Vikolwa 13:3 - KITABU KITAKATIFU

³ Lwa vamala kusaala, nivahonga lilia, vaviika amakono gaavo kuvo, nivavatuma vazie.

Vikolwa 13:3 Iomraidhean Croise

Livalidza 27:23

Musa yavika makono geege ku mutwi gwa Joshua namulandiza kuvugura ovogono vwivwe kuli mwimiliri wa vandu va Isiraeli, kuli Yahova yaali naamulagi.

Luka 2:37

Yaali mukunzakali ku ing'inga yi mihiga samanini na ine. Ing'inga yeyo yoosi yaali niyamenya mulihonga lilia kandi kusaala mu Litembeli vudiku numbasu.

Vikolwa 1:24

Kunangwa, vasaala nivavoora, “Mwami, ivi umanya mioyo ja avandu vosi. Ku lwa yago ukumanyie ni uliha ku avandu vaviri yava wa ivi otovooye,

Vikolwa 13:2

Lwa vaali nivasigamiraa Mwami, kandi nivahonga lilia, Roho Mutakatifu yavavolera, “Muviiki halovega Baranaba na Saolo kigira miyinzi ja mbalangiraa.”

Vikolwa 13:4

Lwa Baranaba na Saolo vaali nivakatumwa na Roho Mutakatifu vasulunguta kuduuka Seleukia; kutura uwene yeyo vanina mu liato nivazia mu kisulu chinyanza ichalangwa Saipurasi.

Vikolwa 14:23

Vaatovora avakulundu nivavaviika mu makanisa goosi aga vandu vasuuviri; kandi lwa vamala kusaala no kohonga lilia, vavaviika hasi mu vulindi vwu Mwami wa vaali ni vaviiki lisuuvira liavo muye.

Vikolwa 14:26

Kutura yo vanina mu liato nivirana Andiokia ya, wa Siria vaviikwa mu vulindi vwi zimbavasi zia Nyasaye ku miyinzi ja vaali nivamaliyi.

Vikolwa 15:40

Navuzwa Paolo yatovola Sila. Lwa avaamitu va ahene yaho vamala kumuviika mu vulindi vwi zimbavasi ziu Mwami, vatanga logendo.

Vikolwa 6:6

Muganda gwa vasuuviri yavo, vavaviika imbiri wa avatumwa navo ni vavasaalira ni vaviika makono gaavo kuvo.

Vikolwa 9:17

Kunangwa Anania yazia niyingira munyumba mwa Saolo yaali. Yavika amakono geege ku Saolo namuvolera, “Amiitu Saolo, Mwami Yeso mwene uwaloleka ku ivi lwa waali kunzira kuuza hano, niyie undumi ku ivi uduuki kolola kandi, kandi uduuki kwizura Roho Mutakatifu.”

Varumi 10:15

Valilwaza ndi nivatatumiywi? Kuli Mang'oda Matakatifu gavoora, “Voveeye vulahi ki kuliiza lia vatumwa valeta nukwilwaza amakuva malahi!”

3 Yohana 1:6

Vamali kololekiza vuyanzi vuvwo imbiri wi likanisa liveeye hano. Nuyanza, uvakonye vaduuki kuzizagilira ku logendo lwavo mu liiva linyala kuyaanziza Nyasaye.

3 Yohana 1:8

Kunangwa kunyi Avakristayo, gakuduukiraa kokonye avandu vaveeye kuli yava, kunangwa kuduuki kusanga harara navo mu miyinzi mu giligali.