Vikolwa 10:2 - KITABU KITAKATIFU

² Yaali mundu watia Nyasaye. Oyo harara na avinyumba yeeye vosi vasigamira Nyasaye; yahaana zisadaka ku avadaka va Vayuda avanyingi, nasaara kazozo.

Vikolwa 10:2 Iomraidhean Croise

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

1 Avami 8:43

huliriza ku lisaala lilie. Mwigulu, mwa ivi omenyi, umuhuliri kandi umukolere cha akoteeva, kunangwa vandu vosi vi lirova vaduuki kumanya ivi kandi vaduuki kutia ivi, kuli vandu vovo Isiraeli vakolanga. Hene yaho valamanya ndi Litembeli lia inzi mali kwumbaka yili ni havundu ha ivi unyala kusigamirwa.

2 Kyetsinyinga 6:33

huliliza kutura mwigulu ho vomenyo vuvwo, ma okole goosi kolondekana na agumugeni akusaala umukole; kuduuka avandu vosi avaveeye mu lirova vaduuki kumanya lieta liilio nu kutia ivi, kuli vandu va Isiraeli vaatia nu kuhulira. Na ndio, vandu yava vaduuki kumanya ndi, Litembeli yili iliamali kwumbaka lilangangwa ku lieta liilio

Ayubu 1:1

Yaali ho mundu mu kivala cha Uzi, uwalangwa Ayubu. Mundu uyu yaali vugira imbara kandi mulungi, mulala uwatia Nyasaye, nukweleha ku uvudamanu.

Ayubu 1:5

Lwa madiku gi lilia gakung'anaa, Ayubu yavatumanaa vaze kuye avatakase. Yavuka mugambazuri Mumavwevwe nukuhaana visiuviliru Viukusambwa kuli livaliza liavo kigira yaganagana, “hawundi avana vange vakoli uvwoni nokonyega Nyasaye mu mioyo jaavo vugira kusaavira.” Ayubu yakola ndio kazozo.

Zaburi 102:15

Zihiiri valatia Yahova. Avami vosi vilirova valatia zinguru zizie.

Zaburi 119:2

Vaveeye nuvugasu yavo avalondaa malago geege, avamuhulira nimioyo jaavo josi.

Zaburi 25:5

Unzigize komenya kolondekana nagiligali googo. Kigira oveeye Nyasaye wange, ombonyia. Inzi suuviraa mu ivi kazozo.

Zaburi 41:1

Aveeye nuvugasu uyu ohenderaa avadaka mwoyo; Yahova alamukonyia lwaveeye mu vudinyu.

Zaburi 55:17

Nzanira ku Yahova vuli mugambazuri, mbasu hagati kandi vudiku, lielilira liange liaduuka kuye naye alahulira.

Zaburi 86:3

O, Yahova ivi oveeye Nyasaye wange ombere zimbavasi, inzi nzanira ivi lidiku liosi.

Zaburi 88:1

O, Yahova Nyasaye, muhonyi wange, ndilaa ku ivi mbasu gwosi, kandi nzanira ku ivi uvudiku vwosi.

Kohelethu 7:18

Welehe ku vuchamu kandi ku vusiru. Niiva ulatia Nyasaye, ulanyora vuguuti kazozo.

Isaya 59:19

Sa mulala alatia lieta lia Yahova nizinguru zizie kutura Ivugwi kuduuka Imadioli, kandi alamanya uvukumi vwivwe kutura ing'inga yiliuva litongaa. Alaza kuli mugera gutulikaa nizinguru zinene ligali; ugwa imbuza kandi kuli ihuuzaa.

Danyeli 6:10

Lwa Danieli yahulira ndi mwami umali kuviika mukono ku lilago yili, yazia yengo. Munyumba yeeye yaali mu ne keng'oze chaali higulu na chaali ni lidirisia liahenza Jerusalemi. Hene yaho kuli yakola kazozo, yasigama hasi ha yaali yiguyi lidirisia nasaara ku Nyasaye haali kavaga ku lidiku.

Danyeli 6:16

Kunangwa mwami yahaana malago gu kugumira Danieli kandi nukusiuvwa mu luhangaywa lwizura zisimba. Mwami yavolera Danieli, “Nyasaye woovo wa usaala mu giligali ayaanze akosole.”

Danyeli 6:20

Lwa yaduuka ho, yalanga nu vuti, “Danieli, muyinziri wa Nyasaye oveeye mwoyo! Nyasaye woovo wa usaala mu giligali aveeye nu vunyali kokosola kutura mu zisimba?”

Danyeli 6:26

Mbana malago ndi mu vwamihi vwange vwosi vuli mundu gamuduukira atie kandi ahaane luyali ku Nyasaye wa Danieli. Aveeye Nyasaye oveeye mwoyo, kandi alamiiha mihiga ni mihiga. Vwamihi vwivwe si vuladivizwa mba, kandi zinguru zizie si zilahera mba.

Matayo 25:17

Munzira ndala nzere, umutumikiri wahevwa zitalenta ziviri yanyoora vukala zitalenta zindi ziviri.

Luka 18:1

Maku, Yeso yavolera vigi veve lugano kuvamanyia ndi, gavadukiraa vasaale kazozo vugira kuluha.

