Vakalagi 3:8 - KITABU KITAKATIFU

⁸ Yahova yaali nu vutima ovonene ligali na vandu va Isiraeli, ma yamanya naavaleka kuguutwa na Kushani Rishazaimu mwami wa Mesopotamia. Yavamiiha ku mihiga munane.

Vakalagi 3:8 Iomraidhean Croise

Litanga 24:10

Maku mutumikiri waali mulindi wi miandu ja Aburahamu, yavugula zing'amia 10 ziu munene weve, ma nazia Ivaale wa Mesopotamia mu lidaala lia Nahori.

Zaburi 106:41

Yavaleka mu zinguru zia vandu vatamanyi Nyasaye, na avasigu vaavo vamiiha kuvo.

Zaburi 129:1

Sa mulala ku vandu vi ihiiri ya Isiraeli avoole: “Avasigu vange vangubiza kivi ligali kutura mu vwana vwange!

Zaburi 44:12

Ivi umali kuguliza avandu vovo ku mabese makekeeke, na siwenya uvuguli vwi gulu kuvo mba.

Zaburi 6:1

O, Yahova, utang'ondokera mu vutima vuvwo mba; utaamba mageri mu vutima vuvwo vululu mba!

Zaburi 85:3

Ivi umali kolekera kuva nu vutima navo, kandi umali kwigalira uvutima vuvwo vululu.

Kutwula 22:24

na ndava nu vutima nimunyi kandi ndamwitira mu vulwani. Avakali vinyu valagwa avakunzakali na avana vinyu valagwa avavisandu.

Isaya 50:1

Yahova avoora, “Muganaganaa ndakunga avandu vange kuzia ihale, kuli musaza akungaa mukali weve? Eveeye hayi ibarwa ya ndaamukungira? Muganaganaa ndaamuguliza mu kivala chu vutugwa kuli mundu agulizaa avana veve kuli vatugwa? Kandi mwagulizwa kuli avatugwa kigira amahiolo ginyu. Kandi kigira uvwoni vwinyu mama winyu yakungwa.

Kyavalevi 26:17

Ndamugirung'ana kunangwa muguutwi kandi yavo vamudunyira valamwamiiha. Mulatihizwa ligali na muliruka lwa hataveeye ho nu umundu umukunga.

Habakuk 3:7

Ndaalora vandu va Kushani ni vatiiyi, kandi vandu va Midiani nivadegera.

Varumi 7:14

Kumanyi ndi Lilaga liveeye lia Roho, navuzwa inzi mbeeye wi liiva lio muviri, wagerizwa kuli mutugwa ku vwoni.

Kwidzulitsa 29:20

Yahova sialasamiiha mundu kuli uyu. Mu vogono yivwo, vutima vusamba vwa Yahova vulaaka kuye, kandi kivi chi vilaamo viosi viang'odwa mu kitabu yiki vilamugwira kuduuka lwa Yahova asiminya lieta lilie kutura mu lirova yili.

Kwidzulitsa 32:30

Mundu mulala anyala ndi kuguuta avandu elefu ndala? Anoho avandu vaviri vanyara ndi kuguuta avandu zielefu likomi? Yahova Nyasaye wavo umali kuvaleka; Nyasaye wi zinguru wavo umali kuvaleka.

Vakalagi 2:14

Kunangwa Yahova yaali nu vutima ovonene ligali ku Isiraeli, na yavahana mu makono ga vanuuri avavanuula. Yaleka avasigu vaavo vosi ahimbi navo kuvavita ni zinguru, na ndio vandu va Isiraeli vadaka kuli vanyara kwikinga aveene.

Vakalagi 2:20

Kunangwa Yahova yaali nu vutima ovonene na vandu va Isiraeli, nokovoora, “Avandu yava imali kuvunanyia lilagana liange lia ndaalaga vaguuga vaavo. Kigira vavuli kumbulira aga Inzi,

Vakalagi 3:10

Roho wa Yahova yaza kuye, ma naagwa umwimiliri wa vandu va Isiraeli. Ozinieli yazia mu vulwani na Yahova yamuha uvuguuti ku umwami wa Mesopotamia.

Vakalagi 3:7

Avandu va Isiraeli vivilira Yahova Nyasaye wavo; vaakora vwoni imbiri weve, kandi nivasigamira vifananyi via Baali na Ashera.

Vakalagi 3:9

Avandu va Isiraeli vanira Yahova, naye yatuma umundu wamanya navavoholola. Umundu zana yaali Ozinieli, mwana wa Kenazi, amwavo muke wa Kalebu.

Vakalagi 4:9

Debora yativura navoora, “Ligali ndazia harara nivi; nitali uvukumi sivulava harara nivi mulogendo lulwo mba, kigira Yahova alahaana Sisera mu mukono gwu mundu mukali.” Maku Debora yaatanga logendo kuzia na Baraka kuzia Kedeshi.

1 Samweli 12:9

Navuzwa avandu zana vivilira Yahova Nyasaye wavo, naye yaleka avandu va Filisitia, mwami wa Moabu kandi Sisera, uwaali munene wi liihi lielidaala linene lia Hazori, kulwaana na avaguuga vinyu nukuvaguuta.