Vakalagi 7:2 - KITABU KITAKATIFU

² Yahova yavolera Gidioni, “Avandu voveeye navo navanyingi ligali Inzi singuvugilira vanyoore uvuguuti ku vandu va Midiani mba. Valaganagana nivo avatumikiyi uvunyingi vwavo ku vandu va Midiani. Kandi sivalamba lizominya kali hakuzu.

Vakalagi 7:2 Iomraidhean Croise

Litanga 46:2

Nyasaye yamoloma kuye mu malola vudiku kandi naalanga, “Yakobo, Yakobo!” “Yavoola yee inzi mbeeye hano.”

2 Kyetsinyinga 14:11

Mwami Asa yanira Yahova Nyasaye weve na saala navoora, “O, Yahova, siaveeye ho nu mundu wundi unyala kokonya kunyi nataveeye ivi mba, hagati ha uyu oveeye ni zinguru kandi hagati ha uyu utaveeye ni zinguru. Okokonye O, Yahova Nyasaye wiitu, kigira ni ivi wakwiidiraa ku, na mu lieta liilio kulalwana na kulaguuta muganda gwa vasigu yava. O, Yahova, niivi Nyasaye wiitu, mundu atakuguuta mba!”

Isaya 10:13

Mwami wa Asiria yigingira nokovoora ndi, “Mali kokora yaga goosi inzi mwene. Inzi mbeeye ni zinguru kandi mugeri wi limanyiriza. Mali kutulizaho zinzako hagati hi zihiiri, kandi mali kuvugura uvutugi vwavo kutura mu mavikiru gaavo goosi. Mali kuduvagira hasi avandu vamenyi yo kuli igiriki, nu kuvatuliza ku zindeve ziu vwami.

Isaya 2:11

Ing'inga yiza lwu luyaayi lwu mundu lulakahere, kandi liegingira liu mundu liradivizwa. Maku Yahova yeng'ine alakahevwe luyali.

Isaya 2:17

Luyaayi lwu mundu lulagehizwa, kandi liegingira liu mundu lilikizwa. Maku Yahova yeng'ine alakahevwe luyali mu lidiku yilio.

Jeremia 9:23

Yahova avoora, “Avandu vageri vatigingira kigira ovogeri vwavo mba, anoho avandu vizingulu kigira zinguru ziavo mba, noho avandu vatugi kigira uvuhinda vwavo mba.

Ezekieli 28:17

Waali ni liegingira kigira waali mundu wi ligondo lilahi ligali, kandi limanyikana liilio liakokola vindu kuli musiru. Kigira yaga, ndaakusiuva mu kivala kandi ningunaavula havulavu imbiri wa vami, vaduuki kokolola.

Ezekieli 28:2

Yavoola, “Mwana wu Mundu, ovoolere mwamihi wa Tiro aga Inzi Yahova Wuvunyali mboraa kuye: Oveeye ni liegingira mu mwoyo gwugwo, wevoola ndi oveeye munyasaye. Ovola ndi wikala kondeve yu vwami kuli munyasaye, hagati hi zinyanza. Unyala kwevoora kuva mugeri kuli mu nyasaye, navuzwa si oveeye mu nyasaye mba, oveeye mundu vuzwa.

Danyeli 4:30

yavoola, “Henza kuli Babiloni eveeye enene! Ndajumbaka kuli lidaala linene kumanyia zinguru nu vunyali vwange, kandi vukumi harara nu vwami vwange.”

Habakuk 1:16

Kali vasigamira miluvo jaavo kandi vahaana vihaanwa vie visiuviliru kuzio, kigira miluvo jaavo givahezaa choosi cha venya.

Zekaria 12:7

“Inzi Yahova ndakahaane liguuta ku mahi gi Vuyuda kutanga, kunangwa luyali lwi visukululwi via Daudi kandi avandu va Jerusalemi valakanyore, si lulakave lonene kuvita lwi Ivuyuda yoosi mba.

Zekaria 4:6

Maku engelosi yambolera kuhaana makuva yaga ku Zerubabeli kutura ku Yahova: “Ulanyaliza, na si gaveeye kigira vunyali vuvwo anoho kigira zinguru zizio mba, navuzwa gaveeye kigira Roho wange Yahova wamahi avoora.

Livalidza 31:4

Mutumi avasaza 1,000 kutura mu vuli ihiiri ya vandu va Isiraeli kuzia mu vulwani.”

Varumi 11:18

Kunangwa, sigamuduukira mulegelizi yavo avaatemagwa kuli zisia. Munyala kwelola kigira ki? Munyi muveeye vuzwa iziisia. Munyi simukonyaa miri mba, kigira imiri nijo jiduukanaa jimukonye.

Varumi 3:27

Kunangwa kindiki kinyala kokolomba kwiyizominye? Kindu mba! Kandi yaga gaveeye ku kivuni ki? Ni kigira kunyi kutizaa Lilaga? Awa! Navuzwa kigira Lisuuvira.

2 Vakorintho 4:7

Navuzwa kunyi avakoveeye ni livikiru liu mu Roho yili, koveeye vuzwa kuli zinyingu zio vodohi, gaduuki kololeka havulavu ndi, zinguru zinene yizio zitulaa ku Nyasaye; sizitulaa ku kunyi mba.

Vafeso 2:9

Sigaveeye kigira vikolwa vienyu aveene kunangwa mundu ku woosi avuli kwiyizominya mba.

Kwidzulitsa 32:27

Navuzwa sindakaleke avasigu vaavo vigingiri, ndi vamali kuguuta avandu vange, lwa yaali ninzi Yahova mwene umali kuvasionolanyia.’

Kwidzulitsa 8:17

Kunangwa mutiiganagana ndi mumali kwekola avatugi munyi aveene kuzinguru nuvunyari vwa makono ginyu mba.

Kwidzulitsa 8:18

Mwizurizi ndi Yahova Nyasaye winyu niyie umuhezaa zinguru ziukuva avatugi. Akolaa ndio kigira akikiri vuzwa musuuvirifu kalunu ku lilagana lia yalomba na avaguuga vinyu.

Yakobo 4:6

Navuzwa zimbavasi zia Nyasaye akohezaa ziveeye ni zinguru ligali kuli Mang'oda Matakatifu gavoora, “Nyasaye ahingiraa avigingiri, navuzwa ahaanaa, zimbavasi ku vegehiza.”

1 Samweli 14:6

Jonazani yavolera musoleri zana, “Genda kwambuki kuzie mu hokososa ha vandu va Filisitia vasindi yavo. Hawundi Yahova alakokoonya; niiva akola ndio, sikeveeye ho kindu kimwigalira avuli kuha kunyi liguuta, kali nikoveeye vakekeeke kuli ndi!”