Vahebraina 9:7 - KITABU KITAKATIFU

⁷ navuzwa Musaalisi Munene yenyine niyie yingiraa mu Lihema liakaviri liu mugati. Yakola ndio ing'inga ndala vuzwa ku muhiga. Yingiraa mu na masahi, aga yahaana ku Nyasaye kigira oyo mwene, kandi kigira vwoni vwa vandu vaakora vugira kumanya.

Vahebraina 9:7 Iomraidhean Croise

2 Samweli 6:7

Nonoho, Yahova Nyasaye yasinyikira Uza kandi namwiita kigira yaadira Lisandugu lie Lilagana. Uza yakuzira himbi ni Lisandugu Lilagana.

2 Kyetsinyinga 33:9

Manase yaachaminya avandu vi Ivuyuda kandi avaamenya mu Jerusalemi okokora vwoni vonene kali kuvita uvwakolwa ni zihiiri zia Yahova yadiviza imbiri wavo.

Zaburi 19:12

Si haali numulala unyala kolola mahiolo geege umwene; O, Yahova Ombonyie, kutura mu mahiolo giivisi!

Zaburi 95:10

Avandu yavo vaambihiliriza ku mihiga arubaini. Ndavoora, ‘Vaveeye avandu vataveeye avasuuvirifu! Vasuura kuhulira malago gange.’

Kutwula 30:10

Haruni alakola muruka gwu kutakasa uvwali ku liviika ku zinziga zine, amasahi ginyama yahaanwa kuli kisiuviriru chu vwoni vuli lulala ku muhiga. Yiki kilakolwa vuli muhiga ku zing'inga ziosi ziza. Uvwali yivu vulava vutakatifu ligali, uvwatakaswa kigira inzi, Yahova.”

Isaya 28:7

Kali vaporofeti navasaalisi vaveeye vahambiku ligali kali vagenda nivayekayeka vanweeye iwaini namalwa malulu kali vikigitara mugoyana. Avaporofeti vaveeye vahambiku ligali kali sivanyala kumanyiriza malola ga Nyasaye atumaa mba, na vasaalisi navo kandi vaveeye vahambiku ligali kali sivanyala kukalaga viyaalo viletwaa kuvo mba.

Isaya 29:14

Kunangwa ndagosa avandu yava na maduywa galondekanaa vugira yavo kumanya. Yavo avaveeye vageri valagirung'ana kuva avasiru, na ovogeri vwavo vwosi vulava uvutakoonya kindu kali hakuzu.”

Isaya 3:12

Avayaayi vadambiza avandu vange, avakali vavamihaa. O, avandu vange aviimiliri vinyu vamuchaminya kutura kunzira inungi.

Isaya 9:16

Yavo avimiliraa avandu yava vamali kuvachaminya kandi kuvagoyanyia ligali muno.

Hosea 4:12

Vatevaa zing'anagani kutura ku kifananyi chumusaala! Kisala kivavoleraa icha venya kumanya! Vamali kondeka. Kuli mukali ugwizaa mulaya, vamali kwihana aveene ku avanyasaye vandi.

Kyavalevi 16:34

Malago yaga galakolwa lulala vuli muhiga kutakasa avandu va Isiraeli kutura muvwoni vwavo vwosi. Kunangwa, Musa yakola kuli Yahova yamulaga.

Kyavalevi 5:18

Gamuduukira aleete ku musaalisi ligondi limigu anoho imburi vugira imbara. Gaduukanaa vuguli vwayo vumanyekane kolondekana na malago gaviikwaho. Musaalisi alamulombera kisiuviriru chukwogiza uvwoni vwivwe vwa yakola natamanyi na alasaamifwa.

Amosi 2:14

Kali avanyaguli avizimbiru ligali sivalahononoka mba. Vasaza vizingulu valagotiza zinguru ziavo, na vasikari sivalanyala kuhonyia livamwoyo liavo vene.

Livalidza 15:25

Musaalisi alakola muluka gwu kukunika vwoni vwa vandu va Isiraeli. Valasamifwa, kigira gaali mahiolo ga vaakora vugira kumanya, kandi vamali koleta vihaanwa viavo viu vwoni, kandi vihaanwa viu kusambwa imbiri wa Yahova.

Vafeso 4:18

avovogeri ni limanya liavo viveeye mu kisundi. Sivaveeye ni lisanga mu livamwoyo lia Nyasaye ahaanaa mba; kigira livula kumanya kandi kuva ni mioyo midinyu.

Vahebraina 10:3

Navuzwa visiuviliru yivi vihaanwa vuli muhiga kwizuliza avandu vwoni vwavo.

Vahebraina 6:19

Koveeye ni lisuuvirizwa yili kuli itiiru yi mioyo jietu. Lisuuvirizwa lizizaa kuduuka ku vwali inyima wisuka yi Litembeli liu mwigulu.

Vahebraina 7:27

Siaveeye kuli avasaalisi vanene vandi mba; siyenyekaa ahaane visiuviliru kigira uvwoni vwivwe mwene kutanga, ma kandi kigira uvwoni vwa vandu mba. Yakola yaga lwa yahaana kisiuviriru kilala, lulala vuzwa kigira viosi, lwa yihaana mwene.

Vahebraina 9:3

Inyima wi Isuuka yu kukinga ya kaviri haali ni Lihema lialangwa Hatakatifu Ligali.