Vikolwa 1:11 - KITABU KITAKATIFU

¹¹ Vavavolera, “Munyi avandu va Galilaya! Kigira ki musingiyi ni muheezaa mwigulu? Yeso uyu, uvuguliywi kutura ku munyi kuzia mwigulu, alirana kandi kuli munyi mumuloli nazizaa mwigulu.”

Vikolwa 1:11 Iomraidhean Croise

Matayo 16:27

Umwana wa Adamu aveeye ahimbi kuza mu vukumi vwa Baba weve harara ni zingelosi veve; kandi ahene yaho alatungaa vuli mundu kolondekana ku vikolwa vivie.

Matayo 16:28

Muvooleraa agiligali, vaveeye ho valala ku avasingiyi hano avalivula kolola ilikuza kuduuka lwu Umwana wa Adamu alakaze kuli Mwami Munene.”

Matayo 24:30

Maku kelolekizu chu Umwana wa Adamu kilakaloleke mwigulu, na ahene yaho zihiiri ziosi zie lirova zilakaliri, lwa valilola Umwana wa Adamu ni yazaa ku malesi ni zinguru nu vukumi vonene.

Matayo 25:31

“Lwu Umwana wa Adamu aliiza kuli Umwami harara ni zingelosi vosi alikala ku endeve yu vwami vwivwe,

Marko 13:26

Hene yaho valalola Mwana wa Adamu niyazaa mu malesi ni zinguru zinene nu vukumi.

Marko 14:70

Navuzwa Petero yambakana kandi. Lwinyima hakekeke, avandu vaali ni vasingiyi ho vavoolera Petero, “Agiligali oveeye mulala kuvo kigira uturaa Galilaya.”

Marko 16:19

Lwu, Mwami Yeso yaali niyakamoloma navo, yavugurwa kuzia mwigulu, ni yikala ha mukono mulungi gwa Nyasaye.

Luka 21:27

Ing'inga yeyo, valalola Mwana wa Adamu ni yaazira mu malesi ni zinguru zinene kandi nu vukumi ovonene ligali.

Luka 24:5

Avakali yavo vizura uvuti vonene, nivinaminya mitwi jiavo hasi. Navuzwa avandu yavo vavavolera, “Kigira ki munyi mwenya uyu oveeye mwoyo mu avakuzu?

Yohana 14:3

Kandi lwa mba ninzia kumulombera ovogono, ndirana kandi. Ndamuvugura inzi mwene, kunangwa aha inzi mbeeye munyi kandi muve ho.

Vikolwa 1:2

kuduuka ku lidiku lia yavugurwa kuzia mwigulu. Kuvugulwa, yahaana amalago mu zinguru zia Roho Mutakatifu ku avatumwa va yaali natovoye.

Vikolwa 1:22

Gamudukira ave uwahambana ni kunyi kutura ing'inga ya Yohana yabatizanga avandu kuduuka lidiku lia Yeso yavugurwa kutura ku kunyi kuzia mwigulu. Kuduuka ahambane ni kunyi, ave mulolekizi wi lisimuguka liu Mwami Yeso.”

Vikolwa 1:9

Inyima wokovoola yaga, vavugulwa kuzia mwigulu, ni Lilesi liamukunika kutura mu zimoni ziavo.

Vikolwa 13:31

Naye, ku amadiku manyingi yaloleka ku yavo avaazia harara naye kutura Galilaya kuduuka Jerusalemi. Yavo nivo avaveeye avalolekizi veve kalunu ku avandu va Isiraeli.

Vikolwa 2:7

Vagenya kandi vahuga ligali, ni vavoola, “Avandu avamolomaa yava vosi, si vaveeye Avagalilaya?

Vikolwa 3:12

Lwa Petero valora avandu yavo, yavavolera, “Munyi vachange avandu va Isiraeli kigira ki mugenyaa ku likuva liu mundu uyu kandi kigira ki mukoteleeye emoni kuli nikuzingulu zietu anoho ku vutakatifu vwitu ovokoli mundu uyu agende?

Vikolwa 3:21

Gamuduukira atigale mwigulu kuduuka lwi vindu viosi vililombwa vuhia, kuli Nyasaye yalandiza kuvitira mu vaporofeti veve vatakatifu avaari ho kutura kale.

1 Vatesalonike 1:10

kandi kulindilira Mwana weve kutura mwigulu naye ni Yeso, wa yasimugukiza kutura mu vakuzu, ohonyia kunyi kutura mu vutima vwa Nyasaye vuzaa.

1 Vatesalonike 4:16

Gulakave ho nu mwoyo munene gwu kulanga, kandi nu mwoyo gwe engelosi Munene, kandi nugwi kisiriva cha Nyasaye, maku Mwami mwene aliika kutura mwigulu. Yavo vaakuza nivasuuvira mu Kristo valakasimuguki kutanga.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

Likunula 1:7

Henza! Yazaa mu amalesi kandi avandu vosi valamulola, harara na yavo vosi avamwita. Avandu vosi vi lirova valakasiomere kuye kigira agavamukolera. Nindio galiva Amini.