Vikolwa 13:48 - KITABU KITAKATIFU

⁴⁸ Avandu vi Zihiiri lwa vahulira amakuva yaga vayaanza, nivizominya likuva lia Nyasaye; yavo avaari nivatovolwa konyoora livamwoyo litahera mba, vasuuvira.

Vikolwa 13:48 Iomraidhean Croise

Zaburi 138:2

Sigamaa niimbenzi Litembeli liilio litakatifu, kandi nzizominya lieta liilio kigira uvuyanzi vuvwo vutali nekeheri kandi uvusuuvirifu vuvwo, kigira umali kumanyia ndi lieta liilio kandi malago googo viveeye vinene ligali igulu wa viosi.

Matayo 25:46

Kulwayago, valazia konyoora ikivi na maduywa gi mihiga ni mihiga, navuzwa avalungi valanyora livamwoyo lie mihiga ni mihiga.”

Matayo 28:16

Aviigi likomi na mulala vazia ku kiguru mu Galilaya, aha Yeso yavalaga vazie.

Luka 7:8

Inzi mwene mbeeye hasi hu vunyali vwa vanene vange, kandi mbeeye na vasikari mia hasi hange ava inzi nindanga. Nimbolera uyu, ‘Zia,’ ma azia kandi wundi, ‘Hamba,’ ma yaza kandi mbolera mutugwa wange, ‘Kola ndi’ maakora ndio.”

Yohana 10:16

Mbeeye kandi na amagondi gandi amanyingi agataveeye gu mu kego yiki. Kuduuka ngaleete kandi. Nago kandi galahulira mwoyo gwange, na galava chayo kilala nu mwayi mulala.

Yohana 11:52

na sikoveeye ku yavo venyine, navuzwa kandi aduuki kuleeta harara avana va Nyasaye avasalana.

Vikolwa 13:12

Lwu munene wi kisulu oyo yalora yaga, yasuuvira nagenya ligali ku amigizu gu Mwami ga yahulira.

Vikolwa 13:42

Lwa Paolo na Baranaba vaali nivakaturaa mu lisinagogi, avandu vi zihiiri vavagoonya viirane lidiku lie Lisabato lialonda ku, vavavoolere kandi amakuva yaga.

Vikolwa 15:2

Paolo na Baranaba vaali na mahangali manene na vandu yavo kigira likuva yili. Lwa Paolo na Baranaba vaali nivamali kotevana navo, likalaga liavo liali ndi: Paolo na Baranaba harara na vandu vasuuvira valala kuvo vi Livugana lia Andiokia, vazie Jerusalemi kolola vatumwa na vakulundu ku likuva liene yili.

Vikolwa 15:31

Lwa vasoma ibarwa yeyo, amakuva gayo gavaleminya mioyo, nivayaanza ligali.

Vikolwa 2:41

Kunangwa avanyingi vasuuvira amakuva geege, nivabatizwa lidiku liene yilio. Avandu vaduuka ahimbi zielefu zivaga komeeda livaliza liu muganda gwa avasuuviri.

Vikolwa 2:47

Vizominya Nyasaye, na vandu vosi vavyaanza. Vuli lidiku Mwami yavameedaa ku muganda yigu vandu vandi vahonywa.

Vikolwa 20:13

Kwanina mu liato nikwimira kuzia Asosi, wa kwenya kuvugulira Paolo. Nindio yalohiza; kigira yenya kuduuka yo kuvitira mu kivala.

Vikolwa 22:10

Ndateeva, ‘Ngola ki, Mwami?’ Mwami yambolera, ‘Vuka uzie Damasiko; na ulavoolerwa vindu viosi via Nyasaye yenya okole.’

Vikolwa 28:23

Kunangwa valagana naye lidiku liu kuvugana, na avandu avanyingi ligali vaduuka kuye aha yamenya. Kutura mugamba kuduuka mugolova, Paolo yavivaalira nu kuvavuulira amakuva gu Vwami vwa Nyasaye, nageriza kuvakola vavugiliri amakuva ga Yeso ku litumikira Lilaga lia Musa na amang'oda ga avaporofeti.

Vikolwa 8:8

Maku vwali uvuyanzi vonene mu lidaala yilio.

Varumi 11:7

Kunangwa ni kindiki? Avandu va Isiraeli sivamanya nivanyoora cha venya mba. Na vandu vakekeeke vuzwa ava Nyasaye yatovola avakenyoola; avatigara vosi vamanya nivagwa zidimbidi ku lilangwa lia Nyasaye.

Varumi 13:1

Mundu sa mulala gamudukira yegehize ku vwamihi vwi kivala, kigira uvunyali vwosi vutulaa ku Nyasaye kandi avamihi vaviikwa na Nyasaye.

Varumi 8:28

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

1 Vakorintho 16:15

Kalunu, avaamitu vange, mumanyi vulahi ndi vandu vinyumba ya Sitefano vaali avandu vukutanga ligali konyoora lisuuvira lie Kikristayo mu Akaya, na vayituliza kutumikira vandu va Nyasaye.

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.

Vafeso 1:19

Kandi muduuki kumanya kuli ovonene vwi zinguru zizie vuyinziraa mu kunyi avakusuuviraa. Zinguru yizi ziyinziraa mu kunyi yizio, ziveeye zindala nzere kuli zinguru zinene ligali,

Vafeso 1:4

Kali lirova nilikikiri kolombwa, Nyasaye yaali niyamala kotovola kunyi kove vandu aveeve kuvitira mu vuhambani Kristo kunangwa kuduuki kuva avatakatifu kandi vugira imbara mbiri weve. Kigira vuyanzi vwivwe,

Vafeso 1:5

Nyasaye yaali niyamala kukalaga ndi kuvitira mu Yeso Kristo kunyi kuduuki kuvugilirwa kuva avana veve. Yili liali kandi lienya lilie.

2 Vatesalonike 3:1

Mulimaliriza, avaamitu viitu, mukusaaliri ndi likuva liu Mwami liduuki kulanda vwangu kandi livugilirwi nu luyali kuli liali hagati hinyu.