Vahebraina 9:2 - KITABU KITAKATIFU

² Lihema liumbakwa liali niving'oze viviri. Mu keng'oze chukutanga chaali na havundu ichova chalangwa Havundu Hatakatifu. Mu keng'oze yicho, mwaali mu ni kinaara kandi emesa numugadi Mutakatifu.

Vahebraina 9:2 Iomraidhean Croise

Kutwula 25:23

“Olombe emesa kutura ku zimbaho zie kikuma, yu vutambi vwi zisendimita 88, nuvuvambalaru vwi zisendimita 44, nu uvutambi vwukuzia igulu vove zisendimita 66.

Kutwula 25:30

Uviiki mugadi mutakatifu komesa na ugiviki imbiri wilisandugu lie lilagana, na komesa yiku koveku kazozo nu mugadi mutakatifu guhaaniywi ku inzi.

Kutwula 25:31

“Olombe kandi kinaara chitaaya chizahabu indahi ligali. Olombe uvwikaliru vwacho nikigutu chacho vive muyinzi gwu muturi, vikombe viacho, matu gacho vimuli viacho, viosi vive kedonye kilala.

Kutwula 26:1

“Olombe mugati mwi Lihema litakatifu liukuvuganira mu, Lihema liukwaganira mu ninzi, kutura ku vidonye likomi vie katani indahi, vianavwa kutura ku vwoya vwirangi ya bulu, muzambarao kandi inzakanyu. Uviiki ku amangirinya ga vakerubi.

Kutwula 26:33

Usuungi inguvu yukukinga zana yiyi isi wi vigumiliru viveeye mu kesegese chi Lihema; kandi inyima wi inguvu yukukinga. Viika yo Lisandugu lie Lilagana iliveeye mu ni vibaho via magina. Inguvu yukinga zana yeyo ilava chukwavukanyia hagati ha Havundu Hatakatifu na Huvutakatifu hu vutakatifu ligali.

Kutwula 26:35

Ichova wa havundu Hatakatifu hu Vutakatifu, uviiki ho emesa kolovega lwi Ivaale wi Lihema nikinaara chitaaya kolovega lwisavalu.

Kutwula 29:1

“Yiki nicho cha udukana kokora kutakasa Haruni na vayaayi veve kuvakola kuva avasaalisi, vaduuki kundumikira. Uvuguli ekemoli chi giriki harara na magondi mamigu gaviri vugira imbara.

Kutwula 29:35

“Okole miruka ju kutakasa Haruni na vayaayi veve ku madiku saba kuli mali kukulaga.

Kutwula 40:2

“Lidiku liu kutanga liu mweli gwu kutanga iliumbaka Lihema liukuvuganira mu na Yahova.”

Kutwula 40:4

Oleeta mu emesa kandi uviiki ku viju zana. Yingiriza mu kandi kinaara chitaaya, kandi uhambizi zitaya ziacho.

Matayo 12:4

Daudi yingira mu nyumba ya Nyasaye harara na avache veve, ni valia imilaango ji migadi mitakatifu. Sigamuduukira oyo anoho avache veve kulia migadi yiji nivataveeye avasaalisi mba.

Matayo 5:15

Anoho avandu sivahambizaa itaya ma vagikunikira mu kihinda, navuzwa vagiviikaa komesa iduuki kumulika ku vosi avaveeye munyumba.

Vahebraina 9:25

Musaalisi Munene wa Vayuda yingiraa Havundu Hatakatifu ligali vuli muhiga na masahi gi zinyama. Navuzwa Kristo siyingira mu, ukwihaana mwene haali kanyingi mba;