Vikolwa 13:43 - KITABU KITAKATIFU

⁴³ Lwi livugana liafwa, Avayuda vanyingi na avandu vi Zihiiri avaari nivavugura lisuuvira lia Vayuda valonda Paolo na Baranaba. Avatumwa yavo vavolerana navo, nivavadinyiriza vazizagiliri komenya mu zimbavasi zia Nyasaye.

Vikolwa 13:43 Iomraidhean Croise

Matayo 23:15

“O, vayaye, kilaamo keveeye ku munyi, avigizi vi Lilaga na Avafarisayo! Avagaadi munyi! Mwambukaa izinyanza kandi muvodong'anaa ilirova liosi muduuki konyoora umundu mulala ahambane ni lisuuvira lienyu. Navuzwa lwa mumunyoola, mumukolaa ave udukana kuzia mu gehena haali kaviri kuli munyi aveene muveeye.

Vikolwa 11:23

Lwa yaduuka nalora kuli Nyasaye yaali nagasizi avandu yavo, yayanza; na aviganihizaa vosi vaye avasuuvirifu ku Mwami Yeso ni mioyo jaavo josi.

Vikolwa 13:50

Navuzwa Avayuda vagemehiza avakali vi igulu avasigamira Nyasaye, avi Zihiiri zindi, kandi avasaza vanene vi lidaala yilio. Vatanga kudambiza Paolo na Baranaba, nivavakunga mu kadaala kavo yako.

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

Vikolwa 14:3

Kunangwa Paolo na Baranaba vazizagilira komenya yo ku ing'inga indambi ni vilwaza nu vuluviliri makuva gu Mwami Yeso. Mwami naye yalolekiza agiligali gi likuva lia vilwaza, lie zimbavasi zizie, ku livaha zinguru zio kokora vilolekizu kandi viokogenyia.

Vikolwa 16:14

Mulala ku yavo avakuhulira yaali Lidia, kutura mu lidaala lia Ziatira, yaali mukoli wi viasara vie zinguvu zie rangi ya muzambarao. Yaali mukali uwaasigamiraa Nyasaye. Mwami yakunura mwoyo gwigwe kuhulira icha Paolo yavoola.

Vikolwa 17:17

Yahangalizana na Vayuda na avandu vandi vi zihiiri avasigamiraa Nyasaye wa Isiraeli; na kazozo yalange ni lihangalizana mu chiitu na avandu vosi ava yavugana navo.

Vikolwa 17:34

Navuzwa avandu valala vahambana naye nivasuuvira. Mulala kuvo yaali Dionisio mulala ku avikiyaalo cha Areopaga, kandi yaali ho mukali mulala walangwa Damari, na avandi avasuuviraa harara navo.

Vikolwa 17:4

Avalala kuvo vavugilira, nivahambana na Paolo na Sila. Avanyingi ku Vaguriki vaatia Nyasaye, na avakali vanene vanyingi vigulu, vahambana navo.

Vikolwa 18:7

Kunangwa yavaleka nazia komenya munyumba yu mundu mulala uwatia Nyasaye, uwalangwa Tito Jusito. Inyumba yeeye yaali ahimbi ni lisinagogi.

Vikolwa 2:10

Furija na Pamufilia, Egebeti ni zimbega zia Libia ahimbi na Kurene; avandi ku kunyi na vageni kutura Rumi,

Vikolwa 28:23

Kunangwa valagana naye lidiku liu kuvugana, na avandu avanyingi ligali vaduuka kuye aha yamenya. Kutura mugamba kuduuka mugolova, Paolo yavivaalira nu kuvavuulira amakuva gu Vwami vwa Nyasaye, nageriza kuvakola vavugiliri amakuva ga Yeso ku litumikira Lilaga lia Musa na amang'oda ga avaporofeti.

Vikolwa 6:5

Livoora yili liayaanziza kiduma choosi cha vandu avasuuviri. Vatovora Sitefano, mundu wi lisuuvira linene kandi wizura Roho Mutakatifu, Filipo, Purokoroni, Nikanora, Timona, Paramena na Nikolao, uwatula Andiokia, uwaali ni yavugula lisuuvira lia Vayuda mu litanga.

Varumi 11:6

Navuzwa litovola lilie liali ku zimbavasi zizie, sigaveeye kigira ku vikolwa viavo mba. Niiva litovola lia Nyasaye liakaveeye ku vikolwa via vandu, maku zimbavasi zizie si ziakaveeye zimbavasi ziagiligali mba.

Varumi 3:24

Navuzwa ku zimbavasi zia Nyasaye, avandu vosi vakolwa valungi imbiri weve kuvitira mu Kristo Yeso uvavoholoraa.

