Vakalagi 13:7 - KITABU KITAKATIFU

⁷ Navuzwa amboleeye ndi ndaheriza nukwiivura umwana muyaayi. Amboleeye mburi kunwa iwaini anoho amalwa kandi mburi kulia ichukulia chagaywa, kigira umwana zana alaviikwa halovega mu vutumiki vwa Nyasaye kuli Munaziriti kutura munda kuduuka lidiku lialikuza.”

Vakalagi 13:7 Iomraidhean Croise

Jeremia 35:6

Navuzwa vaativura, “Kunwezaku iwaini mba. Jonadabu mwana wa Rekabu, baba wiitu yakulaga navoora, ‘Munyi anoho mutanwa iwaini, munyi avana vinyu mutakanywi iwaini mulimenyalinyu liosi mba;

Amosi 2:11

Ndaatovora valala ku avayaayi vinyu vave avaporofeti, kandi valala ku vasoleri vinyu kuva Avanaziri. Yaga sigaveeye agiligali, O, munye, avandu va Isiraeli?”

Livalidza 6:2

Kuhaana malago yaga ku vandu va Isiraeli. Musaza woosi noho mukali woosi wisuhaa kuva mulala ku vandu va Naziriti, kandi yihaane mwene ku Yahova,

Vakalagi 13:4

Wilindi na utanwa iwaini anoho amalwa, anoho kulia ichukulia chagaywa mba;

Vakalagi 13:6

Maku umukali uyu yazia navolera umusaza weve, “Umundu wa Nyasaye yaazi kuinzi, na yaali wukutihiza ligali, naaloleka kuli engelosi wa Nyasaye. Inzi simuteevi watuli mba, naye siamboleye ilieta lilie mba.

Vakalagi 13:8

Manoa yasaala ku Yahova, navoora, “O, Yahova vugilira umundu wa Nyasaye wautumi yaaze kandi kukunyi aduuki ku kovoolera cha kulakakole lwu umwana muyayi alivulwa.”