Vahebraina 7:19 - KITABU KITAKATIFU

¹⁹ Lilaga lia Musa siliali linyala kokora kindu choosi kuva kidukiru mba. Navuzwa kalunu mu vogono vwalio, lisuuvirizwa lilahi ligali kuvita, limali kuhaanwa lia kunyala kuvitira mu, ma kwisundi ahimbi ku Nyasaye.

Vahebraina 7:19 Iomraidhean Croise

Zaburi 73:28

Navuzwa ku inzi vuveeye vulahi ligali kuva ahimbi ku Nyasaye; konyoora likingwa ku Yahova Nyasaye Wuvunyali nukulandiza ndavoora vindu viosi viokogenyia viamali kokora.

Lisyoma lya Jeremia 3:57

Ivi waza ahimbi lwandakwanira kandi novoora, ‘Utatia mba.’

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Vikolwa 13:39

Kuvitira kandi mu Yeso, mundu woosi usuviraa avohololwa kutura mu vwoni vwi, Lilaga lia Musa siliali linyala kumuvoholora mba.

Varumi 5:2

Kuvitira mu Kristo, kumali konyoora zimbavasi zia Nyasaye zia koveeye mu kalunu. Kusangaliraa mu lisuuvirizwa lia koveeye nalio liu kusanga mu vukumi vwa Nyasaye!

Varumi 7:7

Kunangwa, kunyala kovora ki, Lilaga liveeye liu vwoni? Si gaveeye ndio mba! Navuzwa liali Lilaga liakola inzi kumanya uvwoni ni ki. Kigira sindaali manye likayirwa vugira Lilaga kovora, “Utakayirwa mba.”

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

Vagalatia 2:16

Navuzwa kunyi kumanyi ndi mundu akolwaa mulungi na Nyasaye kuvitira mu lisuuvira mu Yeso Kristo, na sigaveeye ku likora agi Lilaga lienyaa mba. Kunyi kandi, kumali kusuuvira mu Kristo Yeso kuduuki kokolwa avalungi imbiri wa Nyasaye ku lisuuvira lietu mu Kristo, kigira mu miyinzi ji Lilaga mundu sianyala kokolwa mulungi mba.

Vagalatia 3:21

Kunangwa, Lilaga linyala kuhing'ana ni lisuuvirizwa lia Nyasaye? Awa, sigaveeye ndio kali hakuzu! Lilaga lilava ni liahaanwa, kigira koleta livamwoyo ku avandu, ngano mundu woosi yaali akolwe mulungi imbiri wa Nyasaye ku lihulira ni liitia Lilaga.

Vagalatia 3:24

Kunangwa Lilaga liali mulindi wiitu kuduuka lwa Kristo yaza, kuduuki kokolwa avalungi imbiri wa Nyasaye kuvitira mu lisuuvira.

Vafeso 3:12

Kunangwa, mu lihambanywa lietu na Kristo kandi kuvitira mu lisuuvira lietu muye, kunyi koveeye nuluviliraa kuzia imbiri wa Nyasaye vugira uvuti vwosi.

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

Vahebraina 10:1

Lilaga lia Vayuda siliveeye kelolero kidukiru na kisuvirifu chi vindu vieligali viza mba, navuzwa ichiriri chi lilohiza lie vindu valahi viizaa. Visiuviliru vilala viere vihaanwa vuli muhiga. Kunangwa Lilaga linyala ndi, kuvitira mu visiuviliru yivi, kolomba avandu vaazaa ku Nyasaye kuva avadukiru?

Vahebraina 11:40

kigira Nyasaye yavikira kunyi kindu keveeye kilahi ligali lienya lilie liali ndi kove harara naye kunangwa kuduuki kokolwa vaduukiru.

Vahebraina 11:6

Vugira lisuuvira, mundu sianyala kuyaanziza Nyasaye mba. Ku vosi uzaa ku Nyasaye gamudukira ave nilisuvira ndi Nyasaye aveeye ho kandi niyie muhaani wa madanyi ku yavo avamwenyaa.

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.

Vahebraina 4:16

Kunangwa, gendi kuluviliri kwisunda ahimbi kondeve yu vwami vwa Nyasaye, hi zimbavasi ziveeye. Ahene yaho, kulanyoola livererwa kandi zimbavasi ziukokokoonya lwa kuzienya.

Vahebraina 6:18

Kunangwa koveeye ni vindu viviri; lisuuvirizwa ni liesuuha ivitanyala kugirung'ana, kandi Nyasaye avula kovora vovehi kulio. Kunangwa kunyi avakumali konyoora mirembe naye kuzuvwa ligali kugumiri vudinyu lisuuvirizwa liviikiywi imbiri wiitu.

Vahebraina 7:11

Niiva vulungi vwanyooleka kuvitira mu vusaalisi vwi ihiiri ya Levi, avandu va Isiraeli vahevwa Lilaga. Sihaveeyeho ni lienya umusaalisi wu lugano Lundi kuuza kolonda Melikizedeki, nataveeye uza inyima wa Haruni mba.

Vahebraina 7:20

Komeeda ku geene yago, haveeyeho ni liesuuha lia Nyasaye. Sihaaliho ni liesuuha kuli yili lwa vandu vandi vakolwa avasaalisi.

Vahebraina 7:25

Kandi ndio anyala, kalunu na kazozo, kohonyia yavo avaazaa ku Nyasaye kuvitira muye, kigira aveeye mwoyo mihiga ni mihiga, kandi avasaaliraa ku Nyasaye kazozo.

Vahebraina 8:6

Navuzwa kalunu Yeso Kristo umali koheevwa miyinzi ju vusaalisi ovoveeye vulahi kuvita vwavo, kuli Lilagana lia yalohiza hagati ha Nyasaye na vandu veve liveeye lilahi ligali kuvita, kigira liediiraa ku lisuuvirizwa lilahi ligali lie vindu viveeye vilahi ligali.

Vahebraina 9:9

Yaga gaveeye kelolero chi ing'inga ya kalunu. Mulugano zisadaka ni visiuviliru vie zinyama viahaanwa ku Nyasaye siviali vinyala kokora mwoyo gwa uyu usigamiraa kuva mudukiru mba;

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.