Vikolwa 1:4 - KITABU KITAKATIFU

⁴ Lwa yavugana harara navo yavaha lilaga yili: “Mutatula mu Jerusalemi, navuzwa mulindi kihanwa cha Baba yasuuviriza, cha ndamuvolera makuva gacho.

Vikolwa 1:4 Iomraidhean Croise

Livalidza 9:22

Niiva malesi gakunikaa Lihema ku ing'inga ya madiku gaviri noho mweli mulala anoho muhiga mulala, anoho madiku manyingi avandu va Isiraeli vamenya havundu yaho, si visunda havundu handi mba. Navuzwa lwa malesi gaturaa ku Lihema, visunda havundu handi.

Matayo 10:20

Kigira simuveeye ni munyi avalivoola, navuzwa ni Roho wa Baba winyu ulivoola kuvitira mu munyi.

Luka 11:13

Munyi kali niiva muveeye avadamanu, mwamanya kuha avana vinyu vihaanwa vilahi, nasindi Baba winyu oveeye mwigulu, alamuha kuvita ligali. Alahaana Roho Mutakatifu kuvo avamusaala.”

Luka 12:12

Ing'inga yeyo, Roho Mutakatifu alakamwigizi gaduukanaa muvoore.”

Luka 24:49

Henza, inzi mwene ndamutumira Roho Mutakatifu wa Baba yandaga, navuzwa kuduuka munyi mulindi mu lidaala kuduuka lwi zinguru yizi kutura mwigulu, ziika ku munyi.”

Yohana 14:16

Nainzi ndateeva Baba, naye alamuha umukonyi wundi, ulimenya nimunyi kazozo.

Yohana 15:26

“Lwa Mukonyi aliiza uwandituma ku munyi kutura ku Baba, naye ni Roho wagiligali uturaa ku Baba, alakave mulolekizi wange.

Yohana 20:22

Lwa yamala kovora yaga, yavaherera mwika navavoolera, “Vuguli Roho Mutakatifu.

Yohana 7:39

Yeso yavoola yaga ku Roho wa yavo avamusuuvira valinyoola. Ing'inga yeyo Roho yaali nakikiri kuhaanwa, kigira Yeso yaali nakikiri kohevwa uvukumi.

Vikolwa 10:41

Navuzwa si yamulolekiza ku avandu vosi, navuzwa ku yavo ava Nyasaye yamala kotovola vave avalolekizi veve; navo ni kunyi va kwalia nu kunwa naye inyima wi lisimuguka lilie kutura mu vakuzu.

Vikolwa 2:33

Yeso umali konenehizwa kuduuka ha mukono mulungi gwa Nyasaye, Baba weve, kandi umali konyoora Roho Mutakatifu kutura kuye, kuli yaali niyasuuviriza. Icha munyi muloraa kandi muhulira kalunu keveeye kihanwa chiche ichamali kuzuka ku kunyi.