Vakalagi 7:12 - KITABU KITAKATIFU

¹² Avandu va Midiani, Maleki harara na avandu vi zihiiri ziu mwigendanyama vaaloreka kuva vanyingi mulivoona kuli izisigi, na vaali ni zing'amia izinyingi kuli umuyeka kulujinga lwinyanza.

Vakalagi 7:12 Iomraidhean Croise

1 Avami 20:27

Avandu va Isiraeli navo valangwa harara kandi nivahevwa viukulia niviugi; vazia kwagana nukulwana navo. Valomba hokososa haavo mu viduma viviri viahenza lovega lwa vandu va Siria. Avandu va Isiraeli vaali kuli viayo viviri vie zimburi nolenganyia na Vandu va Siria vizura kivala choosi.

1 Avami 4:30

Solomoni yaali mugeri kuvita avageri vosi vi Ivugwi, anoho avageri va Egebeti.

Zaburi 3:1

O, Yahova henza kuli avasigu vange vaveeye avanyingi. Vaveeye vanyingi ligali avanzingiliraa!

Zaburi 33:16

Mwami sianyala kuguuta mu vulwani kigira iliihi lilie lie zinguru mba, musikari sianyala kuguuta avasigu veve kigira zinguru zizie mba.

Jeremia 46:23

kandi naadiviza mulitu munene ligali. Avandu vaavo vaveeye avanyingi ligali va utavalizwa mba; avasikari vaavo vaveeye avanyingi ligali kuvita zisigi.

Joshua 11:4

Vaza na vasikari vi liihi vaavo vosi iliihi liali na vasaza vanyingi kuli muyeke ku lujinga lwinyanza. Vaali kandi ni zibarasi zinyingi kandi magare gu vulwani manyingi.

Vakalagi 6:3

Lwa vandu va Isiraeli vataga ivitagwa mu milimi jaavo, vandu va Midiani na vandu va Maleki, harara na vandu vu muchangalangwe vaza ku vingilira.

Vakalagi 6:33

Ing'inga yeyo vandu va Midiani, Maleki, harara ni zihiiri zindi ziumwigendanyama, ziamanya niziivungizana, nivambuka Jorodani, nivamenya, mu livona lia Jezireeli.

Vakalagi 6:5

Vaza ni mitugu jaavo harara na mahema gaavo nivafaana kiduma chi zisigi. Izing'amia ziavo harara naveene ziali izitanyara kuvalizwa. Vingira mu kivala yicho nivachononyia ligali.

Vakalagi 7:13

Lwa Gidioni yaduuka mulivoona zana, yahulira umundu navolera uwache amalooto gayaali naaloti. Yavoola, “Ndoti ndi umugadi gwi ingano gugwiyi hagati hokososa ha vandu va Midiani, ma ni gogomagoma, niguduya ilihema. Ilihema zana liavunikana kandi niligwa hasi.”

Vakalagi 8:10

Zeba na Zalimuna vaali ha Karikori harara ni liihi liavo. Iliihi lie zihiiri ziu mwigendanyama liatigala na vandu 15,000. Avaari ni viitwa ni 120,000.

1 Samweli 13:5

Avandu va Filisitia vavunga harara kulwaana Avaisiraeli; vaali na magare gu vulwani 30,000, avasaza vu kuniina ku zibarasi 6,000, na avasikari vuvulwani avanyingi kuli muyeke gwu ku lujinga lwi inyanza. Vazia Mikimashi, ivugwi wi lidaala lia Bezaveni, kandi nivalomba ho ahokososa.

1 Samweli 30:17

Hamugorova, isi nizia kumwama, Daudi yaavatulira nukuvakuya kandi valwaana kuduuka hamugorova gwi lidiku lialonda ku, kandi sihali ho nu mundu wiruka nokohononoka mba, nivatali avayaayi 400 avaniina ku zing'amia niviruka.