Luka 2:25

Kunangwa yaali ho mundu mu Jerusalemi walangwa Simioni; yaali mundu mulungi kandi uwatia Nyasaye niliehozeliza. Mundu uyu yalindilira vohonyi vwa Isiraeli kandi Roho Mutakatifu yaali kuye.

Vikolwa 10:22

Navo vaamutivulira, “Munene wiitu Korinelio, mundu mulungi, uwatia Nyasaye, kandi oveeye ni lizominywa imbiri wa Vayuda vosi ukutumi. Yavolerwa nengelosi mutakatifu akulange uzie munyumba yeeye, aduuki kuhulira amakuva goosi aga oveeye nago.”

Vikolwa 10:31

navoora: ‘Korinelio! Lisaala liilio ni zisadaka zizio ku vadaka vivugiliywi na Nyasaye.

Vikolwa 10:35

Mundu wi ihiiri yoosi utizaa Nyasaye no kokora agaveeye amalungi avugilirwa naye.

Vikolwa 10:4

Korinelio yumika engelosi nu vuti, namuvolera “Ni kindu ki, mwami?” Engelosi yamuvolera, “Nyasaye uvugiliyi lisaala liilio ni zisadaka zizio ku vadaka.

Vikolwa 10:7

Lwe engelosi wavoola yaga yamala kuzia, Korinelio yalanga avatumikiri veve vaviri avinyumba, kandi mulala ku vasikari veve uwatia Nyasaye, waali mulala ku avamulindaa,

Vikolwa 11:14

Uyu alakovolera amakuva gahonyia ivi harara na avinyumba yooyo vosi.’

Vikolwa 13:16

Kunangwa Paolo yasingira navagerera mukono, natanga kovora: “Avandu va Isiraeli, na Avizihiiri vosi avasigamiraa Nyasaye; mbulirizi!

Vikolwa 13:26

“Avandu va Isiraeli vache vange, munyi kisukururwi cha Aburahamu, na avizihiiri vosi avasigamiraa Nyasaye! Likuva lio vohonyi yili lileeteywi ku kunyi.

Vikolwa 13:50

Navuzwa Avayuda vagemehiza avakali vi igulu avasigamira Nyasaye, avi Zihiiri zindi, kandi avasaza vanene vi lidaala yilio. Vatanga kudambiza Paolo na Baranaba, nivavakunga mu kadaala kavo yako.

Vikolwa 18:8

Krisipo, munene wi lisinagogi, yasuuvira mu Mwami, oyo harara na avinyumba yeeye vosi. Avandu va Korinzo avanyingi avahulira likuva lia Paolo vasuuvira, kandi nivabatizwa.

Vikolwa 2:5

Kunangwa vaali ho Avayuda avamenya mu Jerusalemi, avandu vaali ni vaatia Nyasaye ligali muno avaari nivatuli muvivala viosi vie lirova.

Vikolwa 22:12

“Yaali yo mundu mulala walangwa Anania, mundu watia Nyasaye, uwatia Lilaga lietu, kandi waali nu luyali lonene imbiri wa Vayuda vosi avamenyaa Damasiko.

Vikolwa 8:2

Avandu valala avatia Nyasaye numwoyo gwosi, vazia kuyavira Sitefano, nivamusiomera vudinyu ni liverera linene.

Vikolwa 9:11

Mwami yamuvolera, “Singira, uzie kunzira ilangwa Inzira Inungi, na munyumba ya Yuda, oteeve mundu mulala kutura Tariso, ulangwa Saolo. Kalunu ndi asaalaa;

Vikolwa 9:31

Ing'inga yeyo likanisa liali ni mirembe hoosi mu Vuyuda, Galilaya, na Samaria. Liumbakwa niliviruka mu liitia Mwami, nilimedeka koleminywa mwoyo kuvitira mu Roho Mutakatifu.

Vikolwa 9:36

Yaali ho mukali mulala mu lidaala lia Jopa walangwa Tabita. Mu Luguriki ni Torokasi, ligirung'anyia lialio ni kisusu. Mukali uyu yakola miyinzi milahi jokokoonya avadaka kazozo.

Vakolosai 4:2

Mumenye ligali mu lisaala kazozo, muhongere mu lilinda nu mu lisandiza Nyasaye.

1 Vatesalonike 5:17

musaale Nyasaye vugira kolekera.

Yakobo 1:5

Navuzwa niiva mulala ku munyi adaka ovogeri gamudukira asaale ku Nyasaye, uhaanaa nu mwoyo gwosi kandi ni zimbavasi ziosi ku avandu vosi.

Joshua 24:15

Niiva simwenya kutumikira Yahova, mutovole kalunu ndi ni munyasaye ki wa vanyasaye va avaguuga vinyu vasigamira mu Mesopotamia na vanyasaye va vandu va Amori vasigamira mu kivala cha mumenyi mu kalunu. Navuzwa inzi harara na vandu vinyumba yange, kumali kotovola kutumikira Yahova.”

Likunula 15:4

Nivwaha unyala kusuura kulandiza ovonene vuvwo? Ivi weng'ine oveeye umutakatifu. Izihiiri ziosi zilaza kandi zilasigamira Ivi, vikolwa vivio via giligali vilolangwa na vandu vosi.”