Vakalagi 4:6 - KITABU KITAKATIFU

⁶ Lidiku lilala yatumana Baraka, mwana wa Abinoamu kutura Kedeshi mu kivala cha Nafutali, na amuvoleraa, “Yahova, Nyasaye wa Isiraeli akulagaa ndi, ‘Vugula avandu izielefu likomi kutura mu zihiiri zia Nafutali na Zabuloni, ma uvatumi ku Kiguru cha Tabori.

Vakalagi 4:6 Iomraidhean Croise

Zaburi 7:6

O, Yahova, vuka mu vutima vuvwo! Singira uhing'ane nu vutima vonene vwa vasigu vange; vuka ivi O, Nyasaye wange na ongonye! Ivi wenya vulungi vwekoleke.

Zaburi 89:12

Ivi walomba lirova kutura Ivaale kuduuka Isavaalu; Avandu vu kukiguru cha Tabori kandi kiguru cha Herimoni viimba ni vizominya ivi kigira uvusangari.

Zaburi 89:13

Ivi oveeye wi zinguru, ligali! Zinguru zizio ziveeye zinene ligali!

Jeremia 46:18

Inzi, Yahova Wuvunyali, mbeeye mwami. Inzi ni Nyasaye oveeye mwoyo. Kuli Kiguru cha Tabori keveeye igulu mu vigulu, kandi kiguru cha Karimeli kisingila igulu ku inyanza, kunangwa zilakave ndio zinguru zia oyo ulikutulira.

Hosea 5:1

“Muhuliri yaga, munyi avasaalisi! Muhulirizi munyi avandu va Isiraeli! Muhuliri, munyi avandu vinyumba yu vwami! Gamuduukira muhaane likalaga liveeye lirungi. Munyi mulakalagirwa! Kunangwa likalagirwa lilaaza kumunyi! Munyi mumali kugumira avandu kigira lisigamira misambwa ha Mizipa, kandi ku Kiguru cha Tabori.

Vikolwa 13:47

Kigira Mwami yakulaga navoora ndi: ‘Mali kukotovola ove uvulavu vwi Zihiiri, uduuki koleta vohonyi ku lirova liosi.’ ”

Vahebraina 11:32

Mbeeye namanyingi gokovoola, navuzwa zing'inga sizimbugiliraa mbore amakuva ga Gidioni, naga Baraka, naga Samusoni, naga Jafeza; naga Daudi, naga Samweli, naga Vaporofeti mba.

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

Joshua 19:22

Lwako lwidiira kandi ku Tabori, Shahazumari, na Bezi-shemeshi, niluduuka hamugera gwa Jorodani. Lwali harara na madaala manene komi na sita harara nu tudaala twago twagakumbiriza.

Joshua 19:32

Ikura ye kedonye cha sita yagwira vandu vi hiiri ya Nafutali.

Joshua 19:35

Madaala manene gizingaga zindinyu zia madigi ziali zidimu, Zeri, Hamazi, Rakazi, Kinerezi

Joshua 19:37

Kedeshi, Edirei, Enihazoru,

Joshua 21:32

Kutura mu kivala cha Nafutali vanyoola madaala manene gavaga harara ni vivala viuvwayiru viago. Lilala ku madaala manene yaga liali Kedeshi mu Galilaya iliali lidaala liu vuhaliru. Madaala gandi yago gaali Hamozi Dori, na Karitani.

Vakalagi 4:10

Baraka yalanga zihiiri zia Zabuloni na Nafutali ni vazia Kedeshi, na vandu izielefu likomi vaamulonda. Debora yazia naye.

Vakalagi 5:1

Lidiku liene yilio Debora na Baraka mwana wa Abinoamu vimba ulwimbu yilu:

Vakalagi 6:35

Yatumana kandi avatumwa mu kivala choosi cha Manase navateeva vamulonde. Yatumana avatumwa kandi kuzihiiri zia Asheri, Zabuloni na Nafutali; na vaza kuhambana naye.

Vakalagi 8:18

Maku Gidioni yateeva Zeba na Zalimuna, “Vaali vandu ki avamwita ha Tabori?” Vaativura nivavoora, “Vafana kuli munyi; vuli mulala yafanaa kuli umwana wu mwami.”

1 Samweli 10:3

Ulazizagilira kutura ahene yaho kuduuka lwa uzaa ku musaala mutakatifu ha Taba, aha nuwaagane na vasaza vavaga nivaziizaa kuhaana vihaanwa viavo ku Nyasaye ha Bezeli mulala kuvo naave niyimiliyi vimeme vivaga vie zimburi, na wundi nagingi migadi jivaga na wakavaga naave naveeye niimuuya ye kesero ni yizuuyi iwaini.

1 Samweli 12:11

Na Yahova yatuma Gidioni, Baraka, Yafeza, kandi lwu kumaliriza Samweli. Sa mulala ku kunyi yamuhonyia kutura ku vasigu vinyu kutura ku vuli lovega na munyi mwamenya mumirembe.