Vahebraina 9:14 - KITABU KITAKATIFU

¹⁴ Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

Vahebraina 9:14 Iomraidhean Croise

2 Samweli 4:11

Vulava vudamanu ligali kuli ndi, ku avandu vadamanu avamali ku rumindaa mundu mulungi naagoni ku kidali munyumba yeeye mwene! Inzi ndavanza kisaalia ku munyi kalunu kigira limwita kandi ndamweeya muturi mumoni mwi lirova!”

2 Avami 19:16

Kalunu, O, Yahova, henza ku agekolekaa ku kunyi. Hulira ivindu yivi viosi viu mwami Senakeribu avoora kokonyega ivi, Nyasaye oveeye mwoyo.

Ayubu 15:16

Mundu akolaa vudamanu kuli anwezaa amazi, yee, uyu aveeye wu kuvihiliriza nu vudamanu, kandi siaveeye okonyaa kindu mba.

Zaburi 51:2

Onzogize uvudamanu ligali, na undakase kutura muvwoni vwange.

Kutwula 12:5

Munyala kotovola ligondi anoho imburi, navuzwa kuduuka eve neveeye muhiga mulala vuzwa kandi isaza itaveeye nimbala.

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 53:9

Yateevwa mu kilindwa harara na vandu vadamanu. Mu likuza lilie, yayavirwa harara na vatugi, kali niyavula kuvunaga malago ku goosi anoho kovora likuva liovovehi.”

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Ezekieli 45:18

Yahova Wuvunyali yavoola, “Ku lidiku liu kutanga mu mweli gwu kutanga mulahaana kemoli kigiriki kitaveeye ni mbala na mutakase Litembeli.

Danyeli 6:26

Mbana malago ndi mu vwamihi vwange vwosi vuli mundu gamuduukira atie kandi ahaane luyali ku Nyasaye wa Danieli. Aveeye Nyasaye oveeye mwoyo, kandi alamiiha mihiga ni mihiga. Vwamihi vwivwe si vuladivizwa mba, kandi zinguru zizie si zilahera mba.

Kyavalevi 22:20

Niiva mulahaana mutugu gwosi ogoveeye nimbala, Yahova sialaguvugilira mba.

Livalidza 28:11

Valeete ku Yahova kihanwa chu kusambwa vuli lidiku liu kutanga ku vuli mweli: Vimoli vigiriki viviri, limigu lilala, vimeme vimigu saba vio muhiga mulala, viosi vitaveeye nimbara

Livalidza 28:3

Yivi ni vihaanwa vie viukulia vienyeka viletelwe Yahova: Ku vihaanwa viu kusambwa vuli lidiku: vimeme vimigu viviri viu muhiga mulala vitaveeye ni mbala.

Livalidza 28:9

Ku Lidiku lie Lisabato vahane vimeme vimigu 2 viu muhiga mulala vitaveeye ni mbala, vusie zikiloguramu ziviri vuzuganyiywimu na maguta ga muzeituni kuli kihanwa chu vuswage, kandi kihanwa chiwaini.

Matayo 12:28

Navuzwa inzi niimba ni ngungaa amademoni kuzinguru zia Roho wa Nyasaye, kunangwa mumanye ndi uvwami vwa Nyasaye vumali kuduuka ku munyi.

Matayo 16:16

Simoni Petero yativura, “Ivi oveeye Mesia Umwana wa Nyasaye oveeye mwoyo.”

Matayo 20:28

kuli Umwana wa Adamu, siyaaza kutumikirwa, navuzwa kutumika nu kuhaana livamwoyo lilie kohonyia avandu vanyingi.”

Matayo 7:11

Niiva munyi, kali ni muveeye avadamanu, mumanyi kuhaana ku avana vinyu ivindu vilahi, Baba winyu oveeye mwigulu sialakira kuhaana ivindu vilahi ligali ku yavo vosi avateevaa kutura kuye!

