Vakalagi 9:4 - KITABU KITAKATIFU

⁴ Vamuha ividonye sabwini viefeza kutura mu litembeli lia Baali wi lilagana lia yaagula avandu avibaali na vikirage vaduuki kumwunga umukono.

Vakalagi 9:4 Iomraidhean Croise

2 Samweli 6:20

Inyima wa yaga, Daudi yazia yengo kugasiza vandu avinyumba yeeye, Mikali yatura ichova kumwaganira. Yamuvolera, “Mwami wa Isiraeli yelombeeye lieta linene mwene kalunu kumanyia chahonyo chiche umwene kuli musiru imbiri wi zimoni zia vatumikiri vakali va vanene veve!”

2 Kyetsinyinga 13:7

Lwinyima yavungiza harara muganda gwa vavunagi va malago avatakonya kindu, na vanigaa valeke uvulariri vwavo ku Rehoboamu muyaayi wa Solomoni, uwaali umwana muyaayi vuzwa kandi utaali nilimanya linyingi kuvahingiira.

Ayubu 30:8

Kiduma cha vandu vaveeye vuzwa kandi avatamanyikani vaakungwa kutura mu kivala.

Tsing'ano 12:11

Umulimi mugulu aveeye ni viukulia vinyingi, navuzwa nuvusiru kogotiza vwiyangu ku miyinzi jitaveeye ni kivuni.

Zefania 3:4

Avaporofeti sivadukanaa mu miyinzi jaavo mba, kandi vaveeye avagaadi. Avasaalisi vonogonyia viveeye vitakatifu kandi vaagirung'anyia malago ga Nyasaye kulienya liavo.

Vikolwa 17:5

Navuzwa Avayuda vakendeka; vavungiza harara avandu vadamanu, avaguunza mu chiitu, nivavungiza kiduma, nivakora kivihiri mu lidaala liosi. Vingira munyumba ya Jasoni, nivasuuvira ndi, valanyora mu Paolo na Sila, vavaleete ichova imbiri wa avandu.

Vakalagi 11:3

Jefuza yiruka kutura ku avamwavo veve nazia komenya mu kivala cha Tobu. Uwene yeyo, yahambana nu muganda gwa vayaayi vadamanu.

Vakalagi 8:33

Kunangwa lwa Gidioni yaali niyakakuza, avandu va Isiraeli valeka Yahova, nivasigamira vanyasaye va Baali; nivalomba Baali wi lilagana kuva munyasaye wavo.

Vakalagi 9:27

Vosi vazia mu vizabibu viavo, nivagula imizabibu nivakamulura iwaini nivalomba iliinwa linene. Viingira mu livugana liu munyasaye wavo nivalia kandi nivanwa, ma nivachaya Abimeleki.

1 Samweli 22:2

Avandu vosi avadambizangwa anoho avaari mu magovi kinga avavura kuyaanzizwa ni liiva liuvwami, vazia kwiyunga naye, kandi yagwa mwimiliri wavo. Ahimbi avasaza 400 vaali naye.