Vikolwa 11:12 - KITABU KITAKATIFU

¹² Roho yambolera nzie harara navo vugira kulindagilira. Avandu avasuuviraa sita yava vazia harara ninzi Kaisaria; ni kwingira yo munyumba ya Korinelio.

Vikolwa 11:12 Iomraidhean Croise

Matayo 1:20

Navuzwa lwa yaali nakiganagana ku likuva yili, henza, engelosi wu Mwami Nyasaye yaloleka kuye mu maloto, namuvolera, “Josefu, ikisukululwi cha Daudi, utatia kuvugura Maria ave mukali woovo mba, kigira ichaaverekwa muye keveeye cha Roho Mutakatifu.

Yohana 16:13

Navuzwa, lwa Roho aliiza, ulivolaa agiligali kigira Nyasaye, alakamwimiliri mu agiligali goosi; sialakamoloma ku vunyali vwivwe mwene, navuzwa alakamuvoolere goosi aga yahulira, kandi alakalandizi havulavu ivindu viliekoleka.

Vikolwa 1:15

Inyima wa madiku makekeeke, liali ho livugana lia vandu avasuuviraa, vaduuka ahimbi mia moja na sirini. Petero yasingira hagati haavo,

Vikolwa 10:23

Kunangwa Petero yavingiriza munyumba, navaha ahokogona uvudiku yivwo. Lwa vwacha Petero yazia logendo harara navo, na avalala ku vandu avasuuviraa va Jopa vazia harara naye.

Vikolwa 10:45

Avayuda vandu avasuuviraa, avaazaa harara na Petero kutura Jopa, vagenya kolola ndi Nyasaye uviiki kihanwa cha Roho Mutakatifu ku avandu vi zihiiri zindi kandi;

Vikolwa 11:13

Korinelio yakovolera kuli yalora engelosi nasingiyi munyumba yeeye, namuvolera, ‘Tuma mundu azie Jopa kulanga mundu mulala ulangwa Simoni, lieta lindi Petero.

Vikolwa 13:2

Lwa vaali nivasigamiraa Mwami, kandi nivahonga lilia, Roho Mutakatifu yavavolera, “Muviiki halovega Baranaba na Saolo kigira miyinzi ja mbalangiraa.”

Vikolwa 13:4

Lwa Baranaba na Saolo vaali nivakatumwa na Roho Mutakatifu vasulunguta kuduuka Seleukia; kutura uwene yeyo vanina mu liato nivazia mu kisulu chinyanza ichalangwa Saipurasi.

Vikolwa 15:7

Lwa vamala kotevana amateeva manyingi, Petero yasingira navoora, “Avaamitu vange, munyi mumanyi vulahi ndi ku zing'inga ziavita, Nyasaye yandovola kutuia hagati hinyu, nzilwaze Ivangeri ku vandu Avizihiiri kunangwa vaduuki kuhulira nukusuuvira.

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

Vikolwa 28:15

Avakristayo va Rumi lwa vahulira amakuva giitu, vaza kukwaganira ha Chiitu cha Apia ha Zihoteli Zivaga. Paolo lwa yavalola yasandiza Nyasaye, kandi alema mwoyo.

Vikolwa 8:29

Roho Mutakatifu yavolera Filipo, “Yisundi ahimbi ku ligare ogende nalio.”

Varumi 3:22

Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza.

2 Vatesalonike 2:2

muvuli kogoyaanywa vwangu muziganagani anoho kohendizwa umwoyo ni livoora lia vandu ndi Lidiku liu Mwami limali kuduuka. Hawundi gaganaganwa ndi kwavoola yaga lwa kwilwazaa anoho kwaporofetaa; anoho lwa kwaling'oda mu ibarwa.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.