Vahebraina 9:22 - KITABU KITAKATIFU

²² Kolondekana ni Lilaga, ahimbi vindu viosi vitakaswa na masahi, kandi uvwoni vusamiifwa vuzwa niiva masahi gasunduliywi.

Vahebraina 9:22 Iomraidhean Croise

Ezekieli 43:18

Yahova Wuvunyali yambolera, “Mwana wu Mundu, huliriza ku agangovoolera. Lwu uvwali vuva ni vwakumbakwa, uvutakase mulisamba visiuviliru kuvwo kandi nukwuha amasahi gi zinyama ziahaanwa kuva kisiuviriru.

Kyavalevi 14:14

Musaalisi alavugula ku masahi ge kememe chi ligondi ekeveeye kihanwa chu uvwoni nu kugavaka ku gutu gwu mukono mulungi, nokokedete kenene chu mukono mulungi, nokokeno kenene chekerenge kilungi cha mundu wenya kulandizwa kuva mutakase.

Kyavalevi 14:25

Musaalisi alasinza kememe na vuguli malala ku masahi zana agavake ku gutu gwu mukono mulungi gwu mundu oyo, nokukedete kenene chu mukono gwigwe mulungi nokokeno kenene chekerenge kilungi.

Kyavalevi 14:6

Alavugula linyonyi litigaye mwoyo, nukuliina, harara nulubaho lwu mudaragwa, nuluvusi lwakanyu, nuluvinu, mu masahi gi linyonyi lisinziywi.

Kyavalevi 17:11

Livamwoyo lia vuli kelombe liveeye mu masahi, na yiki nicho chagira Yahova nalaga ndi amasahi goosi gasundulwi ku uvwali kutulizaho uvwoni vwa avandu. Amasahi gaveeye livamwoyo, gakunikaa uvwoni.

Kyavalevi 4:20

Musaalisi munene oyo alakola ku igiriki yiyi kuli akolaa ku igiriki yi kihanwa chu uvwoni. Munzira yiyi, musaalisi alahaana kisiuviriru chu vwoni vwavo, na avandu yavo valasamifwa.

Kyavalevi 4:26

Maku, alasamba itinya yayo yoosi ku uvwali, kuli akolaa ku itinya yi kihanwa chi mirembe. Munzira yiyi, musaalisi alahaana kisiuviriru chu uvwoni vwu mwami naye alasaamifwa.

Kyavalevi 4:35

Maku alatuliza mu itinya yayo yoosi, itinya itulizwa mu ligondi lisinziywi kigira kihanwa chi mirembe. Musaalisi alagisaamba harara ni vihaanwa vie viukulia vihaanwa ku Yahova. Nandio musaalisi alahaana kisiuviriru chu uvwoni vwu mundu kandi naye alasaamifwa.

Kyavalevi 5:10

Maku alahaana linyonyi lia kaviri kuli kihanwa chu kusambwa kolondekana na malago. Munzira yiyi, musaalisi alahaana kisiuviriru chukwogiza vwoni vwu mundu oyo, naye alasaamifwa.

Kyavalevi 5:11

Niiva mundu sialanyaliza koleta makuulu gaviri matugi anoho makuulu gaviri gu muvulimu alaleeta ikilo ndala yuvusie kuli kihanwa chu uvwoni. Sialazuganyia na maguta ga muzeituni anoho kimuli mba, kigira keveeye kihanwa chu uvwoni. Sikeveeye kihanwa chu vuswage mba.

Kyavalevi 5:12

Alavoleeta ku musaalisi umanya avuguli luhi lulala kuvwo kuli kihanwa kihaaniywi ku Yahova, na alavusambira ku vwali kuli kihanwa chi viukulia. Yiki keveeye kihanwa chu kutuliza vwoni.

Kyavalevi 5:18

Gamuduukira aleete ku musaalisi ligondi limigu anoho imburi vugira imbara. Gaduukanaa vuguli vwayo vumanyekane kolondekana na malago gaviikwaho. Musaalisi alamulombera kisiuviriru chukwogiza uvwoni vwivwe vwa yakola natamanyi na alasaamifwa.

Kyavalevi 6:7

Musaalisi alahaana ku Yahova kisiuviriru zana kigira uvwoni vwu mundu oyo kandi alasaamifwa.