Vakalagi 3:7 - KITABU KITAKATIFU

⁷ Avandu va Isiraeli vivilira Yahova Nyasaye wavo; vaakora vwoni imbiri weve, kandi nivasigamira vifananyi via Baali na Ashera.

Vakalagi 3:7 Iomraidhean Croise

1 Avami 16:33

Yalomba kandi kifananyi chu munyasaye wikikali Ashera. Yakola vindu vi nyingi ligali kuvuukiza vutima vwa Yahova, Nyasaye wa Isiraeli kuvita vausi vandi vosi vaali imbiri weve.

1 Avami 18:19

Kalunu laga avandu vosi va Isiraeli vaagane ninzi ha kiguru cha Karimeli. Leeta vaporofeti va Baali 450 kandi vaporofeti 400 vumunyasaye wikikali Ashera avakonywa na Jezebeli mukali woovo.”

2 Avami 23:14

Mwami Josia yatanyia zitiru zia magina, mu vidonye, natemanyia vifananyi viu munyasaye wi kikali Ashera, kandi nafuma havundu ha vasingira ni vigumba via vandu vakuza.

2 Avami 23:6

Yaatuliza mu Litembeli kifananyi chu munyasaye wi kikali Ashera, nakituliza ichova wi lidaala linene kuduuka mu livona lia Keduroni, naakisaamba, naduya ligoke liacho kuduuka ni kigwa uluguchi; kandi na kisalanyia hoosi mu mulimi gwi vilindwa.

2 Kyetsinyinga 15:16

Mwami Asa yaatuliza guuku weve Maaka kutura mu vwiyangu vwivwe kuli vwami vwi kikali, kigira yaali naalombi kifananyi chu kuvihiliriza chu munyasaye Ashera. Mwami Asa yononyia kifananyi yicho ligali ma nasambira vidonye viacho mu livona lia Kidironi.

2 Kyetsinyinga 24:18

Maku avandu valekera kusigamira Yahova mu Litembeli lia Yahova, Nyasaye wa vaguuga vaavo, ma nivatanga kusigamira vifananyi viu munyasaye mukali Ashera. Na uvutima vwa Yahova vwaduuka mu Ivuyuda na Jerusalemi kigira uvwoni vwavo.

2 Kyetsinyinga 33:19

Lisaala liu mwami na mativuli ga Nyasaye kulio, kandi livaala liu vwoni vwa yakola nakikiri kwiganira, uvudamanu vwa yakola, havundu hukusigamira misambwa nivifananyi viu munyasaye wikikali Ashera ivia yalomba kandi ni misambwa ja yasigamira viosi viang'odwa mu vitabu via makuva ga kale ga Avaporofeti.

2 Kyetsinyinga 33:3

Yumbaka vuhia havundu hukusigamira misambwa aha baba weve Hezekia yaali niyasambula. Yumbaka kandi uvwali mu Litembeli kigira lisigamira lia Baali, kandi nalomba vifananyi viu munyasaye wikikali Ashera; kandi nasigamira zing'ereng'ani.

2 Kyetsinyinga 34:3

Mu muhiga gwa munane lwa Josia yaali mwami, lwa yaali nakikiri muyaayi yaatanga kusigamira Nyasaye wa guuga weve mwami Daudi. Inyima wi mihiga jine, yaatanga kwononyia havundu hu kusigamira misambwa, vifananyi viu munyasaye wi kikali Ashera, kandi ni vifananyi vindi viosi.

2 Kyetsinyinga 34:7

Mu kivala choosi cha Ivaale wa Isiraeli, yasambula uvwali kandi niyononya vifananyi viu munyasaye Ashera, nashonoranyia vifananyi viosi vigwa luguchi, kandi yavunanya uvwali vwosi vwi vimuli nivigwa vidonye. Lwa yaali ni yakakola yaga goosi, yirana Jerusalemi.

Zaburi 106:35

Navuzwa valetana, kandi niviyigiza kokora miima jaavo.