Luka 1:74

kokosola kutura ku avasigu viitu, kuduuki kumutumikira vugira vuti,

Luka 12:24

Heenzi amajikoro, sigatagaa vuguza, anoho sigaveeye nichage choosi mba. Kali ndio Nyasaye agalihizaa. Nasindi munyi, si muveeye avuvuguli kuvita amanyonyi mba!

Luka 12:28

Niiva Nyasaye vulahi vunyasi vwumu mulimi oveeye mwoyo mu mulimi, kalunu na mugamba vulaswamumuliru, sialakola vulahi ligali ku munyi? Munyi avandu vaveeye nilisuvira likekeeke!

Luka 4:18

“Roho wu Mwami aveeye ku inzi, kigira umbaki maguta kwilwazira avadaka Makuva Malahi ga Nyasaye. Yaanduma kulandizira avavofa ndi valanyora livoholorwa liavo, avavoku valanyora lilora kandi kovoholora yavo avadambizwa.

Yohana 3:34

Uyu wa Nyasaye yatuma amolomaa amakuva ga Nyasaye, kigira Nyasaye amuhezaa uvudukiru vwa Roho weve vugira kegero.

Vikolwa 1:2

kuduuka ku lidiku lia yavugurwa kuzia mwigulu. Kuvugulwa, yahaana amalago mu zinguru zia Roho Mutakatifu ku avatumwa va yaali natovoye.

Vikolwa 10:38

Mumanyi Yeso wa Nazareti, na kuli Nyasaye yamutovola ku limuha Roho Mutakatifu ni zinguru. Nyasaye yaali harara naye; yavodong'ana hoosi nakora amalahi no kohonyia vosi avi lidemoni liaali ni liavoha.

Vikolwa 14:15

“Avandu munyi, kigira ki mukoraa vindu yivi? Kunyi kandi koveeye avandu kuli munyi. Koveeye hano kumwilwaazira Ivangeri ya Nyasaye, kunangwa muduuki koleka visiuvililu via vuzwa yivi, mwirane ku Nyasaye oveeye mwoyo, Nyasaye walomba ligulu ni lirova, kandi inyanza, nivindu viosi viveeye mu.

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

Varumi 1:20

Kali kutura ing'inga ya Nyasaye yalomba lirova, liiva lilie litalolekaa ni zimoni, liveeye zinguru zizie zie mihiga ni mihiga, kandi liiva liuvunyasaye vwivwe, vumali kololeka vulahi ligali. Avandu vanyara kumanya makuva yaga kuturana ni vindu via Nyasaye yalomba. Ku lwa yago, sivaveeye ni chavativula mu liekinga liavo mba!

Varumi 1:4

ku liiva liu vutakatifu vwu vunyasaye vwivwe, Yeso Kristo yalolekizwa ni zinguru zinene kuva Mwana wa Nyasaye kulwo kusimugukizwa kutura mu vakuzu.

Varumi 11:12

Vwoni vwa Vayuda vwaleeta uvutugi vwu vugasu ku lirova liosi, kandi ovogeheru vwavo vwaleeta vugasu vunyingi ligali ku vandu vizihiiri. Kulwayago, vulava vugasu vonene ki ligali lwa vandu vosi vi Vuyuda valiviikwa harara!

Varumi 11:24

Munyi vandu vizihiiri, muveeye kuli ulusia lwa muzeituni lwu mu mulitu ugwatemwa navuzwa litaveeye lilahi mwahambanywa ku muzeituni mulahi gwu mu mulimi, havundu hataali ahinyu. Avayuda vaveeye kuli iziisia ziakale zia muzeituni gwasembelerwa yigu; na vulava vodoto ku Nyasaye kuhambanyia iziisia ziavunika yizi ku musaala gwa gwo gwene kandi.