Varumi 5:2

Kuvitira mu Kristo, kumali konyoora zimbavasi zia Nyasaye zia koveeye mu kalunu. Kusangaliraa mu lisuuvirizwa lia koveeye nalio liu kusanga mu vukumi vwa Nyasaye!

Varumi 5:21

Kuli vwoni vwamiiha ku lileeta likuza ku vandu, kandi ndio iliamiiha lie zimbavasi zia Nyasaye kuvitira mu vulungi lilakwimilira kuduuka mu livamwoyo litahera mba, kuvitira mu Yeso Kristo, Mwami wiitu.

2 Vakorintho 5:11

Kigira kunyi kumanyi uvulahi vwu kutia Mwami, kogerizaa kokora zinguru kogoonya avandu vavugiliri uvusuuvirifu vwitu. Nyasaye amanya kunyi ligali, ninzi mbeeye ni lisuuvira ndi, mu zing'anagani zie mioyo jinyu, munyi mwamanya inzi vulahi.

2 Vakorintho 6:1

Kuli kunyi koveeye avayinziri harara na Nyasaye, kumugoonya mutumikiri vulahi zimbavasi zizie zia mumali konyoora.

Vagalatia 5:1

Koveeye no vovoholore mu Kristo na Kristo niyie wakovoholora. Kunangwa, singiri vudinyu kuli avandu vavoholore kandi mutavugilira kuva avatugwa kandi mba.

Vagalatia 5:4

Yavo avagerizaa kokolwa avalungi imbiri wa Nyasaye ku lilonda Lilaga, vamali kwiyavukanyia vene kutura ku Kristo. Yavo vaveeye ichova wi zimbavasi zia Nyasaye.

Vafeso 2:8

Gaveeye ku zimbavasi zia Nyasaye, munyi mumali kohonywa kuvitira mu lisuuvira, kandi yaga sigaveeye kigira mativuli gi zinguru zienyu mba, navuzwa keveeye kihanwa cha Nyasaye.

Vafilipi 3:16

Leki komenye vuzwa mu amalago malala meere aga kwa gumira kutura yilwo kuduuka lero.

Vafilipi 4:1

Kunangwa, vamiitu vange, munyi muveeye avayaanze vange mbeeye na mahooru kolola munyi ligali! Munyi mungolaa kuva nu vuyanzi kandi nzekonyaa kigira munyi. Gamudukira musingiri vudinyu mu Mwami.

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.

Vakolosai 1:28

Kunangwa kwilwazaa Kristo ku vandu vosi kutumikira vogeri vwosi kuviganihiza kandi kuvigiza, kuduuki koleta vuli mundu imbiri wa Nyasaye, kuli mundu muduukiru mu Kristo.

Tito 2:11

Nyasaye umali kumanyia zimbavasi zizie zio ovohonyi ku avandu vosi.

Vahebraina 12:15

Mwilindi ku lirana inyima kutura ku zimbavasi zia Nyasaye. Mutaleka mulala ku munyi ave kuli kitagwa kilulu ichakaviruka ma chaleeta uvudinyu, ni sumu yacho mba.

Vahebraina 13:9

Mutahunzulanywi yiyi nayiyi kutura kunzira yuvulungi na migizu mageni gi zing'ano ziosi mba. Ni vulahi konyoora zinguru ziu mu mwoyo kutura ku zimbavasi zia Nyasaye, na sigaveeye ku lilonda amalago ni viukulia mba, yavo avalonda malago yago, sigavakonya mba.

1 Petro 5:12

Ng'oderaa munyi ibarwa yiyi, Silivano naveeye umukonyeleri wange uwa inzi ndolaa kuva kuli amiitu oveeye umusuuvirifu mu Kristo. Nyenya kudinyiriza munyi nu kwizominya ndi yizi ni zimbavasi zia agiligali zia Nyasaye. Musingiri vudinyu mu zimbavasi yizi.

2 Petro 3:14

Kunangwa, avalina vange, lwa mukilindilira Lidiku yilio, mukore zinguru ligali muve avasereze, vugira imbara imbiri wa Nyasaye kandi muve ni mirembe naye Nyasaye.

1 Yohana 2:28

Kandi kalunu, avana vakekeeke vange, mumenye mu Kristo, kunangwa lwa alolekaa, kove nuvuluviliri, kandi kuvuli kwivisa mu zisoni imbiri weve ku lidiku lie liza lilie.

2 Yohana 1:9

Umundu uvula komenya mu miigizu ga Kristo, navuzwa naavitilira mu liiva yilio, siaveeye na Nyasaye mba. Mundu uvugilira miigizu yaga aveeye na Baba kandi nu Mwana.