Vahebraina 8:13 - KITABU KITAKATIFU

¹³ Mulivoola ndio ku lilaga lihia. Nyasaye umali kolomba liukutanga kuva likulu; kandi ku choosi kikunguhaa ni kitandukaa kilatulizwa ho vwangu.

Vahebraina 8:13 Iomraidhean Croise

Isaya 51:6

Mugiingi zimoni zienyu muhenze mu ligulu; muhenze hasi ku lirova! Ligulu lilavuya kuli mwoki lirova lilakunguha kuli inguvu ingulu. Avandu vaveeye mu kivala vosi valakuza kuli ziinji. Navuzwa vohonyi vwa ndileeta, vulahindira mihiga ni mihiga; liguuta liange lilava liu kumalirika.

Matayo 24:35

Ligulu ni lirova vilavita, navuzwa amakuva gange sigalivita mba.”

Luka 22:20

Munzira ndala nzere, nivakamara lilia mugadi, Yeso yavugula kekombe chi iwaini navoora, “Kekombe yiki keveeye Lilaga Lihia lia Nyasaye mu masahi gange, agasundulwa kigira munyi.]”

1 Vakorintho 13:8

Uvuyanzi sivoveeye ne keheri mba. Navuzwa voporofeti nivoveeyeho vulakahere, vihaanwa viokomoloma mu zinimi zing'eni, niviveeyeho, vilakahere; limanya niliveeyeho lilakahere.

2 Vakorintho 3:6

Yakokola kove avatumikiri vadukiru vi Lilagana lihia litaveeye lie lilaga liang'odwa, navuzwa lia Roho. Lilaga liang'odwa liletaa likuza, navuzwa Roho ahaanaa livamwoyo.

2 Vakorintho 5:17

Lwu mundu woosi, aveeye mu Kristo, aveeye ekelombe ikihia. Henza ivindu viosi via kale vimali kuvita. Na viosi vigwiyi vihia.

Vahebraina 1:11

Viosi viladiva, navuzwa ivi ulatigala uhindiri mihiga ni mihiga; viosi vilakunguha kuli zinguvu!

Vahebraina 12:24

Mumali kuuza ku Yeso umuhambanyi wililagana lihia, kandi ku masahi guufa agasuuvirizaa vindu vilahi ligali kuvita masahi ga Habili.

Vahebraina 7:22

Kigira liesuuha yili, Yeso umali kuva kihambiliru chi lilagana lilahi kuvita.

Vahebraina 8:6

Navuzwa kalunu Yeso Kristo umali koheevwa miyinzi ju vusaalisi ovoveeye vulahi kuvita vwavo, kuli Lilagana lia yalohiza hagati ha Nyasaye na vandu veve liveeye lilahi ligali kuvita, kigira liediiraa ku lisuuvirizwa lilahi ligali lie vindu viveeye vilahi ligali.

Vahebraina 8:8

Navuzwa Nyasaye yanyoora vudamanu mu vandu veve lwa yavoola, “Heenzi, amadiku gaaza, Mwami avoora, lwa ndilomba lilagana lihia na vandu va Isiraeli kandi na vandu va Yuda.

Vahebraina 9:15

Kigira yaga, Kristo niyie olohizaa lilagana lihia, kunangwa yavo ava Nyasaye amali kulanga vaduuki konyoora vugasu vwi mihiga ni mihiga, vwa Nyasaye yavasuuviriza. Yaga ganyala kokolwa kigira likuza limali kuva ho; ilivohololaa avandu kutura mu mahiolo gavakolaa lwa lilagana liukutanga liali nilikikiri ho.