Vikolwa 1:3 - KITABU KITAKATIFU

³ Ku ing'inga ya madiku arubaini inyima wi likuza lilie, Yeso yaloleka haali kanyingi kuvo mwene, kandi mu zinzira zialolekiza ndi ligali aveeye mwoyo inyima wuvusaliri vwivwe. Vamulola, na moloma navo kigira makuva gu Vwami vwa Nyasaye.

Vikolwa 1:3 Iomraidhean Croise

1 Avami 19:8

Elija yavuka, nalia ma naanwa mazi kandi chukulia yicho chamuha zinguru kogenda ku madiku 40 kuduuka Sinai, kiguru kitakatifu.

Matayo 21:43

“Kigira yaga muvooleraa, munyi mulanyagwa Uvwami vwa Nyasaye ma vohevwe avandu vi ihiiri yindi, avanyala kwama amakuyu amalahi.”

Matayo 28:9

Lwa vaali nivazizaa kovoolera aviigi veve, nonoho Yeso mwene yagana navo navacheliza; “Mirembe ku munyi.” Vakali yavo vazia kuye, ni vagumira ku virenge vivie, kandi vaamusigamira.

Matayo 3:2

“Mwiganiri, kigira Uvwami vwu mwigulu voveeye ahimbi.”

Matayo 4:2

Naye yaahonga lilia amadiku arubaini mbasu nu vudiku. Lwinyima, yaali ninzara.

Marko 16:19

Lwu, Mwami Yeso yaali niyakamoloma navo, yavugurwa kuzia mwigulu, ni yikala ha mukono mulungi gwa Nyasaye.

Yohana 20:26

Inyima wa madiku munane aviigi yavo vaali kandi harara munyumba, na Tomasi yaali harara navo. Miliango jaali ni jihaniywi. Navuzwa Yeso yaza, nasingira hagati haavo, navoora, “Mirembe ku munyi!”

Yohana 21:1

Inyima wa yaga, Yeso yaloleka kandi ku aviigi veve ku lujinga lwi inyanza ya Tiberia. Yivuula mwene kuli ndi.

Yohana 21:14

Yilu lwali lwa kavaga Yeso kololeka ku aviigi veve inyima wukusimuguka kutura mu vakuzu.

Vikolwa 13:31

Naye, ku amadiku manyingi yaloleka ku yavo avaazia harara naye kutura Galilaya kuduuka Jerusalemi. Yavo nivo avaveeye avalolekizi veve kalunu ku avandu va Isiraeli.

Vikolwa 19:8

Ku ing'inga yi mieli jivaga Paolo yazizaa mu lisinagogi, na amolomaa nu vuluviliri nokogoonya avandu vavugiliri amakuva gu Vwami vwa Nyasaye.

Vikolwa 28:23

Kunangwa valagana naye lidiku liu kuvugana, na avandu avanyingi ligali vaduuka kuye aha yamenya. Kutura mugamba kuduuka mugolova, Paolo yavivaalira nu kuvavuulira amakuva gu Vwami vwa Nyasaye, nageriza kuvakola vavugiliri amakuva ga Yeso ku litumikira Lilaga lia Musa na amang'oda ga avaporofeti.

Vikolwa 28:31

Yilwaza Uvwami vwa Nyasaye nu kwigiza amakuva gu Mwami Yeso Kristo nu vuluviliri, kandi vugira kwigalirwa.

Vikolwa 8:12

Navuzwa lwa vandu vasuuvira amilwazo ga Filipo agi Ivangeri yu Vwami vwa Nyasaye kandi gi lieta lia Yeso Kristo, vabatizwa avasaza na avakali.

Varumi 14:17

Uvwami vwa Nyasaye sivoveeye lilia kandi linwa mba, navuzwa voveeye uvulungi, imirembe kandi uvuyanzi voleetwa na Roho Mutakatifu.

Kwidzulitsa 9:18

Maku ndaagwa hasi kandi mamumama imbiri wa Yahova kuli maziambiri ku madiku arubaini na sindaalia anoho kunwa kindu kali hakuzu mba. Ndaakola ndio kigira mwaali nimwoni ku Yahova kandi nimumuvihilirizi.

Kwidzulitsa 9:9

Inzi ndaazia mu kiguru kohevwa vibaho via magina iviang'odwa ku Lilagana lia Yahova yaali naalombi ni munyi. Ndamenya mu kiguru ku madiku arubaini, mbasu nuvudiku kandi sindaalia viukulia anoho kunwa amazi mba.

Vakolosai 1:13

Nyasaye yakohonyia kutura mu Zinguru zie kisundi, nakoleeta mu mirembe mu Vwami vwu Mwana weve umuyanze;

1 Vatesalonike 2:12

Kwa muluviriza nu komuleminya umwoyo muduuki kumenya nokogenda mu liiva liyaanziza Nyasaye, uwamulanga muduuki kusanga mu vwami nu vukumi vwivwe.

1 Yohana 1:1

Kumung'oderaa munyi kolondekana ni Likuva lie livamwoyo iliali ho kutura mu litanga. Kwalihulira kandi kwalilora kunyi aveene, moni na moni; Yee, kwalilola kandi kwagumira kulio na amakono giitu.