Vahebraina 9:12 - KITABU KITAKATIFU

¹² Lwa Kristo yavitira mu lihema kandi niyingira, kuduuka Hatakatifu ligali lulala kandi lwokoheleriza, siyavugula masahi gi zimburi na gi zigiriki kugahaana kuli visiuviliru mba; navuzwa, yavugula masahi geege mwene kandi umali konyolera kunyi ovohonyi vwi mihiga ni mihiga.

Vahebraina 9:12 Iomraidhean Croise

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Kyavalevi 16:15

Niyakamara kokora ndio, alasinzira avandu imburi ekole yikihaanwa chu uvwoni kandi alaleeta masahi gayo havundu hatakatifu ligali nukuguuha ku kikuniku kandi imbiri wi Lisandugu lia malago kuli yakola na masahi gi giriki.

Kyavalevi 4:3

Niiva nu Musaalisi Munene, uva naakori vwoni, nukuviika vandu mu vwoni, kuduuka ahaane kisiuviriru chi kemoli kigiriki kitaveeye niimbala kigira vwoni vwivwe ku Yahova kuli kihanwa chu vwoni.

Kyavalevi 8:2

“Hila Haruni harara na vayaayi veve ha vwingiliru vwi Lihema liu kuvuganira mu na Yahova, na uvaleetaneri zinguvu ziavo ziu vusaalisi, amaguta gu kwivaka, kemoli kigiriki chi kihanwa chu uvwoni, magondi mamigu gaviri, ni kihinda chuvuchima vutaveeye mu namamera.

Kyavalevi 9:15

Haruni niyakamara, yahaana kihanwa cha avandu. Yavugula imburi yaali kihanwa chu uvwoni vwa avandu, naagisinza, ma nagihaana kigira uvwoni kuli yaali naakori ku kihanwa chiche mwene chu uvwoni.

Zekaria 3:9

Mbikaa imbiri wa Joshua ligina lilala liveeye ni zimoni 7. Ndang'ola kwigulu kwalio amang'oda, kandi mulidiku lilala ndakatulizi ho vwoni vwikivala yiki.

Marko 3:29

Navuzwa uyu ulinyega Roho Mutakatifu sialisamiifwa kali hakuzu mba, kigira umali kokora uvwoni vwi mihiga ni mihiga.”

Luka 1:68

“Agasizwi Mwami Nyasaye wa Isiraeli, kigira umali kogeniha kandi ohonyi avandu veve.

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Vafeso 1:7

Kuvitira mu masahi ga Kristo, kunyi konyooye livoholorwa, agaveeye kovora ndi, uvwoni vwitu vusamiihiywi. Nindio voveeye ovonene vwu vutugi vwi zimbavasi zia Nyasaye

Vakolosai 1:14

muye koveeye novovoholore kutura mu vuhambe vwu uvwoni kandi, kusamiifwa uvwoni vwitu.

1 Vatesalonike 1:10

kandi kulindilira Mwana weve kutura mwigulu naye ni Yeso, wa yasimugukiza kutura mu vakuzu, ohonyia kunyi kutura mu vutima vwa Nyasaye vuzaa.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

Vahebraina 10:19

Kunangwa, avaamitu vange, kigira masahi ga Yeso, koveeye no vovoholore vwosi vwu kwingira Hatakatifu ligali.

Vahebraina 10:4

Amasahi gi zigiriki na agi zimburi siganyala kutulizaho uvwoni mba.

Vahebraina 13:12

Kigira yaga Yeso kandi yakuzira ichova wi lidaala linene aduuki kutakasa avandu kutura muvwoni na masahi geege mwene.

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

Vahebraina 7:27

Siaveeye kuli avasaalisi vanene vandi mba; siyenyekaa ahaane visiuviliru kigira uvwoni vwivwe mwene kutanga, ma kandi kigira uvwoni vwa vandu mba. Yakola yaga lwa yahaana kisiuviriru kilala, lulala vuzwa kigira viosi, lwa yihaana mwene.

Vahebraina 9:13

Amasahi gi zimburi na gi zigiriki kandi ligoke lie vimoli viukusambwa viuhwa ku vandu vaveeye vadamanu kolondekana numwima gwi vindu yivi vivatakaasa nukutulizaho uvudamanu vwavo kolondekana numwima.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

Vahebraina 9:15

Kigira yaga, Kristo niyie olohizaa lilagana lihia, kunangwa yavo ava Nyasaye amali kulanga vaduuki konyoora vugasu vwi mihiga ni mihiga, vwa Nyasaye yavasuuviriza. Yaga ganyala kokolwa kigira likuza limali kuva ho; ilivohololaa avandu kutura mu mahiolo gavakolaa lwa lilagana liukutanga liali nilikikiri ho.

Vahebraina 9:19

Kutanga Musa yalandizira avandu vosi malago goosi kuli galohizwa mu Lilaga. Maku navugura masahi gi zigiriki na gi zimburi, nagazuganyia harara na mazi, kandi naguuha ku kitabu chi Lilaga kandi niyuha ku vandu vosi, natumikira ameyo galombwa ku visara nuvwoya vwakanyu.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

Vahebraina 9:7

navuzwa Musaalisi Munene yenyine niyie yingiraa mu Lihema liakaviri liu mugati. Yakola ndio ing'inga ndala vuzwa ku muhiga. Yingiraa mu na masahi, aga yahaana ku Nyasaye kigira oyo mwene, kandi kigira vwoni vwa vandu vaakora vugira kumanya.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 5:9

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.