Vikolwa 1:16 - KITABU KITAKATIFU

¹⁶ navoora, “Avaamitu vange, Amang'oda Matakatifu genyekaa gadukizwi kuva gagiligali, aga Roho Mutakatifu yamoloma kuvitira mu Daudi, kigira Yuda uwimilira yavo avagumira Yeso.

Vikolwa 1:16 Iomraidhean Croise

2 Samweli 23:2

Roho wa Nyasaye amolomaa kuvitira mu inzi: Makuva geege gaveeye mu munwa gwange.

2 Avami 15:12

Kunangwa lilaga yili liadukizwa ilia Yahova yaali ni yalomba ku mwami Jehu: “Visukululwi vovo, kuduuka ku likula lia kane, valava avami va Isiraeli.”

Zaburi 41:9

Kali mulina wange mulahi ligali, uyu wandasuuvira kuvita vosi, uyu usangaa chukulia ninzi, umali kungirung'ana ugingi iliichi lilie ku inzi.

Matayo 26:14

Maku mulala ku aviigi likomi na vaviri uwalangwa Yuda Esikarioti yazia ku avasaalisi vanene,

Matayo 26:47

Lwa Yeso yaali nakemoloma navo, Yuda uwaali mulala ku aviigi likomi na vaviri yaduuka. Harara naye ikiduma kenene chamulonda nivaveeye ni vivavi kandi ivigurumi, avaari nivatumiywi na vasaalisi vanene navakulundu.

Matayo 26:54

Navuzwa, Amang'oda Matakatifu agaavoola yaga gaduukanaa gekoleka, ganyala kutwekizwa ndi?”

Matayo 26:56

Nitali yaga goosi gaakoleki kunangwa, agavaporofeti vaang'oda mu Mang'oda Matakatifu gaduuki kutwekizwa.” Kunangwa aviigi vosi vamuleka ni viiruka.

Marko 12:36

Daudi mwene yavoola mu zinguru zia Roho Mutakatifu: ‘Mwami yavolera Mwami wange: Yikala hano ku mukono gwange mulungi kuduuka lwambika avasigu vovo hasi hi virenge vivio.’

Marko 14:43

Nonoho lwa Yeso yaali nakemoloma, Yuda, mulala ku avaari likomi na vaviri yaduuka harara ni kiduma cha vandu nivagingi ivivavi ni vigurumi. Avandu yavo vaali nivatumiywi na vasaalisi vanene, avigizi vi Lilaga, na vakulundu.

Luka 22:47

Lwa Yeso yaali nakevoola ndio, kiduma kenene chaduuka nichimiliywi na Yuda, uwaali mulala ku aviigi likomi na vaviri. Yuda yisunda ahimbi ku Yeso naamuvusa.

Yohana 10:35

Nyasaye yalanga avandu yavo, avanyasaye, avandu va yaaha likuva lilie, na kunyi kumanyi ndi Mang'oda Matakatifu gavoora agiligali kazozo, na siganyala kuvunagwa mba.

Yohana 13:18

“Yaga simbolanga ku munyi vosi mba. Inzi ndaamanya yavo avandatovola. Navuzwa gaduukanaa gadukizwi kuli Amang'oda Matakatifu gavoora, ‘Oyo waalia harara nainzi ugirung'ani kuva musigu wange.’

Yohana 17:12

Lwa ndaali navo ndavalinda vulahi kuzinguru zie lieta liilio, lieta lia wamba. Ndaavalinda, kandi avulaho kali mulala wagota ku yavo nataveeye oyo mwana wu vudivi, uwalagilwa kogota; kunangwa agang'odwa mu Mang'oda Matakatifu gaduuki kuduukizwa kuva agiligali.

Yohana 19:36

Yaga gaakolwa kolomba Mang'oda Matakatifu gaduuki kuva agiligali, “Kigumba chiche kali kilala, si kilivunanywa mba.”

Vikolwa 1:20

Petero yavoola; “Gang'odwa mu kitabu cha Zaburi, ‘Leka hango hehe hang'anywi; kandi mundu woosi atamenyaa ho kandi mba.’ Kandi gang'odwa, ‘Mundu wundi avuguli vwiyangu vwivwe mu vutumiki yivu.’

