21:28

Vahanzuka nivavoora, “Avandu va Isiraeli, kokoonyi, kokoonyi! Uyu niyie mundu wigiza avandu muvivala viosi makuva gahing'ana na vandu va Isiraeli, agahing'anaa ni Lilaga lia Musa na Havundu Hatakatifu hano. Kali kalunu umali kwingiriza avandu vi Zihiiri zindi mu Litembeli, nu kwonogonyia ahatakatifu hano.”

Vikolwa 9:20

Yaatanga kwilwaza mu masinagogi ndi Yeso aveeye Mwana wa Nyasaye.

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

Varumi 10:12

Likuva yili liveeye ku vandu vosi kigira sihaveeyeho ni liavukana hagati ha Vayuda na vandu vizihiiri mba; Nyasaye aveeye mwahuli mulala wavoosi kandi ahaanaa uvugasu vunyingi ku vosi avamwanira.

Vagalatia 2:3

Navuzwa uwache wange Tito, kali naveeye Muguriki, siyaanigwa kokevwa mba,

Vagalatia 3:28

Kulwayago, sihaveeyeho kandi ni liavukana hagati ha Avayuda na vandu vizihiiri, mutugwa nu muvoholore anoho musaza nu mukali kandi mba. Vosi muveeye kindu kilala mu lihambanywa na Kristo Yeso.

Vakolosai 3:11

Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi.