Vahebraina 7:6 - KITABU KITAKATIFU

⁶ Melikizedeki siyaali kisukururwi cha Levi mba, navuzwa yasolola kidieli chi likomi kutura ku Aburahamu kandi namugasiza, umundu wanyoola lisuuvirizwa lia Nyasaye.

Vahebraina 7:6 Iomraidhean Croise

Litanga 12:13

Uvavoolere ndi ivi oveeye mbozo wange. Maku, kigira ivi valaleka mbe mwoyo valangolera vulahi.”

Litanga 12:2

Ndakokola ove ni visukululwi vinyingi, na valakave ihiiri enene ligali. Ndakugasiza kandi ulamanyikana ligali; kandi ulava ugasizaa.

Vikolwa 3:25

“Lisuuvirizwa lia Nyasaye kuvitira mu avaporofeti veve, gaveeye kigira munyi; na munyi musangaa mu lilagana lia Nyasaye yalomba na avaguuga vinyu. Kuli yavolera Aburahamu, ‘Kuvitira mu visukululwi vivio ndakagasizi avandu vosi ku lirova.’

Varumi 4:13

Nyasaye yasuuviriza Aburahamu harara ni visukululwi vivie ndi, lirova lilava liavo. Lisuuvirizwa yilio siliahaanwa kigira Aburahamu yatia Lilaga mba, navuzwa kuvitira mu vulungi vwi lisuuvira lilie yili iliavugilirwa na Nyasaye kuva uvulungi.

Varumi 9:4

Vaveeye avandu va Nyasaye; yatovola vave avana veve; naavavuulira uvukumi vwivwe. Yalomba lilagana lilie navo, kandi navaha Lilaga lilie; vaveeye ni lisigamira Nyasaye liageligali. Vanyoola lisuuvirizwa lia Nyasaye;

Vagalatia 3:16

Kunangwa Nyasaye yalomba lisuuvirizwa lilie ku Aburahamu kandi ku kisukururwi chiche. Mang'oda Matakatifu sigavoola, “Ni visukululwi vivie mba.” Agaveeye kovora avandu vanyingi, navuzwa “Ni kisukururwi chiche,” agaveeye kovora mundu mulala naye ni Kristo.

Vahebraina 11:13

Avandu yava vosi vaakuza nivaveeye mu lisuuvira. Vaakuza nivakikiri konyoora vindu via Nyasaye yavasuuviriza. Navuzwa vaali nivaviloleeye ihale, kandi nivavavugilira, kandi niviyama havulavu ndi vaali avageni na vamenya mu lirova.

Vahebraina 11:17

Kigira lisuuvira, Nyasaye yageriza Aburahamu ahaane Isaka mwana weve muderwa, ave kuli kisiuviriru. Aburahamu niye wa Nyasaye yalombera lisuuvirizwa yilio. Kali ndio, yavugilira kuhaana mwana weve muderwa kuli kisiuviriru.

Vahebraina 7:1

Melikizedeki uyu yaali Mwami Munene wa Salemi, kandi Musaalisi wa Nyasaye Oveeye munene. Lwa Aburahamu yaali niyirana kutura mu vulwani vwa yaguutira mu avami vane, Melikizedeki yagana naye kandi namugasiza,

Vahebraina 7:7

Navuzwa silinyala kuhayahayizwa ndi uyu ugasizaa aveeye munene kuvita uyu ugasizwa mba.