Vikolwa 1:5 - KITABU KITAKATIFU

⁵ Yohana yabatizaa na amazi, navuzwa mulabatizwa mu Roho Mutakatifu inyima wamadiku makekeeke.”

Vikolwa 1:5 Iomraidhean Croise

Joeli 3:18

“Ku ing'inga yeyo, vigulu vilakunikwa ni milimi jimizabibu, kandi mitugu jilanyooleka kuvuli kiguru; mazi galavaho manyingi mumigera josi ji Ivuyuda. Mugera gulituluka kutura mu Litembeli lia Yahova, na gulasama livona lia Shitimu.

Matayo 3:11

Inzi mubatizaa mu mazi kumanyia ndi mumali kwiganira. Navuzwa uyu uzaa inyima wange aveeye ni zinguru kuvita inzi. Inzi sindukana kali ku mugingira vilato vivie mba. Uyu alamubatiza mu Roho Mutakatifu kandi mu muliru.

Matayo 3:6

Viyama uvwoni vwavo, naye navabatiza mu mugera gwa Jorodani.

Marko 1:8

Inzi mbatizaa munyi na mazi, navuzwa oyo alamubatiza na Roho Mutakatifu.”

Luka 3:16

Kunangwa Yohana yavavolera vosi, “Inzi mubatizaa na amazi, navuzwa mulala yazaa oveeye ni zinguru kuvita inzi, wandaduukanaa kali kovoholora migoye ji vilatu vivie. Mwene oyo alamubatiza na Roho Mutakatifu kandi nu muliru.

Yohana 1:26

Yohana yavativulira, “Inzi mbatizaa namazi, navuzwa hagati hinyu asingiyi mulala wa munyi mutamanyi.

Yohana 1:31

Inzi mwene sindamanya alava vwaha, navuzwa ndaaza nimbatizaa na mazi, kunangwa nduuki kumukola amanyikane ku avandu va Isiraeli.”

Yohana 1:33

Inzi sindamumanya oyo niye, navuzwa Nyasaye uwanduma kubatiza avandu na mazi, yaali niyamboleye ndi ‘Mundu wo olola Roho niyazaa kuye kutura mwigulu nu kwikala kuye, uyu niyie ubatizaa na Roho Mutakatifu.’

Vikolwa 10:45

Avayuda vandu avasuuviraa, avaazaa harara na Petero kutura Jopa, vagenya kolola ndi Nyasaye uviiki kihanwa cha Roho Mutakatifu ku avandu vi zihiiri zindi kandi;

Vikolwa 19:4

Paolo yavoola kandi, “Libatiza lia Yohana liali liu kumanyia ndi avandu vamali kwiganira. Yohana yavolera avandu va Isiraeli, uyu waali niyazaa inyima weve, naye ni Yeso.”

1 Vakorintho 12:13

Munzira ndala nzere, kunyi kwosi nikuva nikoveeye Avayuda anoho vandu vizihiiri, avatugwa anoho vavoholore, kwabatizwa na Roho mulala ma ni kuva muviri mulala kandi Nyasaye yahaana ku kunyi vosi Roho mulala mu mioyo jitu.

Tito 3:5

yakohonyia. Sigaveeye ni kumiyinzi milahi ja kwakora muvulungi, mba navuzwa vakohonyia kigira zimbavasi zizie kuvitira mu Libatiza liletaa liivulwa lihia kandi kuvitira mu Roho Mutakatifu uhaana livamwoyo lihia.