Vikolwa 10:36 - KITABU KITAKATIFU

³⁶ Yili ni likuva lia Nyasaye yaahilira avandu va Isiraeli, ni yilwaza Ivangeri yi mirembe kuvitira mu Yeso Kristo, oveeye Mwami wa vosi.

Vikolwa 10:36 Iomraidhean Croise

Zaburi 45:11

uvulahi vwi ligondo liilio vulalomba mwami kukukayirwa; aveeye munene woovo, kunangwa kuduuka umuhuliri.

Zaburi 45:6

Uvwami vwa Nyasaye amali kuha ivi, vulahindira mihiga ni mihiga. Ivi wamihaa avandu vovo nilikalaga lirungi.

Zaburi 72:7

Leka uvulungi vomeedeke mu ing'inga yi livamwoyo lilie kandi uvugasu vuhindiri lwu mweli gwakaa mihiga ni mihiga.

Isaya 55:12

“Mulatula mu kivala cha Babiloni nuvusangali; mulimilirwa muturi mu lidaala linene zana mu mirembe. Vigulu nutugulu vitange kwimba vudinyu na imisaala jilahanzuka kigira uvusangari.

Isaya 57:19

Mbana mirembe ku vosi, vombi vaveeye ihale na avaveeye ahimbi! Inzi ndahonyia avandu vange.

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Hosea 1:7

Navuzwa ndava nuvuyanzi ku avandu vi Ivuyuda. Inzi Yahova, Nyasaye wavo, ndavahonyia, navuzwa si ndavahonyia nu vuta, anoho ni kivavi, anoho nu vulwani anoho ni zibarasi kinga navasaza vi zibarasi mba.”

Mika 5:2

Yahova avoora, “Ivi Bezelehemu Efurate, oveeye mulala ku madaala makekeeke mu Ivuyuda, navuzwa kutura ku ivi, alaza mu Isiraeli mwamihi, uwa avinyumba yeeye vaali ho kutura zing'inga zia kale.”

Malaki 3:1

Yahova Wuvunyali yativura navoora, “Ndakatumi mutumwa wange konombera inzira. Maku Mwami wa mulindiliraa alakaze mu Litembeli lilie vwangu lwa mutamanyi; mutumwa wa mwegomba kolola alakaze kulandiza lilago liange.”

Matayo 10:6

Navuzwa muzie ku avandu va Isiraeli avaveeye kuli amagondi gagota.

Matayo 11:27

“Baba wange ombeeye ivindu viosi. Siaveeyeho nu mulala umanyi Umwana, natali Baba, kandi siaveeyeho nu mulala umanyi Baba natali Umwana, kandi ku vosi vu Umwana atovoraa kuvuula Baba weve kuvo.

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Luka 1:79

Vong'ereng'ane ku yavo vosi avamenyaa mu kisundi kenene chi chiriri chilikuza; kwimilira virenge vietu munzira yi mirembe.”

Luka 24:47

kandi lieganira nilisamiifwa liu vwoni lililwazwa mu zihiiri ziosi mu lieta lilie kutangira mu Jerusalemi.

Vikolwa 10:37

Munyi aveene mumanyi makuva gakolekaa mu kivala choosi cha Vayuda, kutangira mu Galilaya inyima wi libatiza lia Yohana.

Vikolwa 11:19

Kolondekana ku lidambizwa liatulira ing'inga ya Sitefano yitwa, vandu avasuuviraa avanyingi vasalanywa. Avalala vazia kuduuka kali Foenisia, Saipurasi na Andiokia, na vilwaza likuva ku Vayuda venyine.

Vikolwa 13:32

Kunyi kandi kuuzi hano kumuletera Ivangeri indahi ya Nyasaye: likuva lia Nyasaye yalaga avaguuga viitu.

Vikolwa 13:46

Navuzwa Paolo na Baranaba vamoloma nu vuluviliri vonene, nivavoora, “Liali linigwa likuva lia Nyasaye litange kuduuka ku munyi; navuzwa, kigira mulisuuyi, nu kwelola simuduukana ni livamwoyo litahera mba, heenzi, kunyi koleka munyi nu kuzia ku avandu vi Zihiiri zindi.

Vikolwa 2:36

“Avandu vosi ava Isiraeli gavadukiraa vamanye ligali ndi Yeso uyu wa munyi mwavamba, niyie wa Nyasaye amali kokora ave Mwami kandi Mesia.”

Vikolwa 5:31

Nyasaye yamunenehiza kuduuka ha mukono gwigwe mulungi kuli Mwimiliri kandi Muhonyi, aduuki kuhaana ku avandu va Isiraeli vwiyangu vwu kwiganira, ma vanyoore lisamiifwa liu vwoni vwavo.

Varumi 14:9

Kristo yakuza, nasimuguka kandi, aduuki kuva Mwami wa vaveeye mwoyo kandi wa vakuzu.

Varumi 5:1

Kunangwa kumali kokolwa avalungi imbiri wa Nyasaye kuvitira mu lisuuvira, koveeye ni mirembe na Nyasaye kuvitira mu Mwami wiitu Yeso Kristo.

1 Vakorintho 15:27

Amang'oda Matakatifu gavoora, “Nyasaye yavika vindu viosi hasi hi virenge vivie.” Gaveeye vuzwa havulavu ndi amakuva, “Ivindu viosi” sigavolaa ndi Nyasaye siaveeye mulala ku vindu viosi viayaviika hasi ha Kristo mba.

1 Vakorintho 15:47

Mundu wu kutanga Adamu yalombwa kutura ku marova, aveeye wa marova; Adamu wa kaviri yatura mwigulu

Vafilipi 2:11

kandi vandu vosi valalaandiza havulavu ndi Yeso Kristo nu Mwami, kigira uvukumi vwa Nyasaye oveeye Baba.

Vakolosai 1:20

Kuvitira mu Mwana, Nyasaye yatovola koleta vilombe viosi viirane kuye umwene. Nyasaye yalomba mirembe kuvitira mu likuza lie sadaka yu Mwana weve ku musalaba; kandi ndio yaleeta vindu viosi ku lirova anoho mwigulu viirane kuye mwene.

Vahebraina 1:2

Navuzwa mu madiku gu kumaliriza yaga umali kovolerana ni kunyi kuvitira mu Mwana weve wayatovola kuva mwene vindu viosi mu limalirika, kandi kuvitira muye yalomba ligulu ni lirova.

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.

1 Petro 3:22

naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”