Vikolwa 10:28 - KITABU KITAKATIFU

²⁸ Petero yavavolera, “Munyi aveene mumanyi ndi Muyuda woosi yagaywa ni Lilaga lilie lie lisuuvira atahambana na avandu vi zihiiri zindi mba. Navuzwa Nyasaye umali kumanyia mburi kuganagana ndi mundu woosi kuva munifu anoho mudamanu mba.

Vikolwa 10:28 Iomraidhean Croise

Isaya 65:5

Maku, vavoola ku vandi, ‘Mutisuunda ahimbi ni kunyi mba; kigira koveeye avatakatifu ligali kuvita munyi!’ Inzi sinyala kwikuzira ku avandu kuli yava mba. Uvutima vwange voveeye kuvo kuli umwochi mu muulu gange, kandi muliru gwakaa lidiku liosi.

Marko 7:2

Valora valala ku aviigi va Yeso nivalizaa ichukulia chavo na mamisu. Sivali nivisaavi amakono munzira idukanaa mba.

Luka 18:11

“Mufarisayo oyo yasingira, niyisaalira mwene, ‘Nyasaye, ngusandizaa kigira simbeeye kuli avandu vandi mba: avanuuri, avagaanga, avaheyi, anoho kali kuli musololi wu vusuuru uyu mba.

Yohana 18:28

Kunangwa, mugambazuri mu mavwevwe, Avayuda vatuliza Yeso munyumba ya Kayafa nivamuhila munyumba yuvwami iyalangwa Puritorio. Avanene va Avayuda vene sivingira mu Puritorio mba, kunangwa vavuli kwonogonywa, navuzwa vaduuki kulia chukulia chi Lipasaka.

Yohana 4:27

Ahene yaho aviigi veve viirana. Vagenya ligali kolola namolomaa nu mukali oyo. Navuzwa si yaali ho nu mundu wamuteeva, “Wenyaa ki?” Anoho, “Kigira ki omoloma nu mukali uyu?”

Yohana 4:9

Mukali oyo yamutivulira, “Oveeye Muyuda, nainzi mbeeye mukali Musamaria; kunangwa unyala ndi kusava amazi?” Avayuda si vaveeye nuvuhambani na Vasamaria mba.

Vikolwa 10:29

Kulwayago, lwa munangi, nzizi vugira kuhangala. Maku muteeva ndi munangi, kigira ki?”

Vikolwa 11:9

“Umwoyo yigwo gwahulirika kandi haali kaviri kutura mwigulu, ‘Vindu via Nyasaye yatakasa, utavilanga vidamanu mba.’