Vikolwa 13:2 - KITABU KITAKATIFU

² Lwa vaali nivasigamiraa Mwami, kandi nivahonga lilia, Roho Mutakatifu yavavolera, “Muviiki halovega Baranaba na Saolo kigira miyinzi ja mbalangiraa.”

Vikolwa 13:2 Iomraidhean Croise

1 Kyetsinyinga 16:4

Daudi yatovola valala ku vandu va Levi kwimilira lisigamira lia Yahova, Nyasaye wa Isiraeli, imbiri wi Lisandugu lie Lilagana lia Nyasaye, ku liemba nu mu kwizominya Yahova.

Danyeli 9:3

Ndasaara vudinyu ku Yahova Nyasaye, nimugoonya vugira lilia ni nziviki zinguvu zia magunia kandi ni nzikaye muligoke.

Matayo 17:21

Lidemoni liu lugano yilu silinyala kukungwa nigatali ku lisaala ni lihonga lilia lieng'ine.]”

Matayo 6:16

“Lwa muhongaa lilia, mutaverera kuli avagaadi mba. Yavo vaakuunyaa mu zimoni ziavo, valoreke ku avandu ndi vaahongi lilia. Agiligali muvooleraa, aveene yavo vamali konyoora madanyi gaavo.

Matayo 9:38

Kulwayago musaale Mwami mwene wi ligesa ahili avagesi mu mulimi gwigwe.”

Luka 10:1

Inyima wa yaga, Mwami Yeso yatovola aviigi vandi sabwini na vaviri; navatuma vaviri, sa vaviri kwimila kuzia imbiri weve mu madaala goosi kandi hoosi aha yenya kuzia mwene.

Luka 2:37

Yaali mukunzakali ku ing'inga yi mihiga samanini na ine. Ing'inga yeyo yoosi yaali niyamenya mulihonga lilia kandi kusaala mu Litembeli vudiku numbasu.

Vikolwa 10:19

Lwa Petero yaali nakiganagana kigira amalola, Roho yamuvolera, “Hulira! Vaveeye hano avandu vavaga, vakwenyaa.

Vikolwa 10:30

Korinelio yavoola, “Amadiku gavaga, agaviti, ahimbi isa kuli yinu ndi, zisa tisa zia mbasu, ndaali nisaara munyumba yange. Nonoho, mundu wiviika zinguvu zing'ereng'anu yasingira imbiri wange,

Vikolwa 13:3

Lwa vamala kusaala, nivahonga lilia, vaviika amakono gaavo kuvo, nivavatuma vazie.

Vikolwa 13:4

Lwa Baranaba na Saolo vaali nivakatumwa na Roho Mutakatifu vasulunguta kuduuka Seleukia; kutura uwene yeyo vanina mu liato nivazia mu kisulu chinyanza ichalangwa Saipurasi.

Vikolwa 14:26

Kutura yo vanina mu liato nivirana Andiokia ya, wa Siria vaviikwa mu vulindi vwi zimbavasi zia Nyasaye ku miyinzi ja vaali nivamaliyi.

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Vikolwa 22:21

Navuzwa Mwami yambolera, ‘Zia, kigira ndakutuma ihale ku avandu vi Zihiiri zindi.’ ”

Vikolwa 4:36

Yaali ho nu mundu mulala wi ihiiri ya Levi, walangwa Josefu, waali niyivulirwa Saipurasi wa avatumwa vagulika Baranaba, iliveeye kovora, “Mundu wo koleminya mioyo.”

Vikolwa 6:4

Navuzwa kunyi kulahongera mu lisaala kandi mu lilwaza likuva lia Nyasaye.”

Vikolwa 8:29

Roho Mutakatifu yavolera Filipo, “Yisundi ahimbi ku ligare ogende nalio.”

Vikolwa 9:15

Navuzwa Mwami yamuvolera, “Zia vuzwa, kigira ndovoye uyu ave kiju change, yiilwaaze lieta liange ku zihiiri na avami vaavo, kandi ku avandu va Isiraeli.

Varumi 1:1

Inzi Paolo, mutumikiri wa Kristo Yeso, mutumwa watovolwa kandi walangwa na Nyasaye kwilwaza Ivangeri ya makuva malahi kutura ku Nyasaye.

Varumi 10:15

Valilwaza ndi nivatatumiywi? Kuli Mang'oda Matakatifu gavoora, “Voveeye vulahi ki kuliiza lia vatumwa valeta nukwilwaza amakuva malahi!”

Varumi 15:16

nduuki kuva mutumikiri wa Yeso Kristo ku vandu vizihiiri. Ndumikaa kuli musaalisi mu lilwaza makuva malahi kutura ku Nyasaye, ku vandu vizihiiri vaduuki kuva isadaka ivugilirwa na Nyasaye, kandi kihanwa chatakaswa na Roho Mutakatifu.

1 Vakorintho 12:11

Yiji josi jiveeye imiyinzi ja Roho mulala mwere; kandi ahaanaa ku mundu sa mulala kihaanwa kuli mwene atovoraa.

1 Vakorintho 7:5

Mutasuulani aveene naveene ku likolerana agamuduukira mba, nigataveeye ku lihulirizana lia mulagani kutanga ku ing'inga ngekeeke, muduuki kuva nu vwiyangu vulahi vwu kusaala; ma inyima muve harara kandi, kunangwa Setani avuli kuva nu vwiyangu ku mugerizaa kigira livula kwilinda kwinyu.

2 Vakorintho 11:27

Ndaakola miyinzi mu vunyang'ani; ndaminika haali kanyingi vugira zindoolo; ndaali ninzara nu vuluhu; haali kanyingi ndaaviikwa muvuhambe nokomenya mu vukindu vugira zinguvu.

2 Vakorintho 6:5

Kwamala kukuywa, kwavofwa mu vuhambe; kwavihilirwa no kosekerizwa, kandi ividuma viakokolera kehenyahenye, kwayinzilizwa vudinyu vugira lisosa; sikwanyoola ligona zindoolo kali hakuzu, kandi kwaali ninzara.

Vagalatia 1:15

Navuzwa zimbavasi zia Nyasaye zizie, yandovola kali ningikiri kwivulwa, kandi yananga kuvitira mu zimbavasi zizie nduuki kumutumikira. Kandi lwa yatovola

Vafeso 3:7

Inzi ndakorwa mutumikiri wi Ivangeri ku kihanwa kidukiru chi zimbavasi zia Nyasaye cha yamba kuvitira mu miyinzi ji zinguru zizie.

Kwidzulitsa 10:8

Yahova yatovola avasaza vi ihiiri ya Levi, valindi Lisandugu lia malago ga Yahova, vamutumikiri kuli avasaalisi kandi kugasiza avandu mu lieta lilie. Yiji ni miyinzi jaavo kali kuduuka kalunu.

Vakolosai 4:17

Muvoolere Arikipo amakuva yaga, “Olole ndi udukizi muyinzi gwa wahevwa mu vutumiki vwu Mwami.”

Vahebraina 5:4

Sihaveeyeho nu mundu wivuguliraa umwene luyali lwu kuva musaalisi munene mba. Samulala gamudukira Nyasaye amutovole kuli yatovola Haruni.

1 Samweli 2:11

Maku Elikana yirana yengo ha Rama, navuzwa muyaayi Samweli yamenya mu Shilo. Yatumikira Yahova hasi hu musaalisi Eli.