Vikolwa 13:10 - KITABU KITAKATIFU

¹⁰ navoora, “Henza! Mwana wa Setani ivi! Ivi uwizula vugadi ni kirage choosi! Oveeye musigu wu vulungi; si oleka ku lulala kuchaminya zinzira zinungi ziu Mwami?

Vikolwa 13:10 Iomraidhean Croise

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

2 Kyetsinyinga 17:6

Mwoyo gwigwe gwaali nu vuluviliri mu litumikira Yahova kandi yononyia havundu hoosi hukusigamira avanyasaye kandi yononyia vifananyi viosi viu munyasaye wikikali Ashera mu Ivuyuda.

Kohelethu 9:3

Vosi valanyora kivi kilala chere, yiki ni kindu kidamanu kuli vindu viekoleka mu kivala yiki. Lwa vandu vakemenyi mu kivala yiki, zing'anagani ziavo ziayizula vudamanu nu vulalu, nonoho vakuza.

Jeremia 23:36

Kunangwa vatazizagilira kutumikira amang'ana ‘uvuliduhu vwa Yahova,’ kigira niiva umundu woosi alatumikira, inzi ndakalombe likuva liange kuva uvuliduhu ligali kuye. Avandu vamali koleka amang'ana ga Nyasaye wavo, Nyasaye oveeye mwoyo, Yahova Wuvunyali.

Hosea 14:9

Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.

Matayo 13:38

Mulimi ni kivala. Uvuguza vulahi na avandu vu Vwami vwu mwigulu. Navuzwa amavanze ni avana vu Mudamanu.

Matayo 15:19

Kigira mu mwoyo gwigwe zing'anagani zindamanu zitulaa mu, izimwimiliraa ukwita, okoheya, kandi okokora ikifwavi chi zing'ano ziosi; kunuura, koveha nu kugina avandi vandi.

Matayo 23:13

“O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!

Matayo 3:7

Navuzwa lwa Yohana yalora Vafarisayo na Vasadukayo vanyingi ni vazaa kuye avabatizi, yavavolera, “Munyi avana vi zinzoka! Nivwaha uwaamugerihiza mwiruki vutima vwa Nyasaye vuzaa?

Luka 11:39

Kunangwa, Mwami yamuvolera, “Munyi Avafarisayo, mwogizaa igulu we kekombe ni sahani. Navuzwa mugati mwinyu, mwayizula uvunuuri nu vudamanu.

Luka 11:52

“O, vayaye kilaamo keveeye ku munyi avigizi vi Lilaga! Kigira muvuguyi nukuvisa ulufungu lwu muliango gwi inyumba yo vogeri vwi limanya. Navuzwa munyi aveene simwingiraa mu mba, kandi mwigalira avaari nivingira vavuli kwingira.”

Yohana 1:23

Yohana yavativulira, “Inzi niyie wu muporofeti Isaya yavoola amakuva geege: ‘Mwoyo gwu mundu guhanzukaa mwigendanyama; Lungikizi inzira yu Mwami.’ ”

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Vikolwa 20:30

Kali mu munyi valatura mu avandu, avavoora amakuva go vovehi, vaduuki kogotiza avandu nu kuvang'usa vavalonde.

2 Vakorintho 11:3

Navuzwa mbeeye nu vuti ndi, kuli enzoka ku vogeri vwayo vwo vovehi yagada Hawa, zing'anagani zienyu zinyala kogotizwa na muleke uvusuuvirifu kandi liehaana lienyu lia giligali ku Kristo.

Vagalatia 1:7

Mugiligali gene, sihaveeyeho ni “Ivangeri yindi mba”, navuzwa mboraa yaga kigira vaveeye ho avandu valala avamunyangizaa, kandi avagerizaa kugirung'anyia Ivangeri ya Kristo.

Vafeso 4:14

Kunangwa sikulava kandi kuli avana vadoto avahilwaa yiyi ni yiyi ni viguvuli kandi avahunzulanywa ni zimbuza zia amigizu guvugadi zing'ano ziosi ga avandu, avimiliraa avandi kuduuka mu mahiolo nuvugadi vwavo vwa vatangiza.

2 Petro 2:15

Vamali koleka inzira inungi, ma vaagoti nokolonda inzira ya Balaamu mwana wa Beori, uwayaanzilira konyoora uvukala ku likora uvudamanu.

1 Yohana 3:8

Navuzwa uzizagilira kokora uvwoni aveeye wa Setani, kigira Setani yamalakokola uvwoni kutura mu litanga liene. Kivuni chagira umwana wa Nyasaye niyazaa mu lirova, keveeye ndi aduuki kudiviza miyinzi ja Setani.