Vikolwa 12:3 - KITABU KITAKATIFU

³ Lwa yalora kekolwa yiki kiyaanzizi Avayuda, yazia kandi, kugumira Petero. Yaga gekolekaa mu madiku gi Lisavo lie Migadi jitaveeye mu na mamera.

Vikolwa 12:3 Iomraidhean Croise

Zaburi 76:10

Ivi okolaa avandu vu vutima kukwizominya ligali; yavo avavura kukuzira muvulwani, valizuliza ing'inga ya masavo googo manene.

Kutwula 23:15

Mu mweli gwa Abibu, mu mweli gwa mwatula Egebeti, mulombe lilia liu mugadi gutaveeye mu na mamera kuli ndaamulaga. Mutalia mugadi gwalomberwa mu amamera ku ing'inga ya madiku saba yaga mba. Mutaaza kusigamira vugira koleta isadaka yoosi mba.

Matayo 26:17

Ku lidiku liu kutanga lie lisavo liu mugadi gutaveeye na mamera, aviigi vazia ku Yeso ni vamuteeva, “Wenyaa kokolombere hayi iliilia lie Lipasaka?”

Yohana 12:43

Vayaanza lizominywa na avandu kuvita lizominywa na Nyasaye.

Yohana 19:11

Yeso yamutivulira, “Ivi si wakaveeye nu vunyali vwosi ku inzi, nivutahaniywi ku ivi kutura mwigulu na Nyasaye. Mundu oleeti inzi ku ivi niyie oveeye nu uvwoni vonene kuvita ivi.”

Yohana 21:18

Ngovolera agiligali, nukikiri musoleri, waali nuwanala kwevoha musibi nukuzia hoosi aha wenyaa. Navuzwa lwa uliva musakulu ulakanyili makono googo, nu mundu wundi alakakovohe musibi nukukuhila aha utayaanzaa.”

Vikolwa 12:4

Lwa yamala kugumira Petero, yamuvika muvuhambe, namuviika mu vulindi vudinyu vwi viduma vine via avasikari vane mu vuli kiduma. Herodi yalohiza kumuleeta mu kiyaalo imbiri wavandu inyima wi lisavo lie Lipasaka.

Vikolwa 2:14

Maku Petero yasingira harara na avaari likomi na mulala, natanga kwilwaza nu mwoyo munene, na avolera kiduma, “Avayuda vache kandi munyi mwosi avamenyaa mu Jerusalemi, mumbulirizi kandi muleke inze muvoolere icha yaga gavoora.

Vikolwa 20:6

Inyima wa madiku gi Migadi jitali na Mamera, kwanina mu liato kutura Filipi, na inyima wa madiku gatano kwaduka kuvo mu Turoasi. Kwamenya yo lisiza lilala.

Vikolwa 24:27

Navuzwa lwi mihiga giviri jaali nijakavita Porokio Fesito yavugula vwiyangu vwa Felikisi kuli mwamihi. Kigira Felikisi yenya kuyaanziza Avayuda, yaleka Paolo mu vuhambe.

Vikolwa 25:9

Navuzwa kigira Fesito yenya kwiyaanziza ku Avayuda; yateeva Paolo, “Wakayaanzi kuzia Jerusalemi ukalagirwi imbiri wange makuva gi viyaalo yivi?”

Vikolwa 4:13

Lwa avakulundu vi kiyaalo valora vuluviliri vwa Petero na Yohana, vagenya ligali, kigira vamanya ndi vaveeye avandu va kazozo avatali ni lisoma liosi. Kandi vamanyiriza ndi avandu yava vaali harara na Yeso.

Vagalatia 1:10

Muganaganaa ngerizaa koteeva vandu anoho Nyasaye kovora ndi agambooraa sigaveeye malungi? Anoho ngerizaa kuyaanziza avandu? Niiva ndakagerizi kuyaanziza avandu, si ndakaveeye mutumikiri wa Kristo mba.

1 Vatesalonike 2:4

Navuzwa kuli wa Nyasaye yakuvugilira kokolwe avalindi vi Ivangeri yeeye, ku kovora ndio sikovoola kuyaanzizi avandu mba, navuzwa kuyaanzizi Nyasaye ugerizaa mioyo jietu.