Vahebraina 9:26 - KITABU KITAKATIFU

²⁶ galava ndio, ngano Kristo yaali yakasaliyi haali kanyingi kutura lirova nililombwa. Mu vogono yivwo kalunu lwi zing'inga ziesunda ko keheri, umali kololeka lulala vuzwa kandi lwu kumaliriza, kutuliza vwoni kuvitira mu liehaana mwene kuli kisiuviriru.

Vahebraina 9:26 Iomraidhean Croise

2 Samweli 12:13

Daudi yavolera Nazani, “Mali kwonera Yahova.” Nazani yativura, “Yahova ukusamihi; si ulakuza mba.

2 Samweli 24:10

Navuzwa inyima wa Daudi yaali niyakamara livaliza, zing'anagani ziu mumwoyo gwigwe ziatanga limukubiza kivi kandi yavolera Yahova, “Mali kokora uvwoni vudamanu ligali, mu likora kindu yiki. Mwaza usamihi. Mali kokora vusiru.”

Ayubu 7:21

Kigira ki uvuli kusamiiha mahiolo gange? Kandi kigira ki uvuli kutuliza ho uvudamanu vwange vwosi? Kalunu inzi ndakuza, na ulanyenya ligali, navuzwa siulandola kandi mba.

Zaburi 103:12

Yahova atulizaaho uvwoni vwitu nu kuvuhira ihale ligali, kuli Ivugwi eveeye ihale kutura imadioli.

Isaya 2:2

Mu madiku gaaza, kukigulu kwi Litembeli lia Yahova liumbakwa kilava igulu ligali kuvita vigulu vindi viosi. Na zihiiri zinyingi valagenda kuzia kucho.

Danyeli 10:14

Mali kuduuka kunangwa ivi uduuki kumanya agazizaa kwekoleka ku vandu vovo mu madiku gaaza.” Yaga namalola kigira makuva gaaza.

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Mika 4:1

Mu madiku gaaza mukigulu chi Litembeli liumbakwa, kilakave kiguru kitambi ligali kuvita vigulu vindi viosi. Zihiiri zinyingi zilangunyana kuzia mu kiguru yiki,

Matayo 13:39

Musigu wamiiza mavanze ni Setani. Ligesa liveeye keheri chi lirova, na avagesi ni zingelosi.

Matayo 13:40

Kuli mavanze gavungizangwa harara ma gasambwa nu muliru, galava ndio mu keheri chi ing'inga yiyi.

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Yohana 1:29

Lidiku lialonda ku, Yohana yalora Yeso niyazaa kuye, kandi yavoola, “Henza, uyu niye Mwana wi ligondi wa Nyasaye utuliza vwoni vwa avumukivala!

Yohana 17:24

“Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

1 Vakorintho 10:11

Kunangwa vindu yivi viosi viekoleka kuvo niviva kuli chukwiganihiza ku kunyi. Kunyi komenyi mu ing'inga lwi keheri keveeye ahimbi kuduuka.

Vagalatia 4:1

Kunangwa icha mboraa ni yiki mwana ulinyoola miandu ja baba weve akolelwa vuzwa kuli aveeye mutugwa lwa akikiri mwana, kali vindu viosi ni viveeye vivie.

Vafeso 1:10

Lilohiza yili, Nyasaye alakatwekiza lwi ing'inga indahi ilakaduuki. Alakavungizi vindu viosi harara, vindu viomuligulu kandi vindu viomulirova, na Kristo alakave mutwi gwavio.

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 1:2

Navuzwa mu madiku gu kumaliriza yaga umali kovolerana ni kunyi kuvitira mu Mwana weve wayatovola kuva mwene vindu viosi mu limalirika, kandi kuvitira muye yalomba ligulu ni lirova.

Vahebraina 10:10

Yeso Kristo yatwekiza vulariri vwa Nyasaye yenya akole, kunyi kwosi kutakasiywi kutura muvwoni vwitu ku kihanwa cha yihaana chu muviri gwigwe mwene lulala kandi lwokoheleriza.

Vahebraina 10:12

Navuzwa Kristo yahaana kisiuviriru kilala kigira vwoni, kisiuviriru kiduukanaa mihiga ni mihiga, kandi niyikara ha mukono mulungi gwa Nyasaye.

Vahebraina 10:26

Niiva kotovola kokora uvwoni inyima wi limanya agiligali, sihaveeyeho ni kisiuviriru chatigara kutuliza vwoni mba.

Vahebraina 10:4

Amasahi gi zigiriki na agi zimburi siganyala kutulizaho uvwoni mba.

Vahebraina 4:3

Kunyi avakumali kusuuvira, konyoora vosoosi zana yivwo, vwa Nyasaye yasuuviriza. Gaveeye kuli yavoola, “Ndaali nu vutima ma ninomba lisuuviriza lie liesuuha ndi, ‘Sivalakingiri mu kivala cha ndakavaheye vosoosi vwange mba!’ ” Yavoola yaga kali niiva miyinzi jije jaali nijatwekizwa kutura lwa yalomba lirova.

Vahebraina 7:27

Siaveeye kuli avasaalisi vanene vandi mba; siyenyekaa ahaane visiuviliru kigira uvwoni vwivwe mwene kutanga, ma kandi kigira uvwoni vwa vandu mba. Yakola yaga lwa yahaana kisiuviriru kilala, lulala vuzwa kigira viosi, lwa yihaana mwene.

Vahebraina 9:12

Lwa Kristo yavitira mu lihema kandi niyingira, kuduuka Hatakatifu ligali lulala kandi lwokoheleriza, siyavugula masahi gi zimburi na gi zigiriki kugahaana kuli visiuviliru mba; navuzwa, yavugula masahi geege mwene kandi umali konyolera kunyi ovohonyi vwi mihiga ni mihiga.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

1 Petro 1:20

Yatovolwa na Nyasaye ing'inga yi lirova liali ni likikiri kolombwa kandi yalolekizwa mu madiku gukumaliriza yaga kigira munyi.

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.

1 Petro 3:18

Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho,

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

1 Yohana 3:5

Mwamanya Kristo yaloleka aduuki kutulizaho uvwoni vwitu; kandi uvwoni sivoveeye muye mba.

1 Yohana 3:8

Navuzwa uzizagilira kokora uvwoni aveeye wa Setani, kigira Setani yamalakokola uvwoni kutura mu litanga liene. Kivuni chagira umwana wa Nyasaye niyazaa mu lirova, keveeye ndi aduuki kudiviza miyinzi ja Setani.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

Likunula 17:8

Iking'ang'a cha walola kila chaali mwoyo maziambiri, navuzwa sikeveeye mwoyo kalunu mba. Kandi keveeye ahimbi kutura mu gehena, navuzwa kiladuuka mu lidivizwa. Avandu vamenya ku lirova, ava amita gaavo gatang'odwa mu kitabu chi livamwoyo, lirova nilikikiri kolombwa, valagenya muno ulwa valora king'ang'a yicho chaali mwoyo lulala ulwimbiri na kalunu sikeveeye mwoyo mba. Navuzwa kilaloleka kandi.