Vahebraina 7:26 - KITABU KITAKATIFU

²⁶ Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.

Vahebraina 7:26 Iomraidhean Croise

Zaburi 68:18

Yanigiraa igulu mwigulu navugura avahambe va yalaanya vanyingi harara naye, avugulaa vihaanwa kali kutura ku vibaali. Yahova Nyasaye alamenya ho.

Kutwula 28:36

“Olombe kibale chi isahani kutura ku izahabu indahi kandi uvake kuyo eve, kuli muhuri, ‘Iviikiywi halovega kulwu vutumiki vwa Yahova.’

Isaya 53:9

Yateevwa mu kilindwa harara na vandu vadamanu. Mu likuza lilie, yayavirwa harara na vatugi, kali niyavula kuvunaga malago ku goosi anoho kovora likuva liovovehi.”

Ezekieli 44:27

kunangwa yingiri mu mugizi gwu mugati gwi Litembeli nu kuhaana visiuviliru ku lietakasa liu vwoni vwivwe. Niyakakola ndio, anyala kutumika mu Litembeli kandi. Inzi Yahova mali kovora.

Livalidza 29:26

Ku lidiku lia katano muhaane vimoli vigiriki tisa, amamigu gaviri, kandi vimeme via magondi komina ine viu muhiga mulala, viosi vitaveeye nimbara.

Matayo 27:18

Yavoola ndio kigira yamanya vamuyaara kigira embodoka.

Marko 16:19

Lwu, Mwami Yeso yaali niyakamoloma navo, yavugurwa kuzia mwigulu, ni yikala ha mukono mulungi gwa Nyasaye.

Luka 1:35

Engelosi yamutivulira, “Roho Mutakatifu alaza ku ivi, kandi zinguru zia Nyasaye oveeye igulu Ligali zilakukinga kuli kiriri. Kulwayago mwana wa ulivuula alakalangwe Mutakatifu, Mwana wa Nyasaye.

Luka 23:22

Pilato yavavolera lwa kavaga, “Kigira ki? Mundu uyu akoli vudamanu ki? Inzi sindoli uvudamanu muye uvuduukanaa nilikuza mba. Kigira yaga, ndaleka akuywi ma muvoholore.”

Luka 23:41

Kunyi ligali koheveeywe amaduywa gaduukanaa ni kunyi; kigira kunyi konyoora amadanyi gi miyinzi jietu midamanu. Navuzwa mundu uyu si yakola kindu kidamanu mba.”

Luka 23:47

Ahene yaho, lwu munene wa vasikari mia yalora gaali nigekoleki, yizominya Nyasaye navoora, “Ligali uyu yaali mundu mulungi.”

Luka 24:26

Si vwali vulahi Kristo asalirizwi mu vindu yivi viosi mukwingira mu vukumi vwivwe mwigulu harara na Nyasaye?”

Luka 24:46

Yavavolera “Yaga nigo agang'odwa, ‘Kristo aliitwa na asimuguki kutura mu vakuzu ku lidiku lia kavaga,’

Yohana 14:30

Sinyala komoloma ni munyi kandi ing'inga indambi mba, kigira Mwamihi wikivala yiki yaazaa.” Siaveeye nuvunyari ku inzi mba.

Yohana 8:29

Oyo wanduma aveeye harara nainzi kandi; kigira akikiri kondeka nzieng'ine, kigira ngolaa kazozo aga muyaanzizaa.”

Vikolwa 3:14

Navuzwa munyi mwambakana uyu uwaali Mutakatifu kandi mulungi; na mu vogono yivwo mwenya muvoholerwe oyo uwaali mwiti nu mulumindi.

Vikolwa 4:27

“Kigira ligali, nindio Herodi Pontio Pilato, vavugana harara mu lidaala yili na Avizihiiri kandi avandu va Isiraeli, kuhingira Yeso, Mutumikiri woovo mutakatifu wa wakola ave Mesia.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.

Vahebraina 2:10

Vwali vulahi ndi, Nyasaye, umulombi numulindi wi vindu viosi, aduuki kokora Yeso kuva muduukiru ligali kuvitira muvusaliri, kunangwa aleete avana vanyingi kusanga mu vukumi vwivwe. Yeso niyie uvimiliraa kuduuka ku vohonyi.

Vahebraina 2:17

Kigira yaga, gamuduukira ave kuli avamwavo veve munzira yoosi, kunangwa aduuki kuva Musaalisi Munene wavo wi zimbavasi kandi wu vusuuvirifu mu vutumiki vwivwe ku Nyasaye, kunangwa aduuki kusamiiha avandu vwoni vwavo.

Vahebraina 3:1

Kunangwa, avaamitu vange vatakatifu, avilisanga mu lilangwa lia Nyasaye, muviiki zing'anagani zienyu ku Yeso, wa Nyasaye yatuma kuva Musaalisi Munene wilisuuvira lia kulandizaa.

Vahebraina 7:11

Niiva vulungi vwanyooleka kuvitira mu vusaalisi vwi ihiiri ya Levi, avandu va Isiraeli vahevwa Lilaga. Sihaveeyeho ni lienya umusaalisi wu lugano Lundi kuuza kolonda Melikizedeki, nataveeye uza inyima wa Haruni mba.

Vahebraina 8:1

Kalunu kivuni kenene cha makuva ga kovora ni yiki: koveeye nu Musaalisi Munene wu lugano yilu, wikala ha mukono mulungi gwendeve yu vwami vwa Nyasaye Wuvunyali, mwigulu.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

1 Petro 1:19

Gaali masahi guvuguli ga Kristo, agaveeye kuli gu mwana wi ligondi utaveeye nimbala anoho ikindu kidamanu.

1 Petro 2:22

Siyakola uvwoni, kandi siyanyooleka nu vugadi kutura mu munwa gwigwe mba.

1 Petro 3:22

naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.

1 Yohana 2:2

Kandi Kristo mwene aveeye kisiuviriru chu vwoni vwitu; kandi siaveeye ku vwoni vwitu kwenyine mba, navuzwa kandi nuvwoni vwa vumukivala vosi.

1 Yohana 3:5

Mwamanya Kristo yaloleka aduuki kutulizaho uvwoni vwitu; kandi uvwoni sivoveeye muye mba.

Likunula 3:7

“Ng'odera engelosi wi likanisa liveeye Filadefia: “Yaga nigo amakuva ga uyu oveeye umutakatifu, nu wi ligali. Aveeye nu lufungu lwali lwa Daudi, kandi cha oyo amali kwigura sihaveeye ho nunyala kuhana mba, gwa mali kuhana sihaveeye ho nu unyala kwigura mba.