Vikolwa 10:4 - KITABU KITAKATIFU

⁴ Korinelio yumika engelosi nu vuti, namuvolera “Ni kindu ki, mwami?” Engelosi yamuvolera, “Nyasaye uvugiliyi lisaala liilio ni zisadaka zizio ku vadaka.

Vikolwa 10:4 Iomraidhean Croise

2 Kyetsinyinga 32:24

Mu madiku yago, mwami Hezekia yalwala ma navuyika ligali. Yasaala na Yahova yamuha kelolero ndi alahona.

2 Kyetsinyinga 6:33

huliliza kutura mwigulu ho vomenyo vuvwo, ma okole goosi kolondekana na agumugeni akusaala umukole; kuduuka avandu vosi avaveeye mu lirova vaduuki kumanya lieta liilio nu kutia ivi, kuli vandu va Isiraeli vaatia nu kuhulira. Na ndio, vandu yava vaduuki kumanya ndi, Litembeli yili iliamali kwumbaka lilangangwa ku lieta liilio

Zaburi 141:2

Vugilira lisaala liange kuli kimuli kifunyaa mwayu imbiri woovo, kandi umbugiliri lwang'ingaa amakono gange ku ivi kuli kisiuviriru cha ha mugolova.

Zaburi 20:3

Avugiliri vihaanwa vivio viosi kandi aduuki kuyaanzizwa ni visiuviliru vivio viosi.

Isaya 43:26

“Gendi kuzie mu kiyaalo; leeti makuva ginyu! Haani vivuni via makuva ginyu kumanyia ndi muveeye vulungi!

Isaya 45:19

Simbolaa amakuva gange mu vwivisu mba, anoho kutura mu kivala chi kisundi mba. Sindenya avandu va Isiraeli konyenya ha vundu heere vuzwa mba. Inzi mbeeye Yahova, kandi mboraa agiligali kandi nandizaa amalungi.”

Danyeli 10:11

Engelosi ya mbolera, “Danieli, Nyasaye yakuyaanza. Si ngila kandi uhulirizi vulahi ku ganzizaa kovora. Inzi mali kutumwa kuivi.” Lwa yaali yakamala kovora yaga, ndasingira vulungi, navuzwa ndaali ningikiri mu lidegera.

Kyavalevi 2:2

ma ahiliri avayaayi va Haruni avasaalisi. Musaalisi uva natumikaa lwene yilwo, alavugula uluhi lulala lwu vusie namaguta harara ni kimuli choosi. Musaalisi alavisaamba ku uvwali kuli kihanwa chu kwizuliza ndi choosi kimali kuhaanwa ku Yahova, ligunya mwayu gwi kihanwa chi chukulia yiki liveeye liukuyanziza ku Yahova.

Malaki 3:16

Maku avandu vaatia Yahova vavolerana, na Yahova yahuliriza ma naahulira cha vavola. Vang'oda imbiri weve mu kitabu chu kwizuliza yavo vosi avatia Yahova kandi avahaana luyali kuye.

Matayo 26:13

Agiligali muvooleraa, hoosi mu lirova, aha Ivangeri yiyi ilakilwazwe, ekekolwa chu mukali uyu akoli, kilakatalwi kumwizuliza.”

Luka 1:29

Navuzwa lwa Maria yahulira amakuva yaga, yaahenda mwoyo ligali ku makuva geege, naganagana mumwoyo ichi licheliza yili livoora!

Luka 24:5

Avakali yavo vizura uvuti vonene, nivinaminya mitwi jiavo hasi. Navuzwa avandu yavo vavavolera, “Kigira ki munyi mwenya uyu oveeye mwoyo mu avakuzu?

Vikolwa 10:31

navoora: ‘Korinelio! Lisaala liilio ni zisadaka zizio ku vadaka vivugiliywi na Nyasaye.

Vikolwa 14:9

Mundu uyu yahulirizaa ligali lwa Paolo yilwaza. Paolo yamwumika vudinyu, kandi lwa yamulola naveeye ni lisuuvira lio kohonywa,

Vikolwa 22:10

Ndateeva, ‘Ngola ki, Mwami?’ Mwami yambolera, ‘Vuka uzie Damasiko; na ulavoolerwa vindu viosi via Nyasaye yenya okole.’

Vikolwa 3:4

Petero na Yohana vamwumika, ma Petero yamuvolera, “Kohenze!”

Vafilipi 4:18

Yee, mali konyoora ivindu viosi viamumali kuhaana ku inzi, kandi ni ivinyingi kuvita lienya liange. Mali kuvinyoora kuvitira mu amakono ga Epafurodita. Vihaanwa yivi viveeye kuli kihanwa kifunyaa umwayu umulahi ku Nyasaye; kandi viveeye isadaka indahi ivugilirwa nu kuyaanziza Nyasaye.

Vafilipi 4:6

Mutava ni lihenda mwoyo ku kindu kali kilala, navuzwa lienya lienyu limanyikane ku Nyasaye mu lisaala, mumuteeve nu mwoyo gwi lisandiza.

Vahebraina 13:16

Mutivilira kokora vulahi kandi kokonyana aveene naveene, kigira yivi nivio visiuviliru viyanziza Nyasaye.

Vahebraina 6:10

Nyasaye siaveeye vugira vulungi mba! Sialivilira miyinzi jinyu ja mwakora, anoho vuyanzi vwinyu vwa mwalolekiza kuye novokoonyi vwa mwaha vandu va Nyasaye kandi mu kihaanaa ku Avakristayo vache vinyu, ma mukizizagiliraa kokoonya Avakristayo vache vinyu.

Likunula 8:4

Umwoki gwi kimuli chasambwa gwanigira harara ni lisaala lia vandu va Nyasaye kutura mu mukono gwengelosi wasingira imbiri wa Nyasaye.

1 Samweli 3:10

Yahova yaza nasingira ho, naalanga kuli lwa imbiri, “Samweli! Samweli!” Samweli yativura, “Moloma; mutumikiri woovo mbulirizaa.”