Vakalagi 7:9 - KITABU KITAKATIFU

⁹ Vudiku vulala vwere yivwo, Yahova yalaga Gidioni, “Singira na usulunguti kutangiza iliihi, kigira Inzi mali kuviika vandu va Midiani mu makono googo.

Vakalagi 7:9 Iomraidhean Croise

2 Kyetsinyinga 20:17

Munyi si mulalwaana mu vulwani yivu mba, navuzwa musingiri mu vogono vwinyu, musingiri vudinyu, na mulalora liguuta lia Yahova ahaanaa. O, munyi avandu vi Ivuyuda na Jerusalemi, mutakuza mioyo jenyu mba, anoho mutatia, mugamba mutule kuzia ku valwaana, na Yahova alava harara na mwinye!’ ”

Ayubu 4:13

Hagati hi zing'anagani ziatula mu malola guvudiku, lwi zindoolo zinene zigumiraa avandu.

Matayo 1:20

Navuzwa lwa yaali nakiganagana ku likuva yili, henza, engelosi wu Mwami Nyasaye yaloleka kuye mu maloto, namuvolera, “Josefu, ikisukululwi cha Daudi, utatia kuvugura Maria ave mukali woovo mba, kigira ichaaverekwa muye keveeye cha Roho Mutakatifu.

Matayo 2:13

Lwa avageri yavo vaali nivakazia, henza, engelosi wu Mwami yaloleka ku Josefu mu maloto namuvolera, “Vuka, uvuguli umwana harara na mama weve, wiruki uzie Egebeti. Omenye yo kuduuka lwa ndikovoolera, kigira Herodi azizaa kwenyeleriza umwana uyu kuduuka amwiti.”

Vikolwa 27:23

Uvudiku vwa lero engelosi wa Nyasaye, wa inze mbeeye mundu weve, kandi wa sigamira, yaazi ku inzi,

Joshua 10:8

Yahova yavolera Joshua, “Utavatia mba: inzi mali kuhaana kuivi liguuta. Sihaveeye ho numulala muvo unyala kusingira ku lihingira ivi mba.”

Joshua 11:6

Yahova yavolera Joshua, “Utavatia mba. Ku ing'inga yiyi mugamba, ndava ninziiti yavo vosi kigira Isiraeli. Gakuduukiraa oleminye zibarasi ziavo ku litema machi gazio nokusamba magare gu vulwani gaavo nomuliru.”

Joshua 2:24

vavoolera Joshua, “Koveeye nagiligali ndi Yahova umali kukuha kivala choosi. Avandu vaveeye yo vosi vaali nuvuti ligali kigira kunyi.”

Vakalagi 20:28

Finiasi mwana wa Eliaza waali naveeye umulindi walio. Vateva Yahova, “Gaduukanaa kunyi kutuli kuzia kulwaana avaamitu vandu vi hiiri ya Benjamini kandi, anoho koleke?” Yahova yativura navoora, “Muvalwaane. Mugamba ndamuha uvuguuti.”

Vakalagi 3:10

Roho wa Yahova yaza kuye, ma naagwa umwimiliri wa vandu va Isiraeli. Ozinieli yazia mu vulwani na Yahova yamuha uvuguuti ku umwami wa Mesopotamia.

Vakalagi 3:28

Yavavolera, “Nondi! Yahova umali kumuguutila vandu va Moabu, avaveeye avasigu vinyu.” Avandu valonda Ehudi, nukwigalira ha vwambukilu vwa vandu va Moabu venyekana vaambukiri mugera gwa Jorodani. Sivavugilira kali mulala kwambuka mba.

Vakalagi 7:10

Navuzwa niiva utiiyi kusulunguta, ulasulunguta hokososa haavo harara na Pura, umutumikiri woovo.

Vakalagi 7:8

Kunangwa Gidioni yavolera vandu va Isiraeli vosi viirane yengo nitali vandu miatatu avagingaa ivindu viuvulwani ni visiriva. Hokososa ha vandu va Midiani haali mulivoona indangu wa hokososa wa vandu va Isiraeli.

1 Samweli 14:8

Maku Jonazani yavoola, “Vulahi, kulambuka kuzie kunangwa avandu va Filisitia vaduuki kokolola.

1 Samweli 23:4

Kunangwa Daudi yateeva uvulariri vwa Yahova kandi. Yahova yamuvolera, “Zia wingiliri Keila kigira ndakokola uguuti avandu va Filisitia.”