Vakalagi 17:4 - KITABU KITAKATIFU

⁴ Lwa yiranyira mama weve amabese, mama weve yavugula vidonye mia mbiri vie ifeza, nahaana ku muturi wi vivia naye nalomba kifananyi chukuvazwa ni kivakwa ifeza. Kifananyi zana chaviikwa mu nyumba ya Mika.

Vakalagi 17:4 Iomraidhean Croise

Isaya 30:22

Maku mulavugula vifananyi vienyu iviavakwa ku ifeza, kandi vifananyi viavakwa izahabu, ma muvisiuve ihale ligali kuli kindu kifunyi na muvoore, “Tuli muzimoni ziange!”

Isaya 44:13

Umuvazi agelaa lubaho numugoye. Akekolaa umufano gwi kindu cha yenya kuvaaza, ma akivaaza ni viju vivie nokokelomba mu lifana liu mundu, mu lifana liu mundu mulahi wukuyaanziza ma akiviika munyumba yeye.

Habakuk 2:18

Kifananyi keveeye navokonyi ki? Yiki ni kindu chalombwa nu mundu kandi sikikovoolera kindu mba, nitali kivoola vovehi. Kifananyi yiki kevoolera ki mulombi wa cho aduuki kukisuuvira? Aveeye munyasaye utamolomaa!

Kwidzulitsa 27:15

“ ‘Alaamwe mundu olomba kifananyi chavazwa anoho kutulwa, ikindu keveeye chu kuvihiliriza ku Yahova, miyinzi ja makono gu musiza, na akisingirizi muvwivisu, akisigamiri’ “Kandi avandu vosi valavoora, ‘Amini!’

Vakalagi 17:3

Yiranyia amabese zana ku mama weve, na mama weve yavoola, “Kwigalira ikilaamo kivuli kolonda muyaayi wange, kuduuka Inzi mwene mbane amabese yaga ku Yahova. Na galatumika kolomba kifananyi chukuvazwa ni chavakwa ifeza. Kalunu ndakwiranyira vidonye vie ifeza yeyo.”

Vakalagi 17:5

Mika yaali na havundu hehe hayazizaa kusigamira vifananyi. Yalomba vifananyi viukusigamira kandi kisifao kumuvolera aganyala kwekoleka mu madiku gimbiri, ma natovora mulala ku vayaayi veve kuva umusaalisi weve.

Vakalagi 18:17

Avatunyirizi vatano yava viingira munyumba nivavugura kifananyi chifeza harara ni kisibao lwu umusaalisi yaali ha kirivwa na vasikari miasita vu vulwani.