Varumi 6:13

Anoho mutaleki kali kevero kilala chi miviri jinyu kuva kiju cho kokora vudamanu nuvwoni mba. Navuzwa mwihaane ku Nyasaye kuli vandu vasimugukizwa kutura mu vakuzu, muhaane vivero vienyu viosi ku Nyasaye ku kivuni chuvulungi.

Varumi 6:22

Navuzwa kalunu, mumali kovoholorwa kutura muvwoni, na mugwiyi vatugwa avatumikiri va Nyasaye. Vukala vwa muveeye navwo kalunu nu vutakatifu, kandi keheri chavwo kcveeye livamwoyo lie mihiga ni mihiga.

1 Vakorintho 15:45

Mang'oda Matakatifu gavoora, “Mundu wu kutanga, Adamu yalombwa kelombe chi livamwoyo.” Navuzwa Adamu wukumaliriza aveeye Roho uhaanaa livamwoyo litahera.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

Vagalatia 2:19

Kuvitira mu Lilaga inzi ndaakuza kigira Lilaga, kunangwa nduuki kuva mwoyo mu Nyasaye.

Vafeso 2:5

ndi lwa kwaali avakuzu mu Roho kigira mahiolo giitu, yakokola kove mwoyo harara na Kristo. Gaveeye ku zimbavasi zia Nyasaye ndi munyi muhonyiywi.

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Kwidzulitsa 15:21

Navuzwa niiva koveeye ni kindu kidamanu ni zinyama yizio, niziva zialema, anoho zimboku anoho ziveeye no volema vundi vudamanu, mutazihaana ku Yahova Nyasaye winyu mba.

Kwidzulitsa 17:1

“Mutitira Yahova Nyasaye winyu visiuviliru vie zing'ombe anoho magondi, agaveeye nimbala yoosi mba kigira Yahova adunyiraa vindu yivi.

Kwidzulitsa 31:27

Manya kirage chavo nuvwibaali vwavo. Henza, niiva vibaara ku Yahova ing'inga ya ngikiri mwoyo harara navo, navalandi inyima wi likuva liange!

Kwidzulitsa 33:27

Nyasaye aveeza likingwa lienyu kazozo. Amakono geege gimihiga ni mihiga gaveeye vokonyi vwenyu. Yakunga avasigu vinyu lwa mwavingilira, kandi namuvolera muvadivizi vosi.

Kwidzulitsa 5:26

Ni mundu ki uwamanya alava mwoyo niyakamara kuhulira Nyasaye oveeye mwoyo namolomaa kutura hagati hu muliru, kuli kunyi?

1 Vatesalonike 1:9

Avandu yavo vosi vamoloma kuli mwakwingiriza hagati hinyu lwa kwamugeniha. Kandi kuli mwaleka vifananyi nukuzia ku Nyasaye, kandi kutumikira Nyasaye wa giligali oveeye mwoyo,

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

Vahebraina 10:10

Yeso Kristo yatwekiza vulariri vwa Nyasaye yenya akole, kunyi kwosi kutakasiywi kutura muvwoni vwitu ku kihanwa cha yihaana chu muviri gwigwe mwene lulala kandi lwokoheleriza.

Vahebraina 10:12

Navuzwa Kristo yahaana kisiuviriru kilala kigira vwoni, kisiuviriru kiduukanaa mihiga ni mihiga, kandi niyikara ha mukono mulungi gwa Nyasaye.

Vahebraina 10:2

Ni gataveeye ndio, ngano si vialekwa kuhaanwa? Kigira niiva avandu vasigamira Nyasaye valava nivatakasiywi ligali kutura muvwoni vwavo lulala, ngano sivakaveeye niliiva liu kumanya mahiolo gaavo kandi mba, kandi visiuviliru viosi viakaheriziywi.

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

Vahebraina 11:21

Kigira lisuuvira, Yakobo lwa yaali na kuzaa yagasiza avana va Josefu, nakikiri kukuza. Samulala yasigamira Nyasaye niyesedemi ku imbimbu yeeye.

