Vikolwa 10:11 - KITABU KITAKATIFU

¹¹ Yalora ligulu ni likunulukaa, nikindu kuli isuuka enene yikizwa hasi nigumiliywi zikona ziayo zine.

Vikolwa 10:11 Iomraidhean Croise

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Isaya 43:6

Ndavolera vandu va Ivaale, vatuli vazie! Kandi ndavolera Isavaalu, vataviigalira mba! Leki avandu vange viirane kutura muvivala vie ihale, kandi kutura mu vuli keheri chi lirova.

Isaya 56:8

Mwami munene Yahova Nyasaye, umali koleta avandu veve Isiraeli yengo kutura mu lihaminywa, umali kulaga ndi alaleeta kandi avandu vandi ukuhambana navo.

Ezekieli 1:1

Ku lidiku lia katano ku mweli gwa kane mu muhiga gwa salasini, Inzi Zacheli musaalisi, mwana wa Buzi, ndaamenya harara na Vayuda vahaminywa ahimbi nu mugera gwa Kebari mu kivala cha Babiloni. Ligulu liakunuluka, na ndaalora malola ga Nyasaye.

Matayo 8:11

Na muvooleraa, avandu vanyingi valaza kutura Ivugwi ni madioli, kandi valikala mu lilia harara na Aburahamu, Isaka na Yakobo mu Vwami vwu mwigulu.

Luka 3:21

Lwa avandu vosi vaali nivakabatizwa, Yeso naye ya batizwa na lwa yaali nasaalaa, ligulu ligulika.

Yohana 1:51

Yeso yaazizagilira kovora, “Agiligali muvooleraa, Mulalora ligulu niliguliywi nizingelosi va Nyasaye nivanina nu kwika kutura ku Mwana wa Adamu.”

Yohana 11:52

na sikoveeye ku yavo venyine, navuzwa kandi aduuki kuleeta harara avana va Nyasaye avasalana.

Yohana 12:32

Lwa ndigingwa igulu ku musalaba nu kuhilwa mwigulu kutura mu kivala, ndang'usa avandu vosi sa mulala vaze ku inzi.”

Vikolwa 10:12

Musuuka yeyo ziali mu zing'ano ziosi zie zinyama zie virenge vine, zinyama zimolaa hasi, na amanyonyi gu mwigulu.

Vikolwa 11:5

“Lidiku lilala lwa ndaali nisaara mu lidaala lia Jopa, ndaalora amalola; ndaalora kindu kuli isuuka enene ni yikizwa hasi kutura mwigulu, ni igumiliywi zikona ziayo zine, niviikwa ahimbi ninzi.

Vikolwa 7:56

Yavoola, “Heenzi! Ndolaa ligulu ni likunuliywi, nu Mwana wa Adamu usingiyi ha mukono mulungi gwa Nyasaye!”

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

Varumi 9:4

Vaveeye avandu va Nyasaye; yatovola vave avana veve; naavavuulira uvukumi vwivwe. Yalomba lilagana lilie navo, kandi navaha Lilaga lilie; vaveeye ni lisigamira Nyasaye liageligali. Vanyoola lisuuvirizwa lia Nyasaye;

Vagalatia 2:15

Agiligali kunyi aveene koveeye Avayuda mu liivulwa lietu na sikoveeye “Avandu vizihiiri voni” kuli yavo valangwa mba.

Vagalatia 3:28

Kulwayago, sihaveeyeho kandi ni liavukana hagati ha Avayuda na vandu vizihiiri, mutugwa nu muvoholore anoho musaza nu mukali kandi mba. Vosi muveeye kindu kilala mu lihambanywa na Kristo Yeso.

Vafeso 1:10

Lilohiza yili, Nyasaye alakatwekiza lwi ing'inga indahi ilakaduuki. Alakavungizi vindu viosi harara, vindu viomuligulu kandi vindu viomulirova, na Kristo alakave mutwi gwavio.

Vafeso 3:6

Agaviswa gene ni yaga: kuvitira mu Ivangeri ya Nyasaye, vandu vizihiiri vagwiyi avasangi vi miandu harara na Avayuda mu zimbavasi zia Nyasaye; vave muviri mulala na vasaange mu lisuuvirizwa lia Nyasaye yalomba kuvitira mu Kristo Yeso.

Vakolosai 3:11

Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi.

Likunula 11:19

Litembeli lia Nyasaye iliveeye mwigulu ligulwa. Lisandugu Litakatifu lia amalago geege lie lilagana lialoleka. Maku, liali ho nilihemahema lie zimbeni, ni mioyo, ni lihirigana lie zinguba, ni lidegera lie lirova, ni imbura ya magina manene.

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.

Likunula 4:1

Inyima wa yago, ndaali na malola gandi, ndaalora kiliango ni kiguliki mwigulu. Mwoyo gwa ndaali nimbuliyi mu litanga nigovolerana ninzi kuli kisiriva, gwavoola, “Yanigira yinu, nainzi ndakumanyia ivindu viduukana vikoleke lwinyima.”