Vikolwa 13:15

Inyima wi lisoma mu kitabu chi Lilaga lia Musa kandi mu mang'oda ga vaporofeti, avanene vi lisinagogi vaatuma mundu kuvo kovora ndi: “Avaamitu, nimuveeye ni likuva liu kudinyiriza vandu, muvavoolere.”

Vikolwa 13:38

Kulwa yaga, avaamitu vange, nyenya mumanye ndi kuvitira mu Yeso Kristo lisamiifwa liu vwoni lilwaazwaa ku munyi.

Vikolwa 15:13

Lwa vaali nivakamara komoloma, Yakobo yaatanga kovora: “Avaamitu vange, mbulirizi!

Vikolwa 15:7

Lwa vamala kotevana amateeva manyingi, Petero yasingira navoora, “Avaamitu vange, munyi mumanyi vulahi ndi ku zing'inga ziavita, Nyasaye yandovola kutuia hagati hinyu, nzilwaze Ivangeri ku vandu Avizihiiri kunangwa vaduuki kuhulira nukusuuvira.

Vikolwa 2:23

Kolondekana ni lilohiza lilie mwene, Nyasaye yaali ni yatovola ndi Yeso ahaanwi mu makono ginyu. Navuzwa munyi mwamwita kigira mwalekela avandu avoni navadamanu kumuvaamba.

Vikolwa 2:37

Lwa avandu vahulira yaga, vatumitwa mu mioyo jaavo, nivateeva Petero na avatumwa vandi, “Avaamitu, kokora ki?”

Vikolwa 22:1

“Avaamitu na vababa, mumbulirizi kalunu lwa nyenya kumutivulira kindu!”

Vikolwa 23:1

Paolo yumika avandu vi kiyaalo, ma navoora, “Avaamitu vange, inzi menyanga imbiri wa Nyasaye mu zing'anagani kandi numwoyo mulahi kuduuka lero.”

Vikolwa 23:6

Navuzwa lwa Paolo yalora ndi kiduma kilala nicha Avasadukayo ni ikindi cha Avafarisayo, yahanzuka imbiri wi kiyaalo navoora, “Avaamitu vange, inzi nu Mufarisayo, umwana wu Mufarisayo. Inzi mali koleetwa mu kiyaalo kigira lisuuvira liambeeye nalio ndi avakuzu valakasimuguki.”

Vikolwa 28:17

Inyima wa madiku gavaga, Paolo yagenihiza aviimiliri va Vayuda vavugane harara. Lwa vavugana, Paolo yavavolera, “Avaamitu, kali niiva sindakola kindu kidamanu, anoho kuhing'ana ni miima ja avaguuga viitu, navuzwa ndaakorwa muhambe mu Jerusalemi kandi nimbikwa mu makono ga Varumi.

Vikolwa 28:25

Kunangwa, sivahulirizanaa aveene mba. Lwa vaali nivazizaa, Paolo yavoola likuva yili: “Agiligali, Roho Mutakatifu yavolera avaguuga vinyu vulahi kuvitira mu muporofeti Isaya,

Vikolwa 7:2

Sitefano yativura, “Avaamitu na vababa! Mumbulirizi! Nyasaye wu vukumi yaloleka ku guuga wiitu Aburahamu, mu Mesopotamia, nakikiri kuzia komenya Harani.

1 Petro 1:11

Vageriza kwenya kumanyiriza ni ing'inga ki, kandi ni liiva lia lugano ki lwa Roho wa Kristo alilolekiza uvusaliri vulinyoola Kristo nu vukumi vuliva ho inyima wa yaga.

2 Petro 1:21

Voporofeti si vwaza ku vulaliri vwu mundu, navuzwa avandu vanyoola Roho Mutakatifu lwa vamoloma amakuva gaturaa ku Nyasaye.

2 Petro 2:21

Vwakaveeye vulahi ligali kuvo, valavula kumanya inzira yu vulungi, kuvita kugimanya kandi viirana koleka amalago matakatifu gavahevwe.