Vahebraina 8:10 - KITABU KITAKATIFU

¹⁰ Kalunu, yili nilio lilagana lia ndilomba na vandu va Isiraeli mu madiku gaaza, Mwami avoora, ndaviika malago gange mu zing'anagani ziavo, kandi ndakagang'ode mu mioyo jaavo; kandi ndakave Nyasaye wavo, navo valakave avandu vange.

Vahebraina 8:10 Iomraidhean Croise

Kutwula 24:4

Kunangwa Musa yang'oda amalago goosi ga Yahova Mugamba gwalonda ku, yumbaka uvwali havundu hi kiguru kitangiraa ma nasimika ho amagina likomi na gaviri, lilala ku vuli ihiiri ya Isiraeli.

Kutwula 24:7

Maku yavugula kitabu chililagana, ichang'odwa mu amalago ga Yahova, ma naagasoma vudinyu ku avandu. Vavoola, “Kulahulira Yahova kandi kulakola vindu viosi viamali kukulaga.”

Kutwula 34:1

Yahova yavolera Musa, “Vaza vibaho viviri via magina kuli viali viu kutanga, na ndang'oda kuvio amakuva gaali ku vibaho viu kutanga, via watanyia.

Kutwula 34:27

Yahova yavolera Musa, “Ong'ode amakuva yaga, kigira galava ku musingi gwa mang'ana yaga nduuki kolomba lilagana ku ivi na vandu va Isiraeli.”

Lwimbu lwa Solomoni 2:16

Muyanze wange aveeye wange, kandi inzi mbeeye weve. Yayizaa chayo chiche cha magondi hagati hi vimuli,

Jeremia 24:7

Ndavakora vave nuvuha vwu kumanya ndi inzi mbeeye Yahova. Maku valava avandu vange, na inzi ndava Nyasaye wavo, kigira valirana ku inzi ni mioyo jaavo josi.

Jeremia 31:1

Yahova avoora, “Ing'inga yiza lwandakave Nyasaye wi zihiiri ziosi zia Isiraeli, kandi valakave avandu vange.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Jeremia 32:38

Maku, valava avandu vange, na inzi ndava Nyasaye wavo.

Jeremia 32:40

Ndalomba lilagana liange navo lie mihiga ni mihiga. Ndazizagilira kuvakolera vindu vilahi, kandi ndavakora vatie inzi ni mioyo jaavo josi, kunangwa vavuli kugirung'ana kutura ku inzi.

Ezekieli 37:27

Inzi ndakamenyeyo navo. Inzi nambe Nyasaye wavo, kandi valakave avandu vange.

Ezekieli 39:22

Avandu va Isiraeli valamanya kutura kalunu ndi, Inzi mbeeye Yahova Nyasaye wavo.

Hosea 1:10

Avandu va Isiraeli valakave vanyingi kuli muyeke gwu munyanza ugunyala kuvula kuvalizwa anoho kogerwa. Kalunu Nyasaye avavoolera, “Munyi si muveeye avandu vange mba,” navuzwa ing'inga yiza lwa livavoolera, “Munyi muveeye avana va Nyasaye omenya!”

Hosea 2:23

Ndaviika avandu vange mu kivala kandi ndavakora kugasizwa. Ndayaanza yavo avalangwa “Avatayanzwa,” kandi ndayaanza yavo avalangwa, “Avandu vataveeye avange.” Kalunu ndavoora, “Munyi muveeye avandu vange,” navo valativura, “Ivi oveeye Nyasaye wiitu.”

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Zekaria 8:8

kandi ndakavilanyie kutura Ivugwi kandi Imadioli vaze komenya mu Jerusalemi; valakave vandu vange, na inzi ndakave Nyasaye wavo. Ndakavamiihi mu vusuuvirifu kandi mu vulungi.

Matayo 22:32

‘Inzi mbeeye Nyasaye wa Aburahamu, Isaka Nyasaye wa Yakobo?’ Ku, siaveeye Nyasaye wa avakuzu, navuzwa aveeye Nyasaye wa avaveeye mwoyo.”

Varumi 11:27

“Ndakalombe lilagana liange yili navo, lwa ndituliza ho vwoni vwavo.”

1 Vakorintho 6:16

Anoho, si mumanyi ndi mundu uhambanyia muviri gwigwe nu muheyi agwiyi muviri mulala naye? Mang'oda Matakatifu gavoora havulavu ndi, “Vombi vaviri valagwa umuviri mulala.”

2 Vakorintho 3:3

Gaveeye havulavu ndi munyi muveeye va Kristo mwene yang'oda, yayaatuma kuvitira mu kunyi. Kristo siyageng'oda nu vwinu, navuzwa yageng'oda na Roho wa Nyasaye oveeye mwoyo. Siyageng'oda ku magina mavanze, navuzwa mu mioyo ja vandu.

Kwidzulitsa 30:6

Yahova Nyasaye winyu alamuha mioyo jukuhulira nukwegehiza harara ni visukululwi vienyu, kunangwa muduuki kumuyaanza nimioyo jinyu josi, na roho jinyu josi kandi mulazizagilira komenya mu kivala yicho.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 11:16

Navuzwa kuli gaveeye, veegomba kivala kilahi ligali, nacho keveeye kivala chu mwigulu; kigira yaga, Nyasaye siaveeye esoni ku yavo kumulanga Nyasaye wavo, kigira uvalombeeye lidaala linene.

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.

Yakobo 1:21

Kigira yaga, mutuliziho vudamanu vwosi kandi imiima josi imidamanu. Mwegehizi ku Nyasaye kandi muvugiliri likuva lia viikwa mumioyo jinyu, ilinyala kumuhonyia.

1 Petro 1:23

Kuvitira mu likuva lia Nyasaye iliveeye mwoyo kandi ilihindiraa mihiga ni mihiga, munyi mumali kwivulwa kaviri kuli avana vu mwivuli utakuzaa.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.