Vahebraina 13:12

Kigira yaga Yeso kandi yakuzira ichova wi lidaala linene aduuki kutakasa avandu kutura muvwoni na masahi geege mwene.

Vahebraina 3:12

Muhenze vulahi, vamiitu vange, gase mwoyo mudamanu ligali kandi gwilivula kusuuvira kuli yigwo gulava mu mulala ku munyi, gwakajira yagirung'ana nokoleka Nyasaye oveeye mwoyo.

Vahebraina 6:1

Kunangwa, gendi kwisundi imbiri kuduuka ku migizu gu vuduukiru nakoleke inyima amigizu gukutanga gu Vukristayo. Kutatema kandi musingi gwi lieganira kutura ku miyinzi midamanu, nu gwi lisuuvira mu Nyasaye mba;

Vahebraina 7:16

Siyakolwa musaalisi kolondekana na malago kandi miima ja vandu, navuzwa kuvitira mu zinguru zie livamwoyo litahera mba.

Vahebraina 7:27

Siaveeye kuli avasaalisi vanene vandi mba; siyenyekaa ahaane visiuviliru kigira uvwoni vwivwe mwene kutanga, ma kandi kigira uvwoni vwa vandu mba. Yakola yaga lwa yahaana kisiuviriru kilala, lulala vuzwa kigira viosi, lwa yihaana mwene.

Vahebraina 9:12

Lwa Kristo yavitira mu lihema kandi niyingira, kuduuka Hatakatifu ligali lulala kandi lwokoheleriza, siyavugula masahi gi zimburi na gi zigiriki kugahaana kuli visiuviliru mba; navuzwa, yavugula masahi geege mwene kandi umali konyolera kunyi ovohonyi vwi mihiga ni mihiga.

Vahebraina 9:26

galava ndio, ngano Kristo yaali yakasaliyi haali kanyingi kutura lirova nililombwa. Mu vogono yivwo kalunu lwi zing'inga ziesunda ko keheri, umali kololeka lulala vuzwa kandi lwu kumaliriza, kutuliza vwoni kuvitira mu liehaana mwene kuli kisiuviriru.

Vahebraina 9:7

navuzwa Musaalisi Munene yenyine niyie yingiraa mu Lihema liakaviri liu mugati. Yakola ndio ing'inga ndala vuzwa ku muhiga. Yingiraa mu na masahi, aga yahaana ku Nyasaye kigira oyo mwene, kandi kigira vwoni vwa vandu vaakora vugira kumanya.

Vahebraina 9:9

Yaga gaveeye kelolero chi ing'inga ya kalunu. Mulugano zisadaka ni visiuviliru vie zinyama viahaanwa ku Nyasaye siviali vinyala kokora mwoyo gwa uyu usigamiraa kuva mudukiru mba;

1 Petro 1:19

Gaali masahi guvuguli ga Kristo, agaveeye kuli gu mwana wi ligondi utaveeye nimbala anoho ikindu kidamanu.

1 Petro 2:22

Siyakola uvwoni, kandi siyanyooleka nu vugadi kutura mu munwa gwigwe mba.

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.

1 Petro 3:18

Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho,

1 Petro 4:2

Kutura kalunu, mutazizagilira komenya mu likaayirwa lia vandu mba navuzwa mu vulaliri vwa Nyasaye.

1 Yohana 1:7

Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.

1 Yohana 3:5

Mwamanya Kristo yaloleka aduuki kutulizaho uvwoni vwitu; kandi uvwoni sivoveeye muye mba.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

1 Samweli 17:26

Daudi yateeva vasaza vaali nivaveeye ahimbi naye, “Musaza uva niyiita mundu Mufilisitia uyu nokovoholola Isiraeli kutura mu zisoni yizi alahevwaki? Kali ndio nivwaha, Mufilisitia musiindi uyu olegeriza liihi lia Nyasaye oveeye mwoyo?”