Vikolwa 13:19 - KITABU KITAKATIFU

¹⁹ Yadiviza zihiiri saba zie kivala cha Kanaani, nahaana ku avandu veve kivala yicho keve umwandu gwaavo.

Vikolwa 13:19 Iomraidhean Croise

Litanga 12:5

Aburamu yavugula mukali weve Sarai, Loti mwana wa mwavo weve, harara na vandu vandi vosi vayaali namenyi navo, kandi miandu jije josi ja yaali ni yanyoora mu Harani, ma ni vatanga logendo kuzia mukivala cha Kanaani. Lwa vaduuka mukivala cha Kanaani,

Litanga 17:8

Inzi ndakakohe harara nivisukululwi vivio kivala yiki cha oveeye mu mugeni. Kivala choosi cha Kanaani kilakave chi visukululwi vivio mihiga ni mihiga, kandi inzi ndakave Nyasaye wavo.”

1 Avami 6:1

Inyima wi mihiga 480 kutura vandu va Isiraeli ni vatura mu kivala cha Egebeti, mu muhiga gwa kane gwu uvwamihi vwa Solomoni mu Isiraeli, mu mweli gwakaviri, umweli gwa Zivu, Solomoni yaatanga miyinzi jukwumbako Litembeli.

Nehemia 9:24

Visukululwi vaavo vaaguuta kivala cha Kanaani; ivi waavakoonya kuguuta avami na avandu vamenya mu Ivi waha avandu vovo zinguru vakole kuli wavayanza ku avandu na avami va Kanaani.

Zaburi 135:11

Sihoni, mwami wa Avaamori, Ogu, mwami wa Bashani, na avami vosi va Kanaani.

Zaburi 78:55

Yakunga zihiiri ziamenyaa mu imbiri wavo; yagavulira zihiiri zia Isiraeli kivala yicho keve miandu javo, kandi na haanaa zinyumba ziavo ku vandu veve Isiraeli vamenye mu.

Isaya 34:17

Ni Yahova mwene uligavula kivala hagati ha vandu veve, kandi vuli mundu alakanyoole kedonye chiche. Valakamenya mu kivala yiki kutura ku likula kuduuka kulikula lindi na kilakave chavo mihiga ni mihiga.

Vikolwa 7:45

Ing'inga yeyo avaguuga viitu vaavugura lihema kutura ku vababa vaavo. Valiginga nivazia nalio nivaveeye harara na Joshua. Vaginga lihema yilio lwa vamala kuvugura kivala chi zihiiri zia Nyasaye yakunga imbiri wizimoni ziavo. Liali yo kuduuka ing'inga ya Daudi.

Kwidzulitsa 7:1

“Yahova, Nyasaye winyu alamuleta mu kivala cha muzizaa kuvugura, kandi alakunga zihiiri zinyingi kutura mucho. Alakunga ligali zihiiri saba vatuli mukivala yicho, iziveeye zinene ligali kandi zie zinguru ligali kuvita munyi, nazio ni yizi; avandu vi zihiiri zia Hiti, Girigashi, Amori, Kanaani, Perizi, na Jebusi.

Joshua 14:1

Yili ni ligavulwa lie kivala cha Kanaani ekeveeye imadioli wa Jorodani chagavulwa hagati ha vandu va Isiraeli. Musaalisi Elieza, Joshua muyaayi wa Nuni, harara na aviimiliri vi zihiiri zia vandu va Isiraeli vagavulana kivala yiki hagati ha vandu vosi.

Joshua 18:10

Joshua yakuba ikura kwenya kumanya kuli Yahova yenya kivala zana kigavulwi, kandi yaaha kivala chatigaraa ku vuli ihiiri yaatigaraa ya Isiraeli.

Joshua 19:51

Musaalisi Elieza, Joshua muyaayi wa Nuni, na aviimiliri va vandu vi zihiiri zia Isiraeli vagavulana vidonye vie kivala yiki ku likuba ikura koteeva Yahova ha Shilo, ha vwingiliru vwi Lihema liukuvuganira mu na Yahova. Munzira yiyi, vamala ligavula kivala.

Joshua 23:4

Mali kuhaana ku zihiiri zienyu kivala choosi kuva miandu kutura ku mugera gwa Jorodani kolovega lwi Ivugwi kuduuka kunyanza nene ya Meditareniani kolovega lwi Imadioli. Kivala chi zihiiri ziosi icha mumali kuguuta mu vwimiliri vwange, kandi cha kukikiri kuguuta.

Joshua 24:11

Mwambuka mugera gwa Jorodani nimuuza kuduuka Jeriko. Avasaza va Jeriko valwaana munyi, kuli vandu va Amori, Perezi, Kanaani, Hiti, Girigashi, Hivi, kandi Jebusi. Navuzwa ndamuha liguuta kuvo vosi.

Vakalagi 11:26

Ku mihiga miatatu vandu va Isiraeli vamenya mu Heshiboni na Aroeri, kandi mu madaala gaveeye ahimbi, harara na madaala gandi amanene kulujinga lwu Mugera gwa Arinoni. Kigira ki simwavugula amadara zana yaga kutura ing'inga yila yoosi?