Vikolwa 10:15 - KITABU KITAKATIFU

¹⁵ Mwoyo yigwo gwahulirika kandi haali kaviri ni gumuvooleraa, “Vindu via Nyasaye yatakasa, ivi utavilanga vidamanu mba!”

Vikolwa 10:15 Iomraidhean Croise

Matayo 15:11

Kindu kekolaa umundu kuva mudamanu, si keveeye ikindu kingiraa mu munwa gwigwe mba, navuzwa ikitulaa muye nicho kimukolaa kuva mudamanu.”

Marko 7:19

kigira si kimwingira mu mwoyo mba, navuzwa kizizaa munda, na inyima kitulaa ichova?” Mu livoora yaga, Yeso yavoola iviukulia viosi vive iviukuliivwa.

Vikolwa 10:16

Likuva yili liakoleka haali kavaga, ma isuuka zana ni yiranywa mwigulu.

Vikolwa 10:28

Petero yavavolera, “Munyi aveene mumanyi ndi Muyuda woosi yagaywa ni Lilaga lilie lie lisuuvira atahambana na avandu vi zihiiri zindi mba. Navuzwa Nyasaye umali kumanyia mburi kuganagana ndi mundu woosi kuva munifu anoho mudamanu mba.

Vikolwa 11:9

“Umwoyo yigwo gwahulirika kandi haali kaviri kutura mwigulu, ‘Vindu via Nyasaye yatakasa, utavilanga vidamanu mba.’

Vikolwa 15:20

Navuzwa kuvang'odere ibarwa kuvavoolera ndi vatalia viukulia vikoleywi vidamanu ku lihaanwa ku misambwa ja vanyasaye mba; valeke ovoheyi; vatalia inyama yoosi imigiywi, kandi vatanwa amasahi.

Vikolwa 15:29

Mutalia viukulia vihaaniywi ku misambwa mba; mutanwa amasahi mba; mutalia inyama yu mutugu gumigiywi mba; na mwiyahuli ku voheyi. Mulava nimukoli vulahi niiva mulaleka kokora vindu yivi. Nyasaye amugasizi.”

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

Varumi 14:14

Manya kandi mbeeye nagiligali mu Mwami Yeso ndi, sihaveeyeho ni chukulia ku choosi ikitaveeye kilahi ku vwacho mba; navuzwa niiva mundu asuviraa ndi chukulia yiki sikeveeye kilahi kulia, maku sikeveeye kilahi kuye mba.

Varumi 14:20

Kunangwa utononyia miyinzi ja Nyasaye amali kolomba kigira viukulia mba. Viukulia viosi ni vilahi kulia, navuzwa ni vudamanu kolomba mundu wundi akole vwoni kigira cha ivi uliizaa.

1 Vakorintho 10:25

Mulie choosi kigulizwa mu chiitu chi zinyama vugira koteveleriza amateeva kigira zing'anagani zie mioyo jinyu.

Tito 1:15

Ku yavo valungi, vindu viosi viveeye vilungi, navuzwa ku yavo vadamanu na ava vula kusuuvira, sihaveeyeho ni kindu kinifu kuvo mba. Kali ndio ovogeri vwavo ni zing'anagani zie mioyo jaavo, viombi vigwiyi vidamanu.

Likunula 14:20

Mizabibu jakamulirwa mu kiminiru keveeye ichova wi lidaala linene. Amasahi gasunduka kutura mu kiminiru kuli umugera gwizuuyi nigusurunguta kuduuka uvutambi zikilomita zimia zivaga, nuvutambi vwu kuzia musi vwali ahimbi zimita ziviri.