Zaburi 106:36

Avandu va Nyasaye vaasigamira vifananyi via vanyasaye vaavo, navio viagwa mitego jukuvadiviza.

Zaburi 106:7

Avaguuga viitu sivamanyiriza vikolwa viokogenya via Nyasaye mu kivala cha Egebeti mba. Vivilira zing'inga zinyingi lwa yavamanyia uvuyanzi vwivwe; kandi vibaara ku Wuvunyali ha Inyanza Nzakanyu.

Kutwula 34:13

Mu vogono yivwo, muvunanyie uvwali vwavo, nukusambula minaara mitakatifu jaavo, nokotemanyia vifananyi viu munyasaye wikikali wavo Ashera.

Jeremia 23:27

Vaganagana ndi amalooto gavavora galakola avandu vange vanziviliri, kuli avaguuga vaavo vanzivilira kandi nivagirung'ana vazia ku Baali.

Kwidzulitsa 16:21

“Lwa mulombera Yahova Nyasaye winyu uvwali mutaviiki kifananyi chu musaala chu munyasaye wikikali Ashera ahimbi navwo mba.

Kwidzulitsa 4:9

Mwilindi ligali munyi aveene, muvuli kwivilira ing'inga yoosi ya muveeye mwoyo viamumali kolola. Muvoolere avana vinyu kandi aviisukulu vinyu

Kwidzulitsa 8:11

“Muhenze vulahi kase mulivilira Yahova Nyasaye winyu; mutivilira kuhulira malago geege, agamuheezaa kalunu mba.

Kwidzulitsa 8:14

maku mulole ndi muvuli kwigingira, ma mwiviliri Yahova Nyasaye winyu uwamuleta kutura Egebeti uwamwaali avatugwa.

Kwidzulitsa 8:18

Mwizurizi ndi Yahova Nyasaye winyu niyie umuhezaa zinguru ziukuva avatugi. Akolaa ndio kigira akikiri vuzwa musuuvirifu kalunu ku lilagana lia yalomba na avaguuga vinyu.

Vakalagi 3:12

Avandu va Isiraeli vaakora vwoni imbiri wa yahova kandi. Kigira yaga, yahova yakola Egiloni umwami wa Moabu kuva ni zinguru kuvita Isiraeli.

Vakalagi 3:8

Yahova yaali nu vutima ovonene ligali na vandu va Isiraeli, ma yamanya naavaleka kuguutwa na Kushani Rishazaimu mwami wa Mesopotamia. Yavamiiha ku mihiga munane.

Vakalagi 6:25

Uvudiku yivwo Yahova yavolera Gidioni, “Vugula ijiriki ya baba woovo, ijiriki yakaviri eveeye ni mihiga saba, ma usambuli uvwali vwa Baali, uvwa baba woovo aveeye navwo, na otemagiri hasi munyasaye Ashera, wikikali ahimbi nu vwali zana;

Vakalagi 8:33

Kunangwa lwa Gidioni yaali niyakakuza, avandu va Isiraeli valeka Yahova, nivasigamira vanyasaye va Baali; nivalomba Baali wi lilagana kuva munyasaye wavo.

Vakalagi 8:34

Avandu va Isiraeli vivilira Yahova Nyasaye wavo uwaali niyaavahonyia kutura vasigu vaavo vosi kutura mu zimbega ziosi.

1 Samweli 12:10

Ahene yaho, vanira ku Yahova avakonye nivavoora, ‘Kunyi kwayona kigira kwagirung'ana nikutula ku ivi, Yahova, kandi nikusigamira vifananyi via Baali na Asitarite. Mwaza akohonyie kutura ku vasigu viitu, na kunyi kulakusigamira!’

1 Samweli 12:9

Navuzwa avandu zana vivilira Yahova Nyasaye wavo, naye yaleka avandu va Filisitia, mwami wa Moabu kandi Sisera, uwaali munene wi liihi lielidaala linene lia Hazori, kulwaana na avaguuga vinyu nukuvaguuta.