Vikolwa 10:1 - KITABU KITAKATIFU

¹ Yaali ho mundu mulala mu Kaisaria uwalangwa Korinelio, munene wu muganda mulala gwa vasikari imia indara “Muganda gwa Italia.”

Vikolwa 10:1 Iomraidhean Croise

Matayo 27:27

Maku avasikari va Pilato vingiriza Yeso munyumba yu mwami na avasikari vosi vaamukumbiriza.

Matayo 27:54

Lwu munene wa vasikari, harara na vasikari avalindaa Yeso valora ilidegera lie lirova ni vindu viosi viekoleka, vaatia ligali ni vavoola, “Ligali umundu uyu yaali Umwana wa Nyasaye.”

Marko 15:16

Avasikari vaahira Yeso mu nyumba ya gavana, ma nivavungiza umuganda gwosi gwa vasikari.

Luka 7:2

Uwene yeyo, Munene wa vasikari va Varumi mia yaali nu mutumikiri uwu Mwami weve yaali niyayaanza kukila. Mutugwa oyo yaali mulwaye ligali kandi yaali ahimbi kukuza.

Yohana 18:12

Kunangwa muganda gwa avasikari harara nu munene wagwo, na avalindi va Avayuda vagumira Yeso nivamuvoha.

Yohana 18:3

Kunangwa, Yuda yavugula muganda gwa avasikari va varumi na avalindi valala vi Litembeli avatumwa na Avafarisayo, navasaalisi nivaveeye nizitaaya, zimuri ni viugi.

Vikolwa 10:24

Lidiku lia kaviri vaduuka Kaisaria wa Korinelio yaali na valinda, harara na aviiko veve kandi avalina va yaali nalangi.

Vikolwa 21:31

Vetegeka kumwita, navuzwa amakuva gaduukiraa munene wu muganda gwa vasikari va Rumi, lidaala lia Jerusalemi liosi lizuuyi kivihiri.

Vikolwa 21:8

Mugamba gwalonda ku kwatula nikuzia Kaisaria. Nikoveeye Kaisaria kwazia munyumba yu mwilwazi Filipo. Yaali mulala ku vandu avaari saba avatovolwa mu Jerusalemi, nikomenya naye.

Vikolwa 22:25

Navuzwa lwa vaali nivakamara kumuvoha akuywi nizingova, Paolo yateeva munene wa avasikari mia, uwaali nasingiyi ahene yaho, “Ni lilago ku munyi kukuya mundu Murumi nakikiri kukalagirwa ku vudamanu vwa yakola?”

Vikolwa 23:23

Maku, munene wa avasikari elefu yalanga avanene vaviri va vasikari mia mbiri, navavoolera “Mwetegekizi avasikari mia mbiri, kandi avandi sabwini avaniina ku zibarasi na avasikari va matimu mia mbiri vazie Kaisaria zisa zivaga ziu vudiku.

Vikolwa 23:33

Lwa vaduuka Kaisaria, vahaana ibarwa ku mwamihi kandi nivavaviika Paolo imbiri weve.

Vikolwa 25:1

Lwa Fesito yaali niyakamara madiku gavaga kutura naduuka mu kivala chiche, yatura Kaisaria, nazia Jerusalemi.

Vikolwa 25:13

Madiku makekeeke lwa gaavita, Mwami Aguripa na Barinike vaduuka Kaisaria vaduuki kucheliza kandi kuhaana luyali lwavo ku Fesito.

Vikolwa 27:1

Lwa vamala kusaavira kuniina mu liato kuzia Italia, vaviika Paolo harara na avahambe vandi hasi hu vulindi vwa Juliasi, uwaali munene wa avasikari mia mu muganda gwalangwa “Muganda gwa Kaisari.”

Vikolwa 27:31

Paolo yavolera munene wa avasikari harara na avasikari veve, “Niiva vandu yava valavula kuva mumeri, simunyala kohona mba.”

Vikolwa 27:43

Navuzwa kigira munene wa avasikari yenya kohonyia Paolo, yavagaya vatakola ndio mba. Yalaga avamanya kwelema vatange kutuuma kutura mu meri, veeleme kuduuka ku lujinga,

Vikolwa 8:40

Filipo yizukanira vuzwa naveeye mu lidaala lia Azota; yaazizagilira kuvitira mu madaala goosi ni yilwaza Ivangeri mu madaala goosi kuduuka lwa yaduuka Kaisaria.